കലിപ്പൻ ശിവനോട് കാന്താരി അഞ്ജലിക്ക് പ്രണയം തുടങ്ങി, സാന്ത്വനത്തിൽ പുതിയ ട്വിസ്റ്റ്

പരമ്പരയിലെ പ്രേക്ഷകരുടെ പ്രിയപ്പെട്ട കഥാപാത്രങ്ങളാണ് ശിവനും അഞ്ജലിയും. പരസ്പരം ഇഷ്ടമല്ലാതെ ഏട്ടത്തിയുടേയും അച്ഛൻറേയും ഇഷ്ടപ്രകാരം വിവാഹം കഴിക്കുകയായിരുന്നു. വിവാഹത്തിന് മുൻപ് പരസ്പരം കണ്ടാൽ കൊമ്പ് കോർക്കുന്ന ഇവർ വിവാഹ ശേഷവും ഇത് തുടർന്ന് പോകുകയാണ്. കുടുംബാംഗങ്ങൾക്ക് മുന്നിൽ നിശബ്ദത പാലിക്കുന്ന ഇവർ മുറിയിൽ കയറിയാൽ കീരിയും പാമ്പുമാണ്. ഇവരുടെ രസകരമായ വഴക്കുകളും തമ്മിലടിയും പ്രേക്ഷകരുടെ ഇടയിൽ ഹിറ്റാണ്

ബാലകൃഷ്ണന്റെ സഹോദരന്മാരിൽ വിദ്യാഭ്യാസം കുറവ് ശിവനാണ്. ഏട്ടൻ ബാലനെ സഹായിക്കാൻ വേണ്ടിയാണ് ശിവൻ പഠിപ്പ് ഉപേക്ഷിച്ച് കടയിൽ ജോലിക്ക് പോയത്. ശിവന്റെ വിദ്യാഭ്യാസ കുറവിനെക്കാളും വസ്ത്രധാരണമാണ് ഭാര്യ അ‍ഞ്ജലിയെ ചൊടിപ്പിക്കുന്നത്. നന്നായി വസ്ത്രം ധരിച്ച് നടക്കുന്ന ആളായിരുന്നു അഞ്ജലിയുടെ മനസ്സിലുള്ള ഭർത്താവിന്റെ സങ്കൽപം. എന്നാൽ അതിന് വിപരീതമായുള്ള ശിവന്റെ പെരുമാറ്റം പലപ്പോഴും അഞ്ജലിയെ ചൊടിപ്പിക്കാറുണ്ട്. ഇതിന്റെ പേരിലാണ് ഇരുവരും തമ്മിലുള്ള പോരുകൾ നടക്കുന്നതും.

ജീവിതത്തിൽ ഒരിക്കലും ഒന്നിക്കില്ലെന്ന് തീരുമാനിച്ച ശിവന്റേയും അഞ്ജലിയുടേയും ഇടയിലെ മഞ്ഞ് ഒരുകി തുടങ്ങിയിട്ടുണ്ട്. ഇപ്പോൾ സോഷ്യൽ മീഡിയയിൽ വൈറലാകുന്നത് പരമ്പരയുടെ പുതിയ പ്രെമോയാണ്. അഞ്ജലിയുടെ ആഗ്രഹം പോലെ നല്ല വസ്ത്രം ധരിച്ച് ശിവൻ വിരുന്നിന് പോകൻ തയ്യാറെടുക്കുകയാണ്. പാൻറും ഷർട്ടും ധരിച്ചുള്ള ശിവന്റെ എൻട്രി സോഷ്യൽ മീഡിയയിൽ വൈറലായിട്ടുണ്ട്. ശിവന്റെ പുതിയ ലുക്ക് കണ്ട് പ്രേക്ഷകർ മാത്രമല്ല കുടുംബാംഗങ്ങളും ഞെട്ടി നിൽക്കുകയാണ്. ആ എപ്പിസോഡിനായി പ്രേക്ഷകർ ആകാംക്ഷയോടെ കാത്തിരിക്കുകയാണ്. പുതിയ പ്രെമോ സോഷ്യൽ മീഡിയയിൽ ഹിറ്റായിട്ടുണ്ട്.

വാനമ്പാടിക്ക് ശേഷം ആംഭിച്ച പരമ്പരയാണ് സാന്ത്വനം. ഒരു ഇടേവള ശേഷം ചിപ്പി വീണ്ടും മിനിസ്ക്രീനിൽ പ്രധാന വേഷത്തിലെത്തുന്ന പരമ്പരയാണിത്. ചിപ്പിക്കും രാജീവ് പരമേശ്വരനുമൊപ്പം പ്രേക്ഷകരുടെ പ്രിയപ്പെട്ട താരങ്ങളും എത്തുന്നുണ്ട്. ലക്ഷ്മി, ഗിരീഷ് നമ്പ്യാർ, സജിൻ, രക്ഷ, ഗിരിജ പ്രേമൻ,ഡോക്ടർ ഗോപിക അനിൽ, അച്ചു സുഗതൻ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. വാനമ്പാടിക്ക് ശേഷം ആദിത്യൻ സംവിധാനം ചെയ്യുന്ന പരമ്പരയാണ് ഇത്. ചിപ്പി തന്നെയാണ് സാന്ത്വനം നിർമ്മിക്കുന്നതും.