'വർഷങ്ങൾക്ക് ശേഷമുള്ള കണ്ടുമുട്ടൽ, അച്ഛന് ദേഷ്യം ഇല്ലെന്ന് മനസിലായി'; അപൂർവമായ കൂടിക്കാഴ്ചയെന്ന് അശ്വതി

കുങ്കുമപ്പൂവിൽ തന്റെ റീൽ അച്ഛനായി അഭിനയിച്ച നടൻ ലിഷോയിയെ വർഷങ്ങൾക്ക് ശേഷം വീണ്ടും കണ്ടതിന്റെ സന്തോഷത്തിലാണ് അശ്വതി ഇപ്പോൾ. രസകരമായ കുറിപ്പിനൊപ്പമാണ് നടൻ ലിഷോയിയെ വർഷങ്ങൾക്ക് ശേഷം കണ്ട സന്തോഷം അശ്വതി പങ്കുവെച്ചത്. അമലയുടെ അച്ഛൻ ആയ പ്രഭാകരൻ എന്ന കഥാപാത്രത്തെയാണ് ലിഷോയി അവതരിപ്പിച്ചത്. 'മേനോനച്ഛനെ എട്ട് വർഷങ്ങൾക്ക് ശേഷം കണ്ടപ്പോൾ... അമല മോളോട് അച്ഛന് യാതൊരു ദേഷ്യവും ഇല്ലെന്ന് പറഞ്ഞു' എന്ന ക്യാപ്ഷനോടെയായാണ് അശ്വതി ചിത്രങ്ങൾ പോസ്റ്റ് ചെയ്തത്. പോസ്റ്റ് പ്രത്യക്ഷപ്പെട്ടതും ആരാധകരെല്ലാം രണ്ടുപേരെയും വീണ്ടും ഒരുമിച്ച് കാണാൻ സാധിച്ച സന്തോഷം പങ്കുവെച്ചു. സീരിയലിൽ ഷെല്ലി കിഷോറാണ് നായികയായ ശാലിനിയായി അഭിനയിച്ചത്.

സീരിയലിൽ മകളായ അമലയുടെ പ്രവൃത്തികൾ തന്നെ അലോസരപ്പെടുത്തിയിരുന്നതിനാൽ പ്രഭാകരന് മകളോട് സ്നേഹം ഉണ്ടായിരുന്നില്ല. 'പത്ത് വർഷം വേണ്ടി വന്നു അല്ലെ ദേഷ്യം ഇല്ല എന്ന് അറിയാൻ, അമല മോൾ ഒരു ദുഷ്ടയായിരുന്നല്ലോ അച്ഛൻ അത് ക്ഷമിക്കും, ഇല്ല മേനോൻ സാറിന് അങ്ങനെ പറയാൻ കഴിയില്ല. ഞാൻ വിശ്വസിക്കില്ല. പ്രൊഫസർ ജയന്തിയുടെ കുറവ് ഉണ്ട്...' തുടങ്ങി നിരവധി കമന്റുകളാണ് പോസ്റ്റിന് താഴെയുള്ളത്. അശ്വതി അഭിനയ രംഗത്തേക്ക് തിരിച്ചുവരണമെന്നുള്ള കമന്റുകളും പ്രത്യക്ഷപ്പെട്ടിട്ടുണ്ട്. സാജൻ സൂര്യയാണ് സീരിയലിൽ അശ്വതിയുടെ ഭർത്താവിന്റെ വേഷത്തിൽ അഭിനയിച്ചത്. തുടർന്നും ഇത്തരം എവർ​ഗ്രീൻ സീരിയലുകളുടെ ഭാ​ഗമാകാൻ തനിക്ക് ആ​ഗ്രഹമുണ്ടെന്ന് അശ്വതി അടുത്തിടെ തുറന്ന് പറഞ്ഞിരുന്നു.

Recommended Video

വെറ്റിലയും പാമ്പുമല്ല...കണ്ടോ കലക്കനായി പാടാനും ഗായത്രിക്ക് അറിയാം | Filmibeat Malayalam

അൽഫോൺസാമ്മ എന്ന ഭക്തി സീരിയലിൽ അൽഫോൺസാമ്മയായിട്ടാണ് അശ്വതി അഭിനയിച്ചത്. ശേഷമാണ് കുങ്കുമപ്പൂവിലേക്കുള്ള അവസരം അശ്വതിക്ക് ലഭിച്ചത്. വിരലിലെണ്ണാവുന്ന സീരിയലുകളിൽ മാത്രമെ അശ്വതി അഭിനയിച്ചിട്ടുള്ളൂവെങ്കിലും രണ്ട് സീരിയലുകളിലൂടെ തന്നെ വലിയ സ്വീകാര്യത അശ്വതിക്ക് സമ്പാദിക്കാൻ കഴിഞ്ഞു. വിവാഹത്തോടെ വിദേശത്ത് സ്ഥിര താമസമാക്കിയ അശ്വതി വിശേഷങ്ങളും തന്റെ ചിന്തകളും സോഷ്യൽമീഡിയ വഴിയാണ് ആരാധകരെ അറിയിക്കുന്നതും സംസാരിക്കുന്നതും. 2010ൽ ആയിരുന്നു ടിയുടെ വിവാഹം. അബുദാബിയിൽ ഐ.ടി മാനേജരായ ജെറിനാണ് ഭർത്താവ്. ഇരുവരുടേയും പ്രണയ വിവാഹമായിരുന്നു. ഓർക്കുട്ട് വഴി പരിചയപ്പെട്ട് സുഹൃത്തുക്കളായി ഒടുവിൽ ഇരുവീട്ടുകാരുടെ സമ്മതത്തോടെ വിവാഹിതരാവുകയായിരുന്നു. പലപ്പോഴും സിനിമകൾ സംബന്ധിച്ച് അശ്വതി പങ്കുവെക്കുന്ന നിരൂപണ കുറിപ്പുകൾ ആരാധകരുടെ വിമർശനത്തിന് കാരണമാകാറുണ്ട്.