'നടിയെ വിവാഹം ചെയ്യരുതെന്ന് പലരും എന്നെ ഉപദേശിച്ചിരുന്നു, മൃദുലയ്ക്കൊപ്പമുള്ള ലൈഫ് പോസിറ്റീവാണ്'; യുവ കൃഷ്ണ!

മൃദുലയുടെ വീട്ടിൽ കല്യാണം ആലോചിച്ച് പോയപ്പോഴുണ്ടായ അനുഭവത്തെക്കുറിച്ചും യുവ നേരത്തെ ഒരു ചാനലിന് നൽകിയ അഭിമുഖത്തിൽ വിശദീകരിച്ചിരുന്നു. 'മൃദുലയാണ് വീട്ടിൽ പറയണമെന്ന് പറഞ്ഞത്. ഒരു ദിവസം മൃദുലയെ വീട്ടിൽ ഡ്രോപ് ചെയ്യാൻ പോയപ്പോഴാണ് വിവാഹ കാര്യം അവതരിപ്പിച്ചത്.'

'മൃദുലയുടെ അച്ഛനോടും അമ്മയോടും സംസാരിച്ചശേഷം ഇറങ്ങാൻ നേരത്താണ് ഇക്കാര്യം പറഞ്ഞത്. മൃദുലയെ എനിക്ക് ഇഷ്ടമാണെന്നും വിവാഹം കഴിക്കാൻ ആഗ്രഹമുണ്ടെന്നും പറഞ്ഞു. മറുപടി ഫോണിൽ വിളിച്ച് പറഞ്ഞാ മതിയെന്ന് പറഞ്ഞ ഉടൻ തന്നെ അവിടെ നിന്നും പോവുകയായിരുന്നു' എന്നാണ് യുവ പറഞ്ഞത്.

ഇപ്പോൾ തന്റെ വിവാഹ ജീവിതത്തെ കുറിച്ചും അഭിനയ ജീവിതത്തെ കുറിച്ചും സംസാരിക്കുന്ന യുവ കൃഷ്ണയുടെ വീഡിയോയാണ് വൈറലാകുന്നത്. 'എന്റെ ശരിയായ പേര് ഉണ്ണികൃഷ്ണൻ എന്നാണ്.'

'മാജിക്ക് പ്ലാനെറ്റിൽ ജോയിൻ ചെയ്ത ശേഷമാണ് മുതുകാട് സാറുമായി ആ​ലോചിച്ച് യുവ കൃഷ്ണ എന്ന പേര് ഇട്ടത്. അവിടെ പെർഫോം ചെയ്യുമ്പോൾ എല്ലാവരും കരുതിയത് ഞാൻ നോർത്ത് ഇന്ത്യനാണെന്നാണ്. ലൈഫിൽ‌ മുമ്പ് ഉണ്ണികൃഷ്ണന്റെ സ്വഭാവമുള്ള വ്യക്തിയായിരുന്നു.'

'നിരവധി ​ഗേൾ ഫ്രണ്ട്സുണ്ടായിരുന്നു. മാത്രമല്ല പ്രണയങ്ങളും ബ്രേക്കപ്പുകളും സംഭവിച്ചിട്ടുണ്ട്. എല്ലാ റിലേഷൻഷിപ്പ്സും ജെനുവിനായിരുന്നു. പക്ഷെ ഒന്നും വിവാഹത്തിലെത്തിയില്ല.'

'ആരായിരിക്കും ലൈഫ് പാട്നറായി വരുന്നതെന്ന് ആലോചിച്ച് ടെൻഷനായിരുന്നു. പക്ഷെ ദൈവം സഹായിച്ച് നല്ലൊരു വ്യക്തിയെ ദൈവം തന്നു. ആളുകൾ പലരും എന്നോട് പറഞ്ഞിട്ടുണ്ട്. സെയിം ഫീൽഡിൽ നിന്നും വിവാഹം ചെയ്താൽ ഇ​ഗോ ക്ലാഷ് ഉണ്ടാകുമെന്ന്.'

'പക്ഷെ മൃദുല ഭയങ്കര അണ്ടർസ്റ്റാന്റിങാണ്. അവൾക്ക് എന്റെ ഫീൽഡിനെ കുറിച്ച അറിയാമെന്നതാണ് കാരണം. പോസിറ്റീവ് ഫീലാണ് ഇപ്പോൾ ലൈഫിന്. പൃഥ്വിരാജ് എനിക്ക് ഇഷ്ടമുള്ള നടനാണ്. ഞാൻ അദ്ദേഹത്തെ കണ്ട് സംസാരിച്ചിട്ടുണ്ട്. ​ഗോവയിൽ പോകണമെന്ന് എനിക്കും മൃദുലയ്ക്കും വലിയ ആ​ഗ്രഹമായിരുന്നു.'

'അതിനായി എല്ലാം റെഡിയാക്കി വെച്ചപ്പോഴാണ് മൃദുല ​ഗർഭിണിയായത്. ഇനി കുഞ്ഞാവയോടൊപ്പം പോകാം. നടനായില്ലായിരുന്നുവെങ്കിൽ ഞാൻ ഇല്യൂഷനിസ്റ്റായിരിക്കും. അറിയപ്പെടുന്ന ഇല്യൂഷനിസ്റ്റാവാൻ ആ​ഗ്രഹമുണ്ട്.'

'അഭിനയത്തിലേക്ക് ഇറങ്ങിയപ്പോൾ വീട്ടിൽ ഭയങ്കര എതിർപ്പായിരുന്നു. ഇപ്പോഴും അമ്മയ്ക്ക് ആ എതിർപ്പുണ്ട്. ആർട്ടിസ്റ്റിന് സ്റ്റഡിയായി ഇൻകം വരില്ലല്ലോയെന്നതാണ് അമ്മയെ ഭയപ്പെടുത്തുന്നത്' യുവ കൃഷ്ണ പറയുന്നു.