Don't Miss!
- Sports T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര്
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Automobiles മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബിഗ് ബോസിന്റെ പടിവാതിലില് വരെ പോയി തിരിച്ച് വന്നു; ഇനിയൊരു അവസരം കാത്ത് നടന് മനോജ് കുമാര്
ബിഗ് ബോസ് മലയാളത്തിന്റെ മൂന്നാം പതിപ്പ് ഫെബ്രുവരിയില് തന്നെ തുടങ്ങാന് സാധ്യതയുള്ളതായിട്ടാണ് റിപ്പോര്ട്ടുകള്. മോഹന്ലാല് അവതാരകനായിട്ടെത്തുന്ന പരിപാടിയില് മത്സരിക്കുന്നവരെ സംബന്ധിച്ചുള്ള വാര്ത്തകള് വ്യപാകമായി പ്രചരിക്കുന്നുണ്ട്. എന്നാല് ഇനിയും വ്യക്തമായ വിവരങ്ങള് പുറത്ത് വന്നിട്ടില്ല. പലരും ബിഗ് ബോസിനോട് താല്പര്യമില്ലെന്ന് പറയുമ്പോള് സീരിയല് താരം മനോജ് കുമാര് തനിക്ക് വലിയ ഇഷ്ടമുണ്ടെന്ന് പറയുകയാണ്.
രണ്ടാം സീസണ് ഓഡിഷന് വരെ എത്തിയ മനോജിന് വൈല്ഡ് കാര്ഡ് എന്ട്രിയും ലഭിച്ചിരുന്നു. എന്നാല് മത്സരത്തില് പങ്കെടുക്കാന് സാധിച്ചിരുന്നില്ല. പുതിയ സീസണില് തന്നെ കൂടി വിളിക്കുകയാണെങ്കില് തീര്ച്ചയായും പങ്കെടുക്കണമെന്നാണ് താല്പര്യമെന്നും സമയം മലയാളത്തിന് നല്കിയ അഭിമുഖത്തില് മനോജ് പറയുന്നു.
ബിഗ് ബോസിലേക്ക് എന്നെ സെല്ക്ട് ചെയ്തോ പോകുന്നുണ്ടോ എന്ന് എല്ലാവരും ചോദിച്ചു കൊണ്ടിരിക്കുകയാണ്. കാരണം യൂട്യൂബിലും മറ്റുമൊക്കെ ഷോ യിലേക്ക് ഞാന് പോകുന്ന തരത്തിലുള്ള വീഡിയോകള് വരുന്നുണ്ട്. ഏഷ്യാനെറ്റ് പുറത്ത വിട്ടു എന്ന തരത്തിലാണ് വാര്ത്തകള് പ്രചരിക്കുന്നത്. എന്നെ വിളിച്ചിട്ടില്ലെ ഞാന് എല്ലാവരോടും മറുപടിയായി പറയുകയാണ്. വേണ്ടപ്പെട്ടവരെല്ലാം പറയുന്നത് ബിഗ് ബോസിലേക്ക് പോകണ്ടെന്നാണ്. പോയാല് പിന്നെ മോശമാണെന്നും ഭൂരിഭാഗം പേരും പറയുന്നു.
പക്ഷേ എനിക്കതിനോട് യോജിപ്പില്ല. എന്നെ സംബന്ധിച്ച് ഞാന് നാടകത്തില് അഭിനയിച്ചിട്ടുണ്ട്. സീരിയലുകളിലും സിനിമയിലും അഭിനയിക്കുന്നു. ഡബ്ബ് ചെയ്യുന്നുണ്ട്. പിന്നെ റിയാലിറ്റി ഷോ കളും ചെയ്തിട്ടുണ്ട്. ഇതെല്ലാം ചേര്ന്ന് കുറെ അനുഭവങ്ങളാണ് എന്റെ കലാ ജീവിതത്തിന് നല്കിയത്. മറ്റുള്ളത് പോലെ ഇതും ഒന്ന് എക്സ്പീരിയന്സ് ചെയ്യാന് ആഗ്രഹമുണ്ട്. സത്യത്തില് ഈ ബിഗ് ബോസ് ആദ്യ സീസണ് വന്നു കണ്ടപ്പോ എനിക്ക് ഒട്ടും താല്പര്യം ഉണ്ടായിരുന്നില്ല. പക്ഷെ പരിപാടി ഇഷ്ടം ആയിരുന്നു. പുറംലോകവുമായി ബന്ധം ഉണ്ടാവില്ല.
