ഇതുവരെ നേരിടാത്ത പ്രശ്നങ്ങളിലൂടെ സാന്ത്വനം, 'കുടുംബത്തിലെ എല്ലാവരും നന്മ മരങ്ങളാകില്ലല്ലോയെന്ന്' ആരാധകർ!

ഇപ്പോൾ വീണ്ടും പുതിയ തന്ത്രങ്ങൾ തമ്പി മെനയുന്നുണ്ട്. കുഞ്ഞ് അനിയന്മാർക്ക് വേണ്ടിയും അവരെ നോക്കി വളർത്തുന്നതിനും വേണ്ടിയാണ് ബാലനും ദേവിയും കുഞ്ഞുങ്ങൾ പോലും വേണ്ടായെന്ന് വെച്ച് ജീവിതം മുന്നോട്ട് ജീവിച്ചത്.

അതേസമയം അവരെല്ലാം വളർന്ന് വിവാഹിതരായപ്പോൾ അതിന്റെ പേരിൽ പോലും കുത്തുവാക്കുകൾ പലപ്പോഴും ബാലനും ദേവിക്കും അഭിമുഖീകരിക്കേണ്ടി വന്നിട്ടുണ്ട്. മരുമക്കൾ നിരവധി പ്രശ്നങ്ങൾ സാന്ത്വനം വീട്ടിൽ ഉണ്ടാക്കാൻ ശ്രമിക്കുന്നുണ്ടെങ്കിലും ചേട്ടനും അനിയന്മാരും ഒറ്റക്കെട്ടായതിനാൽ അവയെസല്ലാം ഫലം കാണാതെ പോവുകയാണ്.

കഴിഞ്ഞ ദിവസം വരെ ശിവന്റെ തുടർ പഠനമായിരുന്നു സാന്ത്വനം വീട്ടിലെ പ്രധാന പ്രശ്നം. ശിവന് തുടർ വിദ്യാഭ്യാസം നൽകി മുന്നിലേക്ക് കൊണ്ടുവരണമെന്നത് ഭാര്യ അ‍ഞ്ജലിയുടെ ആ​ഗ്രഹമാണ്. എന്നാൽ‌ തുടർ പഠനത്തിനോട് ശിവന് താൽപര്യമില്ല.

പതിയെ കാര്യങ്ങൾ പറഞ്ഞ് മനസിലാക്കി ശിവനെ തന്റെ വഴിക്ക് കൊണ്ടുവരാനാണ് അഞ്ജലിയുടെ ശ്രമം. സ്റ്റഡി ട്രാക്ക് വിജയകരമായി മുന്നോട്ട് പോകുമ്പോൾ പുതിയൊരു ട്വി‌സ്റ്റ് കൂടി സാന്ത്വനം വീട്ടിൽ സംഭവിക്കാൻ പോകുന്നുവെന്നാണ് പുതിയ പ്രമോയിൽ നിന്നും മനസിലാ​കുന്നത്.

പതിവായി എല്ലായിടത്തും സംഭവിക്കുന്ന സ്വത്തിനെ ചൊല്ലിയുള്ള തർക്കവും വഴക്കുമാണ് ഇനി വരുന്ന ആഴ്ച സാന്ത്വനം എപ്പിസോഡുകളിൽ കാണാൻ സാധിക്കുക എന്നാണ് പുതിയ പ്രമോ സൂചിപ്പിക്കുന്നത്.

സ്വത്ത് ബാലന്റെ പേരിൽ എഴുതിവെക്കാനുള്ള തീരുമാനം എല്ലാവരേയും അറിയിച്ചത് മുതൽ അഞ്ജലിയുടെ അമ്മയും അപർ‌ണയുമെല്ലാം അസ്വസ്ഥരാണ്. എല്ലാ സ്വത്തും മൊത്തമായി ബാലന്റെ പേരിൽ എഴുതുന്നത് ശരിയല്ലെന്നാണ് അഞ്ജലിയുടെ അമ്മയും അപർണയും പറയുന്നത്.

സ്വത്ത് വിഷയം വലിയ പ്രശ്നങ്ങൾ വരും ദിവസങ്ങളിൽ വീട്ടിൽ സൃഷ്ടിക്കുമെന്നും പുതിയ പ്രമോയിൽ നിന്നും വ്യക്തമാണ്. പുതിയ പ്രമോ സാന്ത്വനം ആരാധകരും സ്വീകരിച്ച മട്ടാണ്.

'സന്തോഷവും സങ്കടവും പരാതികളും ചേർന്നുള്ള എപ്പിസോഡുകൾ കട്ട വെയിറ്റിങ്, അയ്യോ പുതിയ പ്രശ്നങ്ങൾ തുടങ്ങിയോ.... ഇത് വേ​ഗം 2 ആഴ്ചകൊണ്ട് തീർക്കണെ.... എന്നിട്ട് ഒരു അടിപൊളി ഓണം ‌എപ്പിസോഡ് വേണം, ഇപ്പോൾ എല്ലാവരുടെയും തനിസ്വരൂപം മനസിലായി. ഒത്തൊരുമയാണ് ഈ സീരിയലിൽ ഇഷ്ടപ്പെട്ട ഭാ​ഗം.'

'എന്തുപ്രശ്നം വന്നാലും ശിവാഞ്ജലി ഒന്നായിരിക്കും....അതാണ് ആശ്വസം, സ്റ്റഡി ട്രാക്ക് വിടല്ലേ...., എപ്പോഴും സന്തോഷം മാത്രം പോരല്ലോ.... ഇടയ്ക്ക് ഇങ്ങനെ ഒക്കെ ഉണ്ടെങ്കിലല്ലേ കാണാൻ ഒരു രസമുള്ളു.'

'പിന്നെ ഒരു കൂട്ടുകുടുംബത്തിലെ എല്ലാവരും നന്മ മരങ്ങൾ ആകില്ലല്ലോ' തുടങ്ങി നിരവധി രസകരമായ കമന്റുകളാണ് സാന്ത്വനത്തിന്റെ പുതിയ പ്രമോയ്ക്ക് ലഭിക്കുന്നത്.