ഗോപിക നന്നായി പിന്തുണയ്ക്കുന്നുണ്ട്, അഞ്ജലിയുടെ ക്യാരക്ടറ് സൂപ്പറായി ചെയ്യുന്നു, മനസുതുറന്ന് സജിന്‍

ഇതില്‍ ചില വീഡിയോകള്‍ സജിന്‍ തന്നെ സോഷ്യല്‍ മീഡിയ പേജില്‍ പങ്കുവെച്ചിരുന്നു. ആശംസകള്‍ അറിയിച്ചവര്‍ക്ക് എല്ലാം നന്ദി അറിയിച്ചുകൊണ്ട് ഇന്‍സ്റ്റഗ്രാം ലൈവിലും എത്തിയിരിക്കുകയാണ് നടന്‍. അര മണിക്കൂറിലധികം നേരം ആരാധകരുമായി നടന്‍ ഇന്‍സ്റ്റയില്‍ ചെലവഴിച്ചു. ആരാധകര്‍ക്ക് നന്ദി പറഞ്ഞ നടന്‍ അവരുടെ ഓരോ ചോദ്യങ്ങള്‍ക്കും മറുപടിയുമായി എത്തി. സാന്ത്വനത്തിലെ ശിവേന്‌റെ ലൈവ് വീഡിയോ ഇപ്പോള്‍ സോഷ്യല്‍ മീഡിയയില്‍ ഒന്നടങ്കം ട്രെന്‍ഡിംഗാവുകയാണ്.

ആദ്യമായിട്ടാണ് ഇന്‍സ്റ്റഗ്രാമില്‍ ഒറ്റയ്ക്ക് നടന്‍ ലൈവ് വന്നത്. പിറന്നാള്‍ ആശംസകള്‍ക്ക് എല്ലാം നന്ദി പറയാനാണ് താന്‍ ലൈവില്‍ എത്തിയതെന്ന് സജിന്‍ പറയുന്നു. നിങ്ങളൊക്കെ ചെയ്തതിന് എങ്ങനെയാണ് നന്ദി പറയേണ്ടത് എന്നറിയില്ല. വെറുതെ ഒരു പോസ്റ്റിട്ട് അത് പറഞ്ഞവസാനിപ്പിക്കാന്‍ പറ്റില്ലെന്നും അതുകൊണ്ടാണ് ലൈവില്‍ വന്നത് എന്നും സാന്ത്വനം താരം പറഞ്ഞു. അഞ്ജലിയുടെ പിന്തുണയെ കുറിച്ചും സജിന്‍ മനസുതുറന്നു.

ഗോപിക എന്നെ നന്നായി സപ്പോര്‍ട്ട് ചെയ്യുന്നുണ്ട്. നന്നായി അഭിനയിക്കുന്ന ആളാണ് ഗോപിക. അഞ്ജലിയുടെ ക്യാരക്ടറ് സൂപ്പറായിട്ട് ചെയ്യുന്നുണ്ട്. ഗോപികയുടെ സപ്പോര്‍ട്ടുളളത് കാരണമാണ് എനിക്കും നന്നായി ചെയ്യാന്‍ പറ്റുന്നത്. എല്ലാവരും പറയുന്നത് പോലെ നമ്മളുടെ ഓപ്പോസിറ്റുളള ആള് നന്നായിട്ട് ചെയ്യുമ്പോള്‍ നമുക്കും ചെയ്യാന്‍ പറ്റും. അപ്പോ ഗോപികയുടെ സപ്പോര്‍ട്ട് ഭയങ്കര സപ്പോര്‍ട്ട് തന്നെയാണ്.

സട്രെഗ്ളിംഗ് ടൈം ഭയങ്കരമായിരുന്നു എന്നും സജിന്‍ പറയുന്നു. എന്നാല്‍ അച്ഛന്‍ ഇതുവരെ എന്റെയടുത്ത് നീ വേറെ എന്തെങ്കിലും ജോലി നോക്ക് ഇങ്ങനെ നടന്നാല്‍ ശരിയാവില്ല എന്നൊന്നും ഒന്നും പറഞ്ഞിട്ടില്ല. എന്‌റെ ആഗ്രഹം മനസിലാക്കിയതുകൊണ്ടാവാം അച്ഛന്‍ ഒന്നും പറഞ്ഞില്ല. അപ്പോ അത്രയും ആളുകളുടെ സപ്പോര്‍ട്ട് കൊണ്ടാണ് ഇവിടെ വരെ എത്താന്‍ സാധിച്ചത്, സജിന്‍ പറഞ്ഞു.

ഇതുവരെയുളള ജന്മദിനങ്ങളില്‍ സന്തോഷം കൊണ്ട് ഇമോഷണലായ ഒരു ബെര്‍ത്ത്‌ഡേയാണ് ഇത്. കാരണം ഇത്രയും ആഘോഷങ്ങള്‍ ഉണ്ടാവുമെന്നോ, സോഷ്യല്‍ മീഡിയയില്‍ കോമണ്‍ ഡിപി വരുമെന്നോ ഒന്നും പ്രതീക്ഷിച്ചില്ല. എന്തെല്ലാം കാര്യങ്ങളാണ് നിങ്ങള്‍ ചെയ്തുകൂട്ടിയത്. ഇതുവരെയുളള പിറന്നാളുകളില്‍ ഇത് ഭയങ്കരമായ ബെര്‍ത്ത്‌ഡേ ആയിരുന്നു. എല്ലാവരും കഷ്ടപ്പെട്ടാണ് കയറിവരുന്നത്. അപ്പോ അതുകൊണ്ട് ഞാന്‍ എന്‌റെ കഥകള്‍ അധികം പറയാറില്ല, ലൈവില്‍ സജിന്‍ വ്യക്തമാക്കി.