മലയാളി പ്രേക്ഷകരോട് ഒരു അഭ്യർഥനയുമായി നടി ശരണ്യ ശശി, സ്കിപ് ചെയ്യരുത്, പുതിയ തുടക്കം

സാധാരണ ജീവിതത്തിലേയ്ക്ക് ശക്തമായ തിരിച്ചു വരവ് നടത്തിയ ശരണ്യ സോഷ്യൽ മീഡിയയിൽ സജീവമാണ്. പഴയത് പോലെ അഭിനയത്തിലേയ്ക്ക് തിരികെ എത്തണമെന്നാണ് നടിയുടെ ആഗ്രഹം. ജീവിതം തിരിച്ചു പിടിക്കുന്നതിന്റെ ഭാഗമായി സ്വന്തമായി ഒരു യൂട്യൂബ് ചാനൽ ആരംഭിച്ചിട്ടുണ്ട്. അമ്മയ്ക്കൊപ്പമാണ് നടി ഇതിൽ പ്രത്യക്ഷപ്പെടുന്നത്. തന്റെ അസുഖത്തെ കുറിച്ചും ഇപ്പോഴത്തെ ജീവിത രീതിയുമൊക്കെ നടി വീഡിയോയിലൂടെ പങ്കുവെയ്ക്കുന്നുണ്ട്.

ഇപ്പോഴിത പുതിയ യൂട്യൂബ് വീഡിയേകൾ പങ്കുവെച്ചിരിക്കുകയാണ് താരം. ശരണ്യയുടെ അവതരണ രീതിയാണ് വീഡിയോകളുടെ പ്രധാനപ്പെട്ട ആകർഷണം. വീട്ടിൽ തന്നെയുണ്ടാക്കുന്ന മോഡേൺ ചിക്കൻ കറിയും മുടിവളരാനുള്ള എണ്ണയും ഉണ്ടാക്കുന്ന രീതിയാണ് വീഡിയോയിലൂടെ നടി പങ്കുവെച്ചിരിക്കുന്നത്. Citylights- Saranya's Vlog എന്നാണ് യൂട്യൂബ് ചാനലിന്റെ പേര്. കേവലം വീട്ടിൽ മാത്രം ഒതുങ്ങി നിൽക്കുന്നതല്ല ശരണ്യയിടെ വ്ലോഗ്. സാധാനങ്ങൾ വാങ്ങാൻ അമ്മയ്ക്കൊപ്പം നടിയും കയിൽ പേകാറുണ്ട്. ശരണ്യ പങ്കുവെച്ച പുതിയ വീഡിയോ ആരംഭിക്കുന്നത് തന്നെ കാറിൽ നിന്നാണ്. സാധനം വാങ്ങാൻ അമ്മയ്ക്കൊപ്പം പോയതാണ് നടി. തിരികെ വരും വഴിക്കുള്ള റോഡിലെ കാഴ്ചകളും നടി പ്രേക്ഷകർക്കായി വിവരിക്കുന്നുുണ്ട്.

ശരണ്യ അവതാരകയായി എത്തുന്ന വീഡിയോയിൽ പാചകം ചെയ്യുന്ന അമ്മയാണ്.എന്നാൽ തന്നെ കൊണ്ട് കഴിയുന്ന വിധം ശരണ്യ സഹായിക്കുന്നുമുണ്ട്. എല്ലാവരുടേയും പിൻതുണ വേണമെന്നും ശരണ്യ പറയുന്നു. സമയം കണ്ടെത്തി വീഡിയോ കാണണമെന്നും അതുപോലെ ലൈക്ക്, സബ്സ്ക്രൈബ് ചെയ്യണമെന്നും നടി പറയുന്നു.മികച്ച പ്രേക്ഷക സ്വീകാര്യതയാണ് വീഡിയോയ്ക്ക് ലഭിക്കുന്നത്. നടിക്ക് എല്ലാവിധത്തിലുളള ആശംസയുമായി ആരാധകർ രംഗത്തെത്തിയിട്ടുണ്ട്. കൂടാതെ വൈകാതെ അഭിനയരംഗത്തേക്കും കടന്നുവരാൻ കഴിയട്ടെ എന്നും ആരാധകർ ആശംസിക്കുന്നത്.

ഇത് തന്റെ രണ്ടാം ജന്മം ആയിട്ടാണ് ശരണ്യ കാണുന്നത്. നേരത്തെ നൽകിയ ഒരു അഭിമുഖത്തിൽ ജീവിതത്തിലേയ്ക്കുളള മടങ്ങി വരവിനെ കുറിച്ച് നടി വെളിപ്പെടുത്തിയിരുന്നു. പുതിയ വീട്ടിലായിരുന്നു ശരണ്യ തന്റെ രണ്ടാം ജന്മം ആരംഭിച്ചത്. 2020 ഓക്ടോബർ 23 നായിരുന്നു ശരണ്യയുടെ പുതിയ വീടിന്റെ ഗൃഹപ്രവേശനം. തിരുവനന്തപുരം ചെമ്പഴന്തിയിലാണ് നടിയുടെ പുതിയ വീട്. സ്നേഹ സീമ എന്നാണ് വീടിന്റേ പേര്. ശരണ്യയുടെ ആപത്ത് ഘട്ടത്തിൽ കൈതാങ്ങായി നടി സീമാ ജി നായരാണ് വീട് നിർമ്മാണത്തിനും നേതൃത്വം കൊടുത്തത്.