'രണ്ട് കുടുംബമായിട്ടല്ല.. ഒറ്റ കുടുംബം എന്നേ തോന്നിയുള്ളൂ...'; തന്റെ മകനെ ആരാധകരെ കാണിച്ച് ടോഷ് ക്രിസ്റ്റി!

സാധാരണ സെലിബ്രിറ്റികൾ കുഞ്ഞിന്റെ മുഖം ആരാധകരെ കാണിക്കാറില്ല. കുട്ടി വലുതായശേഷമോ ഒന്നാം പിറന്നാളിനോ ഒക്കെയാണ് കുഞ്ഞിന്റെ മുഖം തങ്ങളുടെ ആരാധകർക്ക് മുമ്പിൽ റിവീൽ ചെയ്യുന്നത്. അതേസമയം താൻ കണ്ടപ്പോൾ തന്നെ തന്റെ കുഞ്ഞിന്റെ മുഖം ആരാധകരേയും കാണിച്ച ടോഷിനേയും വീഡിയോ പുറത്ത് വന്ന ശേഷം ആരാധകർ പുകഴ്ത്തുന്നുണ്ട്.

'എല്ലാവരും എത്ര പക്വതയോടെയാണ് പെരുമാറുന്നത്. അമ്മയും കുഞ്ഞും സുഖമായിരിക്കട്ടെ, ഇത്ര സ്നേഹമുള്ള കുടുംബത്തിൽ പിറന്ന മോൻ... സ്നേഹസമ്പന്നൻ ആയി വളരട്ടെ.'

'പക്വത ഉള്ളവരും ഇല്ലാത്തവരും തമ്മിലുള്ള വ്യത്യാസം അറിയാൻ ഈ വീഡിയോ, എന്തൊരു നല്ല ഫാമിലി. എന്ത് സന്തോഷമാ... മതത്തിന്റെ മതിൽക്കട്ടുകൾ ഇല്ലാതെ അവൻ വളരട്ടെ, ഒരുപാട് സന്തോഷം... രണ്ട് കുടുംബം എന്നല്ല ഒറ്റ കുടുംബം എന്നേ തോന്നിയുള്ളൂ.'

'രണ്ട് അമ്മമാരും കെട്ടിപ്പിടിച്ച് കരഞ്ഞപ്പോൾ ഞാനും കരഞ്ഞുപോയി, ഇപ്പോഴത്തെ കുറെ ഫാമിലി വ്ലോ​ഗേൾസ് കണ്ട് പഠിക്കട്ടെ. ഒരു ജാടയുമില്ലാതെ കുഞ്ഞിന്റെ മുഖം എല്ലാവരെയും കാണിച്ചു.'

'ഇവിടെ കുറെയെണ്ണം മുഖത്ത് സ്റ്റിക്കർ ഒട്ടിച്ച് പ്രഹസനം കാണിക്കും...' തുടങ്ങി നിരവധി കമന്റുകളും ആശംസകളുമാണ് ടോഷ് ക്രിസ്റ്റി പങ്കുവെച്ച പുതിയ വീഡിയോയ്ക്ക് ലഭിക്കുന്നത്. സ്വന്തം സുജാത സീരിയലിൽ അഭിനയിക്കാനെത്തിയപ്പോഴാണ് ടോഷ് ക്രിസ്റ്റിയും ചന്ദ്ര ലക്ഷ്മണും പരിചയത്തിലാകുന്നതും സൗഹൃദം ആരംഭിക്കുന്നതും.

പിന്നീട് പരസ്പരം മനസിലാക്കി പ്രണയത്തിലാവുകയായിരുന്നു. തുടർന്ന് വീട്ടുകാരുടെ സമ്മതത്തോടെ വിവാഹിതരായി. ​ഗർഭിണിയായിരിക്കെ ഒമ്പതര മാസത്തിലും ചന്ദ്ര സ്വന്തം സുജാതയിൽ അഭിനയിച്ചിരുന്നു.

നിറവയറിൽ ഫൈറ്റും ഹൈവി സീനുകളും ചെയ്ത ചന്ദ്രയുടെ വീഡിയോ ടോഷ് തന്നെ തന്റെ യുട്യൂബ് ചാനലിൽ പങ്കുവെച്ചിരുന്നു.

'ദൈവം തന്ന ഭാഗ്യമാണ്. മോനാണ് ഞങ്ങൾക്ക്. അമ്മയും കുഞ്ഞും സുഖമായിരിക്കുന്നു. സി സെക്ഷനിലൂടെയാണ് പ്രസവം നടന്നത്' എന്നാണ് പ്രസവ ശേഷം ടോഷ് പറഞ്ഞത്. 2021ലായിരുന്നു ചന്ദ്രയും ടോഷും വിവാഹിതരായത്. സ്വന്തം സുജാതയുടെ നൂറാമത്തെ എപ്പിസോഡില്‍ വെച്ചാണ് ടോഷും ചന്ദ്രയും ആദ്യമായി കണ്ടത്.

ഒരു സമയത്ത് മലയാള ടെലിവിഷൻ സിനിമ മേഖലകളിൽ നിറ സാന്നിധ്യമായിരുന്നു ചന്ദ്ര ലക്ഷ്മൺ. 2002ൽ പുറത്തിറങ്ങിയ മനസെല്ലാം എന്ന തമിഴ് ചിത്രത്തിലൂടെ ചലച്ചിത്രരംഗത്ത് പ്രവേശിച്ച ചന്ദ്ര സ്വത സിദ്ധമായ അഭിനയ ശൈലിയിലൂടെയാണ് മലയാള ടെലിവിഷൻ ആസ്വാദകരുടെ മനസിലേക്ക് ചുരുങ്ങിയ സമയം കൊണ്ട് കയറിക്കൂടിയത്. ടോഷും സിനിമകളിലും നിരവധി സീരിയലുകളിലും സജീവമാണ്.