ഭര്‍ത്താവിന്റെ പ്രണയം നാത്തൂനെ കൊണ്ട് പറയിപ്പിച്ച് നടി ആലീസ്; വിവാഹത്തിന് മുന്‍പ് ഇതൊന്നും പറയരുതെന്ന് സജിനും

ഇച്ചായനെ ഒന്ന് ഫയര്‍ ചെയ്യാം എന്ന് പറഞ്ഞാണ് ആലീസ് എത്തിയത്. ഇച്ചായന്റെ മനസിലെ പല കാര്യങ്ങളും തൊണ്ടി എടുക്കണം. ഈ ചോദ്യങ്ങളൊന്നും മുന്‍പ് എന്റെ അടുത്ത് പറയാത്തത് ആണെന്ന് സജിന്‍ പറഞ്ഞപ്പോള്‍ ഇതൊന്നും മുന്‍കൂട്ടി പറയാന്‍ പറ്റുന്നത് അല്ലായിരുന്നുവെന്നാണ് നടി പറയുന്നത്. ഇച്ചായാന്‍ പണ്ട് ലൈന്‍ അടിച്ച കഥകളൊക്കെ അറിയാമോ. അറിയാമെങ്കില്‍ ഒന്ന് രണ്ടെണ്ണം പറഞ്ഞേ എന്നാണ് ആലീസ് സജിന്റെ സഹോദരി കുക്കുവിനോട് ചോദിച്ചത്. എനിക്ക് അറിയാം. പക്ഷേ അത് അച്ചാച്ചന്‍ തന്നെ പറയുന്നതല്ലേ നല്ലതെന്ന് കുക്കു ചോദിക്കുന്നു.

എന്നാല്‍ ഒരു കാര്യവും തുറന്ന് പറയല്ലേ എന്ന് പറഞ്ഞാണ് സജിന്‍ എത്തിയത്. വിവാഹത്തിന് മുന്‍പ് ഇച്ചായന് എന്റെ അടുത്ത് എന്ത് വേണമെങ്കിലും പറയാം, ഞാന്‍ ഒന്നും സീരിയസ് ആയി എടുക്കില്ല, എന്നൊക്കെ ഇവള്‍ എന്നോട് പറഞ്ഞിരുന്നു. അതൊക്കെ കേട്ടിട്ട് ഒരു മണ്ടനെ പോലെ ഞാന്‍ എല്ലാ കാര്യങ്ങളും തുറന്ന് പറഞ്ഞു. പിന്നെ കല്യാണം കഴിഞ്ഞിങ്ങ് കേറി വന്നത് മുതല്‍ വന്‍ പ്രഹസനങ്ങളാണ് വീട്ടില്‍ നടന്നതെന്നും സജിന്‍ സൂചിപ്പിക്കുന്നു. പണ്ട് അവളുടെ കൂടെ കറങ്ങാന്‍ പോയില്ലേ, അന്ന് അവിടെ അല്ലായിരുന്നോ എന്നിങ്ങനെ പറഞ്ഞ് അടിയോട് അടിയാണ്.

ഞാന്‍ പണ്ട് കറങ്ങാന്‍ പോയ സ്ഥലമൊക്കെ അവള്‍ ബഹിഷ്‌കരിച്ചു. അങ്ങോട്ട് പോയാലെ അടിയാണ്. ഇനി ആലീസിന്റെ പ്രേക്ഷകരോട് പറയാനുള്ളത് കെട്ടുന്നതിന്റെ മുന്‍പേ ഒരു കാര്യങ്ങളും തുറന്ന് പറയല്ലേ. അതൊക്കെ അവര്‍ ഒരു ഫോളോയില്‍ പറയുന്നത്. പിന്നീട് അതിന്റെ പേരിലാവും വഴക്കെന്നും സജിന്‍ പറയുന്നു. താനും ഒരു സഹപ്രവര്‍ത്തകയുമായി പ്രണയത്തിലായിരുന്നു. ഒരു ഓഫീസ് പ്രണയമായിരുന്നത്. ഓഫീസ് പൂട്ടി നാട്ടില്‍ വന്നപ്പോള്‍ അതും പൊളിഞ്ഞു. സിംപിളായൊരു ലവ് സ്റ്റോറി ആയിരുന്നെന്ന് പറഞ്ഞ് സജിന്‍ അവസാനിപ്പിച്ചു.

എന്നാല്‍ പഴയ കാമുകിയെ കുറിച്ചുള്ള ചോദ്യങ്ങളാണ് സഹോദരി ചോദിച്ചത്. തന്റെ ഓഫീസിലെ മലയാളിയായത് കൊണ്ട് മാത്രം തുടങ്ങിയ ഇഷ്ടമാണ്. പരസ്പരം ഐ ലവ് യൂ എന്നൊന്നും പറഞ്ഞില്ലെങ്കിലും ഇഷ്ടമാണെന്ന് അറിയാമായിരുന്നു. അപ്പോള്‍ ആരാ തേച്ചതെന്ന് ചോദിച്ചപ്പോള്‍ തേച്ചിട്ടില്ലെന്നായി സജിന്‍. അപ്പോള്‍ ഇപ്പോഴും തുടരുന്നുണ്ടോ എന്നായി ചോദ്യം. എന്നാല്‍ അതൊക്കെ പ്രായത്തിന്റേത് ആയിരുന്നുവെന്ന് പിന്നീടാണ് മനസിലായതെന്ന് കൂടി താരം വ്യക്തമാക്കി. എന്നാല്‍ ഭര്‍ത്താവിന്റെ പ്രണയകഥ കേള്‍ക്കുമ്പോള്‍ ആലീസിന്റെ ഭാവ വ്യത്യാസങ്ങളാണ് ശ്രദ്ധേയം.