സാരിയിലും സിന്ദൂരത്തിലും മാത്രമല്ല മോഡേൺ ലുക്കിലും ശിവന്റെ അഞ്ജലി അടിപൊളി!

മുതിർന്ന ശേഷം സീ കേരളത്തിൽ സംപ്രേഷണം ചെയ്തിരുന്ന കബനിയിലാണ് ​ഗോപിക ആദ്യം നായികയായി അഭിനയിച്ചത്. ശേഷമാണ് 2020 മുതൽ ഏഷ്യാനെറ്റിലെ ഹിറ്റ് പരമ്പര സാന്ത്വനത്തിലെ അഞ്ജലിയായി അഭിനയിച്ച് തുടങ്ങിയത്. ഹൃദ്യമായ കുടുംബാന്തരീക്ഷത്തിൽ കഥപറയുന്ന ഏഷ്യാനെറ്റ് പരമ്പരയാണ് സാന്ത്വനം. മലയാളി കുടുംബസദസ്സുകൾ ചുരുങ്ങിയ ദിവസങ്ങൾ കൊണ്ടാണ് പരമ്പര നെഞ്ചിലേറ്റിയത്. സാന്ത്വനത്തിൽ ഏവരുടെയും കണ്ണിലുണ്ണിയായ കുസൃതിക്കുടുക്കയാണ് ​ഗോപിക അവതരിപ്പിക്കുന്ന അഞ്ജലി എന്ന കഥാപാത്രം. നിറ ചിരിയുമായി വരുന്ന അഞ്ജലി സ്‌ക്രീനിൽ എത്തിയാൽ തന്നെ കാണികളുടെ മുഖത്ത് ചിരി പടരും. അഭിനയത്തോടൊപ്പം പഠനവും മുന്നോട്ട് കൊണ്ടുപോയ ഗോപിക ഒരു ഡോക്ടർ കൂടിയാണ്.

സാന്ത്വനത്തിലെ ​ഗോപികയുടെ കഥാപാത്രമായ അഞ്ജലി വലിയ ഹിറ്റാണ്. ഒറ്റ സീരിയലിലൂടെ നിരവധി ആരാധകരെയാണ് ​ഗോപിക സ്വന്തമാക്കിയത്. നടൻ സജിന്റെ നായികയാണ് സാന്ത്വനത്തിൽ ​ഗോപികയുടെ അഞ്ജലി. ഇരുവരും ഭാര്യാ ഭർത്താക്കന്മാരായാണ് അഭിനയിക്കുന്നത്. ശിവാഞ്ജലി എന്നാണ് ആരാധകർ ഇവരുടെ കോമ്പോയെ ഓമനിച്ച് വിളിക്കുന്നത്. ഇപ്പോൾ ​ഗോപികയുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് ആരാധകർക്കിടയിൽ വൈറലാകുന്നത്. സാന്ത്വനം സീരിയലിൽ ​ഗോപിക എപ്പോഴും സാരിയിൽ നാടൻ പെൺകുട്ടിയായിട്ടാണ് പ്രത്യക്ഷപ്പെടാറുള്ളത്. എന്നാൽ പുതിയ ഫോട്ടോഷൂട്ട് ചിത്രങ്ങളിൽ മോഡേൺ ലുക്കിൽ ബോളിവുഡ് നായികമാരെ അനുസ്മരിപ്പിക്കും വിധമാണ് ​ഗോപിക പ്രത്യക്ഷപ്പെട്ടിരിക്കുന്നത്. താരത്തിന്റെ സ്റ്റൈലിഷ് ലുക്ക് നിമിഷ നേരം കൊണ്ട് വൈറലായി.

Recommended Video

Hridayam Box Office 2 Days Worldwide Collection Report | FilmiBeat Malayalam

​​​ഗോപിക സാരിയിലും മോഡേൺ ലുക്കിലും ഒരുപോലെ സുന്ദരിയാണ് എന്നാണ് ആരാധകരിൽ ഏറെയും കമന്റ് ചെയ്തത്. ഇപ്പോൾ വളരെ നിർണായക ഘട്ടത്തിലൂടെയാണ് സാന്ത്വനം പരമ്പര കടന്നുപോകുന്നത്. കഴിഞ്ഞ ദിവസം സംപ്രേഷണം ചെയ്ത എപ്പിസോഡിൽ ശിവനെ ജ​ഗനെ തല്ലിയതിന്റെ പേരിൽ പൊലീസ് അറസ്റ്റ് ചെയ്യുന്ന രം​ഗങ്ങളാണ് കാണിച്ചത്. തമ്പിയുടെ പ്രേരണ മൂലമാണ് ശിവന്റെ പേരിൽ ജ​ഗൻ കള്ളക്കേസ് കൊടുത്ത് കുടുക്കിയത്. ശിവനെ പൊലീസ് തല്ലിയതും ലോക്കപ്പിൽ അടച്ചതും അഞ്ജലിയുടെ മുമ്പിൽ വെച്ചാണ്. ഇപ്പോൾ ചേട്ടൻ ബാലനും ഹരിയുമെല്ലാം ശിവനെ ലോക്കപ്പിൽ നിന്നും ഇറക്കാൻ നടത്തുന്ന ശ്രമങ്ങളാണ് പുതിയ പ്രമോയിൽ കാണിക്കുന്നത്. കഥയിൽ വഴിത്തിരിവായതോടെ സാന്ത്വനം പ്രേക്ഷകരും അടുത്തത് എന്താകും എന്ന് അറിയാനുള്ള കാത്തിരിപ്പിലാണ്.