അവരെ ഒന്നും പഠിപ്പിച്ച് കൊടുക്കേണ്ടതില്ല; എല്ലാവരും കഴിവുള്ളവര്‍ തന്നെ, സരിഗമപയെ കുറിച്ച് അഖില ആനന്ദ്

സരിഗമപ യിലെ കുട്ടികള്‍ എല്ലാവരും തന്നെ വളരെ കഴിവുള്ളവരാണെന്നാണ് അഖില പറയുന്നത്. അതുകൊണ്ട് തന്നെ ഞങ്ങള്‍ക്ക് അവരെ ഒന്നും പഠിപ്പിക്കേണ്ട ആവശ്യമില്ല. കുറച്ചു നിര്‍ദേശങ്ങള്‍ കൊടുക്കുകയും അവരെ ഒന്ന് മെച്ചപ്പെടുത്തി എടുക്കുകയും മാത്രമാണ് ഞങ്ങള്‍ ചെയ്യുന്നത്. കുട്ടികള്‍ക്ക് കൃത്യമായി അറിയാം അവര്‍ക്ക് എന്താണ് വേണ്ടതെന്ന്. അവര്‍ അതിന് സ്വയം മോട്ടിവേറ്റഡ് ആണെന്നും അഖില പറയുന്നു. നമ്മള്‍ അവര്‍ക്കൊപ്പം നില്‍ക്കുകയും അവരെ ഒന്ന് ബൂസ്റ്റ് ചെയ്യുകയും ചെയ്യുന്നു എന്ന് മാത്രം.

പന്ത്രണ്ട് മികച്ച ഗായകരാണ് ഷോയുടെ ഗ്രാന്‍ഡ് ജൂറി ആയിട്ടുള്ളത്. അവര്‍ക്കൊപ്പമുള്ള അനുഭവം വളരെ റിഫ്രഷിങ് ആണ്. ഈ മഹാമാരിയുടെ കാലത്ത് ലൈവ് ഷോകളോ സംഗീത പരിപാടികളോ ഒന്നുമില്ല. അപ്പോള്‍ ഈ ടീമിനൊപ്പം ചിലവഴിക്കുക എന്ന് പറയുന്നത് ഒരു വലിയ അവസരമാണ്. ഒരു മെന്റര്‍ തന്റെ കുട്ടിക്ക് പറഞ്ഞു കൊടുക്കുന്ന ഒരു ടിപ്പ് അത് ഒരു ഗായിക എന്ന നിലയില്‍ എനിക്കും വളരെ ഉപയോഗമുള്ള ഒന്നാണെന്നാണ് അഖില വ്യക്തമാക്കുന്നത്. ശബ്ദം കണ്‍ട്രോള്‍ ചെയ്യുന്നതോ അതിന്റെ മോഡുലേഷനോ എന്തുമാകട്ടെ, അത് നമുക്കും ജീവിതത്തില്‍ എപ്പോഴെങ്കിലും ഉപയോഗം വരുന്ന ഒരു ടിപ്പ് തന്നെയാണ്. നമ്മുടെ കഴിവിനെ മികച്ചതാക്കാനും അത് സഹായിക്കും.

Recommended Video

Minnal Murali Premiere Show At Mumbai | Tovino Thomas | Basil Joseph | FilmiBeat Malayalam

ഏതൊരു ഗായകനും സ്വപ്‌നം കാണുന്നതിന് തുല്യമായൊരു സ്റ്റേജ് ആണ് സരിഗമപ. ഒരു കലാകാരന് തന്റെ കഴിവ് പ്രകടിപ്പിക്കാന്‍ ഏറ്റവും മികച്ച വേദിയാണിത്. കുട്ടികള്‍ ആ വേദി നന്നായി ഉപയോഗിക്കുന്നു എന്നതില്‍ വളരെ സന്തോഷമാണ്. എല്ലാവരും കുടുംബത്തിലെന്ന പോലെയുള്ള ഫീലാണ് ഇവിടെ. ഇതിനിടയിലും മത്സരം മുറുകിക്കൊണ്ടിരിക്കും. മത്സര ബുദ്ധിയേക്കാള്‍ സംഗീതം എന്ന സ്പിരിറ്റ് മാത്രമാണ് സരിഗപ യില്‍ ഉള്ളതെന്നും അഖില വ്യക്തമാക്കുന്നു.