പുതിയ സന്തോഷം പങ്കുവെച്ച് സാന്ത്വനത്തിലെ ഹരി; പുതിയ വിലാസമായെന്ന് നടൻ, ആശംസയുമായി ആരാധകർ

തിരുവനന്തപുരത്ത് സ്വന്തമായി പുതിയ വീട് വാങ്ങിയിരിക്കുകയാണ് ഗരീഷ്. പുതിയ വീട്ടിൽ നിന്നുള്ള ചിത്രങ്ങൾ പങ്കുവെച്ച് കൊണ്ടാണ് പുതിയ സന്തോഷം നടൻ പങ്കുവെച്ചിരിക്കുന്നത്. പദ്മനാഭന്റെ മണ്ണിൽ ഒരു പുതിയ മേൽവിലാസം ആയി. മാതാപിതാക്കളുടേയും ദൈവത്തിന്റേയും അനുഗ്രഹത്താടെ പുതിയ വീട്ടിലേയ്ക്ക് താമസമായെന്നും നടൻ ഇൻസ്റ്റഗ്രാമിൽ കുറിച്ചു. പാലു കാച്ചലിന്‌റെ ചിത്രവും പങ്കുവെച്ചിട്ടുണ്ട്. നടി ചിപ്പിയും ഭർത്താവും നിർമ്മാതാവുമായ രഞ്ജിത്തും ചടങ്ങിന് എത്തിയിരുന്നു.

ഗിരീഷിനും കുടുംബത്തിനും ആശംസയുമായി ആരാധകരും സാന്ത്വനം ടീമും രംഗത്ത് എത്തിയിട്ടുണ്ട് . കണ്ണൂരാണ് ഗിരീഷിന്റെ സ്വദേശം. അവിടെ നിന്ന് പോകുന്നതിന്റെ സങ്കടവും ആരാധകർ പങ്കുവെയ്ക്കുന്നുണ്ട്. തലശ്ശേരിയിൽ നിന്ന് പോകുകയാണോ, നമ്മുടെ നാട് വിട്ടോ എന്നാണ് ആരാധകർ ചോദിക്കുന്നത്. ഒരിക്കലും ഇല്ലെന്ന് താരം മറുപടിയും നൽകിയിട്ടുണ്ട്. അവിടെയാണ് തന്റെ ആത്മാവെന്നാണ് ഗിരീഷ് പറയുന്നത്. നടന് കുടുംബത്തിനും എല്ലാ നന്മയും ഉണ്ടാകട്ടെയെന്നും ആരാധകർ പറയുന്നു. നടി ഷഫ്നയും ഗരീഷിനും ഭാര്യയ്ക്കും ആശംസയുമായി എത്തിയിട്ടുണ്ട്.

എന്‍ജിനീയറിങ്‌ പ്രൊഫഷന്‍ വേണ്ടെന്നു വച്ചാണ് ഗിരീഷ് അഭിനയത്തിൽ സജീവമാകുന്നത്. ചെറുപ്പം മുതലെ അഭിനയത്തിനോട് വല്ലാത്ത ആഗ്രഹമായിരുന്നു. തലശ്ശരിയാണ് സ്വദേശമെങ്കിലും പഠിച്ചതും വളർന്നതുമെല്ലാം മുംബൈയിൽ ആയിരുന്നു. 10ാം ക്ലാസിന് ശേഷമാണ് ഗിരീഷ് മുംബൈയിലേയ്ക്ക് പോകുന്നത്. എന്‍ജിനീയറിങ്ങിന് ചേരുകയും പിന്നീട് നല്ല ജോലി ലഭിക്കുകയും ചെയ്തിരുന്നു. ജോലി ഉപേക്ഷിച്ചാണ് അഭിനയത്തിൽ സജീവമാകുന്നത്. അവതാരകൻ ആയിട്ടാണ് ഗിരീഷിന്റെ തുടക്കം. ഭാഗ്യലക്ഷ്‌മിയാണ് ആദ്യത്തെ സീരിയൽ. പിന്നീട് ദത്തുപുത്രി ചെയ്തു. ഈ സീരിയലുകളൊക്കെ ശ്രദ്ധിക്കപ്പെടുകയും ചെയ്തിരുന്നു.

Recommended Video

വന്‍ താരനിരയുമായി ബിഗ്‌ബോസ് ഗ്രാന്‍ഡ് 18ന് | FilmiBeat Malayalam

ഗിരീഷിന് പൂർണ്ണ പിന്തുണയുമായി കുടുംബം കൂടെയുണ്ട്. മുൻപ് മനോരമയ്ക്ക് നൽകിയ അഭിമുഖത്തിൽ കുടുംബം നൽകുന്ന പിന്തുണയെ കുറിച്ച് നടൻ പറഞ്ഞിരുന്നു. സിനിമാ മേഖലയില്‍ തുടരാനുള്ള പ്രചോദനം കുടുംബം തന്നെയാണെന്നും ഭാര്യ പാര്‍വതിയും മകള്‍ ഗൗരിയും നൽകുന്ന പിന്തുണ വളരെ വലുതാണെന്നും നടൻ പറഞ്ഞിരുന്നു.