ഹോം

ടെലിവിഷൻ

മലയാള ടെലിവിഷന്‍ പ്രേക്ഷകരുടെ ഇഷ്ട നടിമാരില്‍ ഒരാളാണ് രശ്മി സോമന്‍. ഏറെ കാലം അഭിനയ രംഗത്ത് നിന്ന് മാറി നിന്നതിന് ശേഷം നടി വീണ്ടും തിരിച്ചെത്തിയിരിക്കുകയാണ്. വര്‍ഷങ്ങളായി ഒരുപാട് കണ്ണീര്‍ പരമ്പരകളില്‍ കേന്ദ്രകഥാപാത്രത്തെ അവതരിപ്പിച്ചിരുന്നതിനാല്‍ ഒരുപാട് ആരാധകരെ രശ്മി സ്വന്തമാക്കിയിരുന്നു.

അടുത്ത കാലത്തായി നടി പങ്കുവെക്കാറുള്ള പോസ്റ്റുകളും മറ്റും വലിയ തരംഗമാവാറുമുണ്ട്. ഇപ്പോഴിതാ തന്റെ ഭര്‍ത്താവിനെ കുറിച്ച് പറഞ്ഞ് എത്തിയിരിക്കുകയാണ് നടി. ഇന്‍സ്റ്റാഗ്രാമിലൂടെ പങ്കുവെച്ച പോസ്റ്റിലാണ് കൊവിഡ് കാരണം ഭര്‍ത്താവിനെ കാണാന്‍ സാധിക്കാത്തതിലുള്ള വിഷമം നടി പറഞ്ഞിരിക്കുന്നത്. അടുത്ത കാലത്തായി നടി പങ്കുവെക്കാറുള്ള പോസ്റ്റുകളും മറ്റും വലിയ തരംഗമാവാറുമുണ്ട്.

ഇപ്പോഴിതാ തന്റെ ഭര്‍ത്താവിനെ കുറിച്ച് പറഞ്ഞ് എത്തിയിരിക്കുകയാണ് നടി. ഇന്‍സ്റ്റാഗ്രാമിലൂടെ പങ്കുവെച്ച പോസ്റ്റിലാണ് കൊവിഡ് കാരണം ഭര്‍ത്താവിനെ കാണാന്‍ സാധിക്കാത്തതിലുള്ള വിഷമം നടി പറഞ്ഞിരിക്കുന്നത്. വിവാഹത്തോടെ ഭര്‍ത്താവ് ഗോപിനാഥനൊപ്പം ദുബായില്‍ സ്ഥിരതാമസമാക്കിയ നടി ഷൂട്ടിങ് ആവശ്യത്തിന് വേണ്ടി നാട്ടില്‍ എത്തിയതായിരുന്നു. ദുബായില്‍ നിന്നും ഷൂട്ടിങ്ങിന് വേണ്ടി നാട്ടിലെത്തുകയും ശേഷം തിരികെ പോവുകയുമായിരുന്നു.

എന്നാല്‍ കൊറോണ കാരണം ലോക്ഡൗണ്‍ വന്നതോടെ തിരികെ പോവാന്‍ കഴിയാത്ത അവസ്ഥയിലായി പോയി. നിലവില്‍ ഭര്‍ത്താവ് വിദേശത്തും രശ്മി നാട്ടിലുമാണ്. ഭര്‍ത്താവായ ഗോപിനാഥിനെ മിസ് ചെയ്യുന്നു എന്ന് പറഞ്ഞ് ഒരു ചിത്രം പങ്കുവെച്ചിരിക്കുകയാണ് നടിയിപ്പോള്‍. ഭര്‍ത്താവിനൊപ്പമുള്ള ഫോട്ടോയായിരുന്നു ഇന്‍സ്റ്റാഗ്രാമിലൂടെ രശ്മി പോസ്റ്റ് ചെയ്തത്. സിനിമയിലെ സഹപ്രവര്‍ത്തകര്‍ അടക്കം നിരവധി പേരാണ് ഇതിന് താഴെ കമന്റുകളുമായി എത്തിയിരിക്കുന്നത്.

ചെറുപ്പം മുതല്‍ സിനിമകളിലും സീരിയലുകളിലും നിറഞ്ഞ് നിന്ന രശ്മി സോമന്‍ ദൂരദര്‍ശനില്‍ സംപ്രേക്ഷണം ചെയ്തിരുന്ന സീരിയലുകളിലൂടെയാണ് സുപരിചിതയാവുന്നത്. ഇരുപതോളം സിനിമകളില്‍ അഭിനയിച്ചിട്ടുണ്ടെങ്കിലും സീരിയലുകളിലെ പ്രകടനമായിരുന്നു ഏറെ പ്രേക്ഷക പ്രശംസ നേടി കൊടുത്തത്. ഇപ്പോള്‍ യൂട്യൂബ് ചാനലിലൂടെ വീഡിയോസ് പങ്കുവെച്ച് കൊണ്ട് സജീവമാവുകയാണ് നടി.

ടെലിവിഷന്‍ പരമ്പരകളില്‍ സജീവമായിരുന്ന സമയത്താണ് രശ്മി സോമനും മിനിസ്‌ക്രീന്‍ സംവിധായകനായ എ എം നസീറും തമ്മില്‍ പ്രണയത്തിലാവുന്നത്. 2001-ല്‍ ഇരുവരും വിവാഹിതരായി. വിവാഹശേഷവും രശ്മി അഭിനയിച്ചിരുന്നു. എന്നാല്‍ വൈകാതെ ഇരുവരും വേര്‍പിരിയുകയായിരുന്നു. അതിന് ശേഷമാണ് ഗോപിനാഥുമായിട്ടുള്ള വിവാഹം. രണ്ടാം വിവാഹത്തോടെ നടി അഭിനയം ഉപേക്ഷിച്ചെങ്കിലും ഇപ്പോള്‍ തിരിച്ച് വരവ് നടത്തി.