ബിഗ് ബോസ് സീസണ് 2 വരുന്നു എന്നറിഞ്ഞപ്പോള് മനോജേട്ടന് പോയാല് നന്നായിരിക്കുമെന്ന് പലരും എന്നോട് പറഞ്ഞു. പ്രേക്ഷകര് അത് ആസ്വദിക്കുമെന്നും സൂചിപ്പിച്ചു. എന്നാല് ലൊക്കേഷനിലോ ഏതെങ്കിലും ഫങ്ഷനിലോ പോയിരുന്ന് തമാശ പറയുന്നത് പോലെ അല്ലല്ലോ. 24 മണിക്കൂറും അതിനുള്ളില് തന്നെയല്ലേ. എന്നെ സംബന്ധിച്ച് ശാന്ത പ്രകൃതക്കാരനാണെങ്കിലും അനീതിയോ അന്യായമോ കണ്ടാല് പെട്ടെന്ന് കയറി ഇടപെടുകയും പ്രതികരിക്കുകയും ചെയ്യും. അത് എന്റെ വീട്ടുകാര്ക്ക് പോലും പേടിയുള്ള സ്വഭാവമാണ്.
വളരെ വ്യത്യസ്ത സ്വഭാവവും കാഴ്ചപ്പാടുകളും ഉള്ള ആളുകളുടെ ഇടയിലേക്കാണ് നമ്മള് പോകുന്നത്. അപ്പോള് നമ്മള് എങ്ങനെയാണ് പ്രതികരിക്കുകയെന്ന് പറയാന് സാധിക്കില്ല. ചിലപ്പോള് വെളുക്കാന് തേച്ചത് പാണ്ടായി എന്ന അവസ്ഥയിലേക്ക് വരാം. അതുകൊണ്ടു തന്നെ ഇക്കാര്യത്തില് എനിക്ക് രണ്ടു മനസായിരുന്നു. മോനും ഭാര്യയുമടക്കം എന്റെ വീട്ടിലും ഈ പറഞ്ഞ പേടിയുണ്ട്. ഇതിന്റെ ഇടയ്ക്ക് ആണ് എനിക്ക് വിളി വന്നത്. ഏഷ്യാനെറ്റ് പോലെയൊരു വലിയ സ്ഥാപനത്തോട് നോ എന്ന് പറയാന് ആകില്ലലോ. ധിക്കാരം ആയി പോകും. .
Recommended Video
അങ്ങനെ പോകാന് തന്നെ തീരുമാനിച്ചു. അവിടെ ചെന്നിട്ടുള്ള ഓഡിഷന് സമയത്ത് ചോദിച്ച ചോദ്യങ്ങളോട് അവര്ക്ക് ഒരു മതിപ്പ് തോന്നാത്ത രീതിയില് ആണ് പ്രതികരിച്ചത്. അതുകൊണ്ട് തന്നെ എടുക്കില്ലെന്ന് ഉറപ്പായി. പിന്നീട് രജിത് കുമാറിനെ കുറിച്ച് ഞാന് സംസാരിച്ചു. ഇതോടെ വൈല്ഡ് കാര്ഡ് എന്ട്രി തരാമെന്നായി. എന്നാല് രജിത് കുമാറിന്റെ പ്രശ്നത്തിലേക്ക് വന്നപ്പോള് ഞാന് അദ്ദേഹത്തെ പിന്തുണച്ച് ലൈവില് വന്നു. ഏഷ്യാനെറ്റ് ഇനി കാണില്ല, ബിഗ് ബോസ് കാണില്ലെന്നൊക്കെ പറഞ്ഞ് പോയി. ഇതോടെ എനിക്ക് ബാന് കിട്ടി. ഇപ്പോഴും ഏഷ്യാനെറ്റിലെ ഒരു പരമ്പരക്ക് വേണ്ടി ഡബ്ബ് ചെയ്യുന്നുണ്ട്. ഇങ്ങനെയൊക്കെയാണ് നിലവിലെ അവസ്ഥ. ഇനിയൊരു അവസരം കിട്ടിയാല് പോകണമെന്ന് തന്നെയാണ് ആഗ്രഹമെന്നും മനോജ് പറയുന്നു.
-
'വനിത ഒരു ദ്രോഹി, കുടുംബത്തിന്റെ മാനം ഇല്ലാതാക്കുന്നു, ആക്ഷേപിക്കുന്നത് നിർത്തിയില്ലെങ്കിൽ പ്രത്യാഘാതം വരും'
-
ആ കുഞ്ഞ് എന്റെയല്ല! നടി വനിതയുടെ മകള് ജോവിക തന്റേതല്ലെന്ന് രണ്ടാം ഭര്ത്താവ്, ഗുരുതര ആരോപണവുമായി താരം
-
ഒരു പെണ്കുട്ടിയെ നേരിടാന് ഒരു പട! കഴിഞ്ഞതൊക്കെ എല്ലാവരും മറന്നോ? ജിന്റോയെ സ്ത്രീവിരുദ്ധനാക്കിയില്ലേ?