അഞ്ജലിയും ശിവനും തമ്മിലുള്ള മഞ്ഞുരുകുന്നതിന് പിന്നാലെ പുതിയ സന്തോഷവുമായി സാന്ത്വനം കുടുംബം

പ്രേക്ഷകരുടെ സൂപ്പർ ഹിറ്റ് പരമ്പരയായ വാനമ്പാടിക്ക് പിന്നാലെയാണ് സാന്ത്വനം ആരംഭിച്ചത്. ഇപ്പോഴിതാ പരമ്പര 100ാം എപ്പിസോഡിലേയ്ക്ക്കടന്നിരിക്കുകയാണ്. പരമ്പരയിലെ നടിയും നിർമ്മാതാവുമായ ചിപ്പി രഞ്ജിത്തും മറ്റ് സഹതാരങ്ങളായ രജീവ് പരമേശ്വരനും സജിനും, ഗിരീഷ് നമ്പ്യാരും ഗോപികയും രക്ഷയുമെല്ലാം പ്രേക്ഷകരോട് നന്ദി പറഞ്ഞ് രംഗത്തെത്തിയിട്ടുണ്ട്. ഇതുവരെ നൽകിയ സ്നേഹവും പിന്തുണയു ഇനിയും ഉണ്ടാകണമെന്നും താരങ്ങൾ പറയുന്നു. മികച്ച പ്രേക്ഷാഭിപ്രായമാണ് താരങ്ങളുടെ വീഡിയോയ്ക്ക് ലഭിക്കുന്നത്.

ഇതുവരെ കണ്ടു വന്ന കുടുംബ പരമ്പരകളിൽ നിന്ന് വ്യത്യസ്തമാണ് സാന്ത്വനം കുടുംബത്തിന്റെ കഥ. സഹോദരന്മാരെ സ്വന്തം മക്കളായി കണ്ട് ജീവിക്കുന്ന ബാലന്റേയും ശ്രീദേവിയുമാണ് പരമ്പരയിൽ പ്രധാന കഥാപാത്രങ്ങളെ അവതരിപ്പിക്കുന്നത്. ബാലനെ വിവാഹം കഴിച്ച് സാന്ത്വനം കുടുംബത്തിലെത്തുന്ന ശ്രീദേവി ഭർത്താവിന്റെ സഹോദരങ്ങളെ സ്വന്തം മക്കളായി കണ്ട് വളർത്തുകയായിരുന്നു. ഏട്ടത്തിയെ അമ്മയായിട്ടായിരുന്നു സഹോദരന്മാരും കണ്ടിരുന്നത്. സന്തോഷമായി കഴിഞ്ഞിരുന്ന ഇവരുടെ കുടുംബത്തിലേയ്ക്ക് രണ്ട് പെൺകുട്ടികൾ എത്തുന്നതോടെയാണ് കഥ മാറുന്നത്.

സാന്ത്വനം പരമ്പരയിലെ താരങ്ങളെല്ലാം പ്രേക്ഷകരുടെ പ്രിയപ്പെട്ടവരാണ്. എന്നിരുന്നാലും സോഷ്യൽ മീഡിയയിൽ ഏറ്റവും കൂടുതൽ ചർച്ചയാകുന്നത് ശിവാഞ്ജലി ജോഡികളാണ്. പരസ്പരം ഇഷ്ടമില്ലാതെ വിവാഹം കഴിച്ച ഇവരുടെ രസകരമായ വഴക്കാണ് സാന്ത്വനത്തിലേയ്ക്ക് പ്രേക്ഷകരെ അടുപ്പിക്കുന്നത്. ശിവന്റെ വസ്ത്രധാരണമാണ് അഞ്ജലിയെ ചൊടിപ്പിക്കുന്നത്. ഇതിന്റെ പേരിലാണ് ഇരുവരും തമ്മിലുള്ള പ്രശ്നങ്ങൾ തുടങ്ങുന്നത്. എന്നാൽ ഇപ്പോൾ ഇരുവർക്കും ഇടയിലെ മഞ്ഞ് ഒരുകി തുടങ്ങിയിട്ടുണ്ട്.

ഒരു ഇടേവള ശേഷം ചിപ്പി വീണ്ടും മിനിസ്ക്രീനിൽ പ്രധാന വേഷത്തിലെത്തുന്ന പരമ്പരയാണ് സാന്ത്വനം. ചിപ്പിക്കൊപ്പം പ്രേക്ഷകരുടെ പ്രിയപ്പെട്ട താരങ്ങളായ രാജീവ് പരമേശ്വരൻ,
ലക്ഷ്മി, ഗിരീഷ് നമ്പ്യാർ, സജിൻ, രക്ഷ, ഗിരിജ പ്രേമൻ,ഡോക്ടർ ഗോപിക അനിൽ, അച്ചു സുഗതൻ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. വാനമ്പാടിക്ക് ശേഷം ആദിത്യൻ സംവിധാനം ചെയ്യുന്ന പരമ്പരയാണ് ഇത്. ചിപ്പി തന്നെയാണ് സാന്ത്വനം നിർമ്മിക്കുന്നതും.