താരങ്ങളുടെ കഷ്ടപാട് ഇതാണ്, തട്ടുകടയില്‍ ദോശ ചുടുന്ന പ്രമുഖ സീരിയല്‍ നടിയുടെ വീഡിയോ വൈറലാവുന്നു!

കവിത ലക്ഷ്മി

കവിത ലക്ഷ്മി എന്ന പേര് കേട്ടാല്‍ ആരും ഈ നടിയെ തിരിച്ചറിയാന്‍ പോവുന്നില്ല. എന്നാല്‍ ഏഷ്യാനെറ്റിലെ സ്ത്രീധനം എന്ന സീരിയലിലെ മത്തി സുകുവിന്റെ ഭാര്യ ശാന്തയെ എല്ലാവര്‍ക്കും നല്ല പരിചയമുണ്ടാവും.

കവിതയുടെ തട്ടുകട

ജീവിതത്തില്‍ പ്രതിസന്ധികള്‍ കടുത്ത് വന്നപ്പോഴായിരുന്നു കവിത തട്ടുകടയുമായി രംഗത്തെത്തിയത്. നടി ദോശ ചുടുന്ന ദൃശ്യങ്ങടങ്ങിയ വീഡിയോ വൈറലായി മാറിയിരിക്കുകയാണ്.

മകന് വേണ്ടി

ആറ് ഏഴ് ദിവസങ്ങളായിട്ടെയുള്ളു കവിത തട്ടുകട തുടങ്ങിയിട്ട്. വിദേശത്ത് പഠിക്കുന്ന മകന് ഫീസ് അടയ്ക്കുന്നതിന് വേണ്ടിയാണ് തട്ടുകട എന്ന ആശയത്തിലേക്ക് നടി എത്തിയത്. മകന്റെ പഠനത്തിന് വേണ്ടി ബാങ്കുകള്‍ കേറി ഇറങ്ങേണ്ടി വന്ന ദുരവസ്ഥയും നടി തുറന്ന് പറയുന്നുണ്ട്.

ഷൂട്ടിങ്ങ് അതിന്റെ വഴിയ്ക്ക് നടക്കും

കെ കെ രാജീവിന്റെ അയലത്തെ സുന്ദരി എന്ന സീരിയലിലാണ് കവിത അഭിനയിച്ച് കൊണ്ടിരിക്കുന്നത്. ഷൂട്ടിന് പോയി നേരത്തെ വന്ന് തട്ടുകട തുടങ്ങും. അതെക്കെ അങ്ങനെ നടക്കുമെന്നാണ് കവിത പറയുന്നത്.

ബാങ്ക് ചതിച്ചു

വിദേശത്ത് പഠിക്കാന്‍ പോയ മകന് ലോണിന് ശ്രമിച്ചിരുന്നെങ്കിലും ബാങ്ക് കൈമലര്‍ത്തിയിരുന്നു. ബാങ്ക് കാര്യങ്ങളെല്ലാം നന്നായി പോവുന്നുണ്ടെങ്കിലും വസ്തു ഇല്ലാത്തതിന്റെ പേരില്‍ ലോണ്‍ കിട്ടാതെ പോവുകയായിരുന്നു.

മുദ്ര ലോണ്‍

ഫേസ്ബുക്കിലുള്ള സുഹൃത്തുക്കള്‍ക്ക് ആര്‍ക്കെങ്കിലും മുദ്ര ലോണിനെ കുറിച്ച് എന്തെങ്കിലും അറിയാമെങ്കില്‍ പറഞ്ഞ് തരണമെന്നും കവിത ആവശ്യപ്പെടുന്നുണ്ട്.