കുറച്ച് ദിവസത്തിന് ശേഷം നല്ലൊരു എപ്പിസോഡ്; അപ്പച്ചിയുടെ കള്ളത്തരങ്ങളെല്ലാം പൊളിച്ചടുക്കാന്‍ അപ്പു എത്തുന്നു

കുറച്ച് ദിവസത്തിന് ശേഷം ഒരു നല്ല എപ്പിസോഡ് ആയിരുന്നു. അപ്പുവിന് കാര്യങ്ങള്‍ ഏകദേശം മനസ്സിലായി തുടങ്ങിയിട്ടുണ്ട്. ഇന്നത്തെ എപ്പിസോഡ് ഒരുപാട് ഇഷ്ടമായി പ്രത്യേകിച്ച് ബാലനും ദേവിയും അപ്പുവിനോട് സംസാരിച്ചത്. അപ്പുവിന് കാര്യങ്ങളൊക്കെ ഏതാണ്ട് മനസ്സിലായി തുടങ്ങിയിട്ടുണ്ട്. ഇനി വരുന്ന എപ്പിസോഡുകള്‍ നല്ലതാവും എന്ന് പ്രതീക്ഷിക്കുന്നു. കഥയിലൊരു ട്വിസ്റ്റ് വരണമെന്നാണ് ഭൂരിഭാഗം പേരുടെയും ആവശ്യം.

ഇനി നാളെ എല്ലാവരും ഹാളില്‍ വെയിറ്റ് ചെയ്യും അപ്പു വരില്ല. അപ്പച്ചി പേടിക്കും. എല്ലാരും ടെന്‍ഷന്‍ അടിക്കും. അപ്പോള്‍ അവള്‍ ബാഗുമായി വരും. അപ്പച്ചി ജയിച്ച മട്ടില്‍ എല്ലാരെയും നോക്കി പുച്ഛ ചിരി ചിരിക്കും. അപ്പോള്‍ അപ്പു 'ബാഗ് റെഡിയാണ് അപ്പച്ചി ഇവിടുന്നു ഇറങ്ങി പൊക്കോ.. വിട്ടോ വിട്ടോ വണ്ടി വിട്ടോ എന്ന് പറഞ്ഞേക്കും. എന്തായാലും അതുപോലൊരു ട്വിസ്റ്റാണ് ഞങ്ങള്‍ പ്രതീക്ഷിക്കുന്നത് എന്നാണ് ആരാധകര്‍ പറയുന്നത്.

ഹരിയെയും അഞ്ജുവിനെയും പോലെ ബാക്കി ഉള്ളവരെ ഒന്ന് ബോള്‍ഡ് ആക്കണം. ഇന്നത്തെ ഹരിയാണ് ശരിക്കും ഹീറോ ആയത്. തോറ്റ് കൊടുക്കരുത് ഹരിയേട്ടാ. തമ്പി അങ്ങനെ ജയിക്കേണ്ട. ഇന്നത്തെ അപ്പുന്റെ അപച്ചിയോട് ഉള്ള എക്‌സ്പ്രഷന്‍ കണ്ടാല്‍ അറിയാം, അവള്‍ക്ക് സകല കാര്യവും പിടി കിട്ടിയെന്ന്. പൊട്ടി അപ്പച്ചി അങ്ങോട്ട് പറഞ്ഞു കൊടുത്തു ഞാന്‍ തല്ലി പറയും എന്ന്. എന്നെ കണ്ടാല്‍ കിണ്ണം കട്ടു തോന്നുമോ എന്ന സ്റ്റൈല്‍ ആയിരുന്നു അപ്പച്ചി.

Recommended Video

ഇത് എന്റെ ആദ്യത്തെ OTT പടം , Manju Warrier | FilmiBeat Malayalam

പുതിയ എപ്പിസോഡില്‍ വീണ്ടും പ്രശ്‌നങ്ങള്‍ ഉണ്ടാക്കി കൊണ്ടാണ് ലച്ചു എത്തുന്നത്. അവിടെയും കണ്ണന്‍ തന്നെയാണ് പ്രശ്‌നങ്ങള്‍ക്ക് വഴിയൊരുക്കുന്നത്. ഇതോടെ അഞ്ജലി വഴക്ക് പറയുകയും കണ്ണന്‍ കരച്ചിലാവുകയുമൊക്കെ ചെയ്യുന്നുണ്ട്. കണ്ണന്റെ അവസ്ഥ കാണുമ്പോള്‍ സങ്കടം വരുന്നുണ്ട്. ഇനിയെങ്കിലും കുറച്ചൂടി പക്വത കണ്ണന് കൊടുക്കുന്നത് നല്ലതായിരിക്കും. കാരണം എന്നും ഒരുപോലെ നില്‍ക്കുമ്പോള്‍ അതും ബോറാവുമെന്നും ആരാധകര്‍ പറയുന്നു.