സഹായിച്ചില്ലെങ്കിലും തളർത്തരുത്!! ശരണ്യയെപ്പറ്റി വ്യാജവാര്‍ത്ത പ്രചരിപ്പിക്കരുതെന്ന് സീമ ജി നായർ

സഹായിച്ചില്ലെങ്കിലും ദ്രോഹിക്കരുത്

ശരണ്യയെ സഹായിച്ചില്ലെങ്കിലും ദ്രോഹിക്കരുതേ എന്നായിരുന്നു നടി സീമ ജി നായരുടെ അഭ്യർഥന. ബ്രെയിൻ ട്യൂമർ ശസ്ത്രക്രീയയ്ക്ക് ശേഷം ശരണ്യയുടെ അസുഖം പൂർണ്ണമായി മാറി എന്നു തരത്തിലുളള വാർത്തകൾ പ്രചരിക്കുന്നു. ഇത് തുടർ ചികിത്സയെ വല പ്രതികൂലമായി ബാധിക്കുന്നുണ്ടെന്നും സീമ മനോരമയോട് പറഞ്ഞു.

മുന്നോട്ട് വരുന്നവരെ പിന്തിരിപ്പിക്കരുത്

ശസ്ത്രക്രീയയിലൂടെ താൽക്കാല ആശ്വാസം മാത്രമാണുളളത്. അസുഖം എപ്പോൾ വേണമെങ്കിലും തിരികെ എത്താമെന്നുള്ള ഭയത്തിലാണ് ഞങ്ങൾ കഴിയുന്നത്. ഇന്ത്യയിലെ ഏതെങ്കിലും ആശുപത്രിയിൽ ഈ അസുഖത്തെ പൂർണ്ണമായി ഭേഭമാക്കാനുള്ള ചികിത്സയുണ്ടോ എന്നാണ് തങ്ങൾ അന്വേഷിക്കുന്നത്. ഈ അവസരത്തിൽ ഇത്തരത്തിലുളള വാർത്തകൾ ശരണ്യയയെ സഹായിക്കാനായി മുന്നോട്ട് വരുന്നവരെ പിന്തിരിപ്പിക്കുന്നതാണെന്നും ഇവർ പറഞ്ഞു.

കുടുംബത്തെ തളർത്തരുത്

ചികിത്സയുടെ കൂട്ടത്തിൽ അവൾക്കൊരു വീടും കൂടി നിർമ്മിക്കാനുള്ള നെട്ടോട്ടത്തിലാണ് താൻ. ശസ്ത്രക്രീയ കഴിഞ്ഞ് വീട്ടിൽ എത്തി എന്നുള്ള പുരോഗമനമല്ലാതെ അസുഖത്തിന്റെ ഭീതി ഇതുവരെ വിട്ട് ഒഴിഞ്ഞിട്ടില്ല. കൂടാതെ ചികിത്സയ്ക്കുളള പണം പൂർണ്ണമായും ലഭിച്ചുവെന്ന് തൻ പറഞ്ഞതായുള്ള വാർത്തയും പ്രചരിക്കുന്നുണ്ട്. എന്നാൽ എവിടേയും ഞാൻ അങ്ങനെ പറഞ്ഞിട്ടില്ലെന്നും ഇത്തരത്തിലുളള വാർത്തകൾ ആ പാവപ്പെട്ട കുടുംബത്തെ വീണ്ടും തളർത്തുകയാണെന്നും സീമ ജി നായർ പറഞ്ഞു.

ആറ് വർഷം മുൻപ്

ആറ് വർഷം മുൻപ് ആറ് വർഷം മുൻപാണ് ശരണ്യയ്ക്ക് ട്യൂമർ ബാധിക്കുന്നത്. തുടർന്ന് രോഗം ഭേഭമായെന്ന് കരുതിയെങ്കിലും ഓരേ വർഷവും ട്യൂമർ മൂർധന്യാവസ്ഥയിൽ തന്നെ തിരികെ വരുകയായിരുന്നു. തുടർന്ന് ശസ്ത്രക്രീയയ്ക്ക് വിധേയമാക്കേണ്ട അവസ്ഥയിലേയിലായിരുന്നു സ്ഥിതി. ഏഴ് മാസം മുൻപാണ് ശരണ്യയ്ക്ക് ആറാമത്തെ ശസ്ത്ര ക്രീയ നടക്കുന്നത്.സാമ്പത്തികമായി ഏറെ ബുദ്ധിമുട്ടുകള്‍ നേരിടുന്ന ശരണ്യയെ സഹായിക്കണമെന്ന് അഭ്യര്‍ഥിച്ച് സീരിയൽ രംഗത്തെ താരങ്ങൾ രംഗത്ത് വന്നിരുന്നു.