ഫസ്റ്റ് നൈറ്റ് കഴിഞ്ഞതോടെ അവര്‍ ഹാപ്പിയായി, ശിവാഞ്ജലിയുടെ ആദ്യരാത്രിയെ കുറിച്ച് സജിന്‍...

ഗോപികയാണ് സാന്ത്വനത്തില്‍ സജിന്‌റെ നായികയായി എത്തുന്നത്. അഞ്ജലി എന്ന കഥാപാത്രത്തെയാണ് നടി അവതരിപ്പിക്കുന്നത്. ശിവാഞ്ജലിമാരുടെ വിവാഹം കഴിഞ്ഞതോടെയാണ് ഈ ജോഡി പ്രേക്ഷകരുടെ ഇടയില്‍ ശ്രദ്ധിക്കാന്‍ തുടങ്ങിയത്. ആദ്യം വഴക്കും ബഹളവുമായിരുന്നുവെങ്കിലും പിന്നീട് ശിവനും അഞ്ജലിയും തമ്മില്‍ അടുക്കുകയായിരുന്നു. ഇവരുടെ റൊമാന്‍സ് കാണാന്‍ വേണ്ടി മാത്രം സീരിയല്‍ കാണുന്നവരുണ്ട്.

ഈ അടുത്തയിടെയായിരുന്നു ശിവന്റേയും അഞ്ജലിയുടേയും ഫസ്റ്റ് നൈറ്റ്. പ്രേക്ഷകര്‍ മാത്രമല്ല ട്രോളന്മാരും ഇവരുടെ ആദ്യരാത്രി ആഘോഷമാക്കിയിരുന്നു. വിവാഹം കഴിഞ്ഞ് ഒരു വര്‍ഷത്തിന് ശേഷമുള്ള ഇവരുടെ ആദ്യരാത്രിയെ ചുറ്റിപ്പറ്റി നിരവധി രസകരമായ ട്രോളുകള്‍ വന്നിരുന്നു. കൂടാതെ ശിവാഞ്ജലിമാരുടെ പ്രണയരംഗങ്ങളും ഇവര്‍ വെറുതെ വിട്ടില്ല. ഇപ്പോഴിത ആദ്യരാത്രിയ്ക്ക് ശേഷമുള്ള ആഫ്റ്റര്‍ എഫക്ടിനെ കുറിച്ച് പറയുകയാണ് സജിന്‍. ജിഞ്ചര്‍ മീഡിയയ്ക്ക് നല്‍കിയ അഭിമുഖത്തിലാണ് ഓണ്‍സ്‌ക്രീന്‍ ഫസ്റ്റ് നൈറ്റിന് ശേഷമുള്ള വിശേഷം പങ്കുവെച്ചത്. കഴിഞ്ഞ കുറച്ച് നാളുകളായി പ്രേക്ഷകർ ശിവാഞ്ജലിമാരുടെ ഫസ്റ്റ് നൈറ്റിനായി കാത്തിരിക്കുകയായിരുന്നു എന്നാണ് സജിന്‍ പറഞ്ഞത്.

നടന്റെ വാക്കുകള്‍ ഇങ്ങനെ...' കഴിഞ്ഞ കുറെ നാളുകളായി ശിവാഞ്ജലിയുടെ ഫസ്റ്റ്‌നൈറ്റിനെ കുറിച്ച് പ്രേക്ഷകര്‍ ചോദിക്കുന്നുണ്ട്. എന്താ ഇവരുടെ ഫസ്റ്റ് നൈറ്റാവാത്തെ എന്നായിരുന്നു സംശയം. ഇതുമായി ബന്ധപ്പെട്ടുള്ള നിരവധി പ്രതികരണങ്ങള്‍ സോഷ്യല്‍ മീഡിയയില്‍ വന്നിരുന്നു. എന്നാല്‍ ഇപ്പോള്‍ എല്ലാവരും
ഹാപ്പിയാണ്. ശിവന്റേയും അഞ്ജലിയുടേയുടേയും ഫസ്റ്റ് നൈറ്റ് കഴിഞ്ഞതില്‍ പ്രേക്ഷകരാണ് സന്തോഷിക്കുന്നത്'; സജിന്‍ പറഞ്ഞു.

ആദ്യരാത്രിയുടെ എപ്പിസോഡിന് ശേഷം നല്ല ട്രോളുകളും എഡിറ്റ് ചെയ്ത് വീഡിയോകളുമൊക്കെ കിട്ടിരുന്നു. അതൊക്കെ നല്ല രീതിയില്‍ ആസ്വദിക്കാറുണ്ട്. ഷഫ്‌നയും കാണുന്ന ട്രോളുകളും എഡിറ്റ് ചെയ്ത വീഡിയോകളും അയച്ച് തരും'; സജിന്‍ വെളിപ്പെടുത്തി.

ശിവാഞ്ജലി ജോഡി ഇത്രത്തോളം ഹിറ്റാവുമെന്ന് ഒ പ്രതീക്ഷിച്ചിരുന്നില്ലെന്നും സജിന്‍ അഭിമുഖത്തില്‍ പറഞ്ഞു. ഇടയ്ക്ക് സെറ്റില്‍ ഇതിനെ കുറിച്ച് സംസാരിച്ചിരുന്നു. ഇതൊക്കെ ഉള്ളതാണോ എന്നൊക്കെ. കൂടാതെ തന്നെ ഇത്രയും ജനപിന്തുണ കിട്ടിയ ജോഡികള്‍ കുറവാണെന്നും സജിന്‍ പറഞ്ഞു.ശിവാഞ്ജലിയുടെ പോപ്പുലാരിറ്റിയെ കുറിച്ചുള്ള അവതാരകന്റെ ചോദ്യത്തിനായിരുന്നു മറുപടി.

പ്രേക്ഷകരുടെ പിന്തുണയാണ് ശിവാഞ്ജലിയെ ഇത്രയ്ക്ക് പോപ്പുലറാക്കിയത്. ഇന്‍സ്റ്റഗ്രാമില്‍ 'ശിവാഞ്ജലി' എന്ന് പേരുള്ള നിരവധി ഫാന്‍സ് ഗ്രൂപ്പുകളാണുള്ളത്. രസകരമായ വീഡിയോകളാണ് ഇവര്‍ ദിവസവും പേജുകളില്‍ പങ്കുവെയ്ക്കുന്നത്. ഇത് സജിനും ഗോപികയും സ്വന്തം പേജില്‍ സ്റ്റോറിയായ ചേര്‍ക്കാറുമുണ്ട്.