സീതയ്ക്ക് മുന്നിൽ തനിനിറം കാണിച്ച് രാജേശ്വരി! അപ്രതീക്ഷിത ട്വിസ്റ്റുമായി സീതാകല്യാണം

പ്രേക്ഷകരുടെ പ്രിയപ്പെട്ട താരങ്ങളാണ് സീതാകല്യാണത്തിൽ അണിനിരക്കുന്നത്. ക്യാമറയ്ക്ക് മുന്നിൽ മാത്രമല്ല അണിയറയിലും മിനി സ്ക്രീൻ പ്രേക്ഷകരുടെ പ്രിയപ്പെട്ടവർ തന്നെയാണ്. ടെലിവിഷന്‍ പ്രേക്ഷകരുടെ പ്രിയപ്പെട്ട അഭിനേത്രിയായ സംഗീത മോഹനാണ് സീതാകല്യാണത്തിന് തിരക്കഥ ഒരുക്കുന്നത്. അഭിനയത്തിൽ നിന്ന് ഇടവേള എടുത്ത താരം ഇപ്പോൾ എഴുത്തിന്റെ ലോകത്താണ്. പതിവ് സീരിയൽ കഥകളിൽ നിന്ന് വേറിട്ട ശൈലിയിലൂടെയാണ് സംഗീത പ്രേക്ഷകരെ കൊണ്ട് പോകുന്നത്. സീതാകല്യാണം കൂടാതെ മഴവില്ല്മനോരമ സംപ്രേക്ഷണം ചെയ്തിരുന്ന ആത്മസഖിയ്ക്കും തിരക്കഥ ഒരുക്കിയിരുന്നത് സംഗീത മോഹനായിരുന്നു.

സീത എന്ന കഥാപാത്രത്തിലൂടെ പരമ്പര മുന്നോട്ട് പോകുന്നത്. അനിയത്തി സ്വാതിക്ക് വേണ്ടി ജീവിച്ച ഒരു പാവം നാട്ടിൻപുറത്തുകാരിയായ തയ്യൽക്കാരിയാണ് സീത. എന്നാൽ കല്യാൺ എന്ന യുവ ബിസിനസ്മാൻ സീതയുടെ ജീവിതത്തിലേയ്ക്ക് എത്തുന്നതോടെയാണ് കഥ മാറുന്നത്. സീതയോട് പ്രണയം തോന്നുന്ന കല്യാൺ ഇവരെ വിവാഹം ചെയ്ത് ജീവിത സഖിയാക്കുകയായിരുന്നു. സീതയുടെ വരവ് കല്യാണിന്റെ രണ്ടാനമ്മ രാജേശ്വരിക്ക് വലിയ തിരിച്ചടിയായിരുന്നു. വളരെ വൈകാതെ തന്നെ ഇവരുടെ യഥാർഥ മുഖം പുറത്താവുകയായിരുന്നു.

എതിരാളികളുടെ മുന്നിൽ പിടിച്ച് നിൽക്കാൻ കഴിയാതെ വന്നപ്പോൾ നല്ലവളായി എല്ലാവരുടേയും പ്രീതി പിടിച്ച് പറ്റുകയായിരുന്നു രജേശ്വരി. എന്നാൽ ഇവരുടെ യഥാർഥ രൂപം ഇപ്പോൾ പുറത്തു വന്നിരിക്കുകയാണ്.സീതയെത്തേടി അപ്രതീക്ഷിതമായെത്തുന്ന ഫോണ്‍ കോളിലൂടെയാണ് പരമ്പര ഇപ്പോള്‍ നീങ്ങിക്കൊണ്ടിരിക്കുന്നത് .രാജേശ്വരിയാണ് ആ ഫോണിന്റെ പിന്നിൽ. താന്‍ പിന്നാലെ തന്നെയുണ്ടെന്നും സീതയുടേയും കല്യാണിന്റേയും സ്വാമിനിയുടേയും നാശം കാണാതെ ഇനി അടങ്ങില്ലെന്നും പറഞ്ഞ് വെല്ലുവിളിക്കുകയായിരുന്നു രാജേശ്വരി. കല്യാണിന്റെ അമ്മയായ സ്വാമിനിയെ വിളിച്ചും രാജേശ്വരി ഭീഷണി മുഴക്കിയിരുന്നു.

തങ്ങളെ തേടിയെത്തിയ പ്രശ്നങ്ങൾ അവസാനിച്ച സന്തോഷത്തിലാണ് കല്യാണും അജയും സ്വാതിയും. ആ സന്തോഷത്തിനിടയിലാണ് സീതയെത്തേടി രാജേശ്വരിയുടെ ഫോൺ എത്തിയത്. പഴയതിനേക്കാൾ പൂര്‍വ്വാധികം ശക്തിയോടെ രാജേശ്വരി തിരിച്ചെത്തിയിരിക്കുകയാണ്. തന്നെ തകർത്ത ശത്രുക്കളുടെ നാശത്തിനായി എന്തും ചെയ്യാന്‍ മടിക്കാത്ത രാജേശ്വരിയെയാണ് പുതിയ പ്രമോ വീഡിയയിൽ കാണുന്നത്. ഇവരുടെ പുതിയ നീക്കങ്ങൾ വരും ദിവസങ്ങളിൽ കാണാം