'ആസ്വദിച്ച് ഭക്ഷണം കഴിച്ചിട്ട് ഒരുപാട് നാളായി, അതിനാൽ ഇത് എനിക്ക് ലക്ഷ്വറിയാണ്'; സീരിയൽ താരം ശാലു കുര്യൻ

തന്റെ ഐഡിയല്‍ വെയിറ്റിലേക്ക് തിരിച്ചുവരുന്ന സമയത്താണ് രണ്ടാമത്തെ കുഞ്ഞിനെ ഗര്‍ഭിണിയായത്. ലെന്റര്‍ മെല്‍വിനും ആരോഗ്യത്തോടെ വന്ന ശേഷം വീണ്ടും ശരീരത്തിന്റെ വണ്ണം കുറയ്ക്കാന്‍ ശാലു തീരുമാനിച്ചത്. ജോ ഫിറ്റ്‌നസ്സിന്റെ സഹായത്തോടെയാണ് ശാലു കുര്യന്‍ ശരീരത്തിന്റെ വണ്ണം കുറച്ചത്.

'പണ്ട് മുതലേയുള്ള തടിയായിരുന്നു എന്നും എളുപ്പം ഒന്നും കുറക്കാനും കഴിയില്ലെന്നാണ് കരുതിയത്. തടി കുറയ്ക്കണം എന്ന ആഗ്രഹവും നേരത്തെ മുതലേയുണ്ട്. പല ശ്രമങ്ങളും പരാജയപ്പെട്ടു. ഇനി എങ്ങനായാലും കുഴപ്പമില്ല എന്ന ചിന്തയായിരുന്നു.'

'എന്നാല്‍ പ്രസവത്തിന് ശേഷം തടി പിന്നെയും കൂടി. ആരോഗ്യത്തിന് തന്നെ അത് വെല്ലുവിളിയായി. മകനെ ധൈര്യത്തോടെ എടുക്കാനും കളിപ്പിക്കാനും പറ്റില്ലേ എന്നുവരെ പേടിച്ചതോടെയാണ് വീണ്ടും തടി കുറക്കാനുള്ള ശ്രമം തുടങ്ങിയത്' എന്നാണ് ശാലു മുമ്പ് പറഞ്ഞത്.

പ്രസവത്തിന് ശേഷം ഇന്റസ്ട്രിയില്‍ നിന്നും വിട്ടുനില്‍ക്കുകയാണ് താരം. എപ്പോഴാണ് തട്ടീം മുട്ടീം ഷോയിലേക്ക് തിരിച്ചുവരുന്നതെന്ന് ആരാധകർ ചോദിക്കാറുണ്ട്.

2007 ല്‍ കൃഷ്ണപക്ഷം എന്ന സീരിയലിലൂെടയാണ് ശാലു കുര്യന്റെ അരങ്ങേറ്റം. തുടര്‍ന്ന് നിരവധി പരമ്പരകള്‍ ചെയ്തുവെങ്കിലും പ്രേക്ഷക ശ്രദ്ധ ലഭിച്ചത് ചന്ദനമഴ എന്ന സീരിയലിലൂടെയാണ്.

25ല്‍ അധികം സീരിയലുകള്‍ ചെയ്ത ശാലു കുര്യന്‍ ചില സിനിമകളിലും തന്റെ സാന്നിധ്യം അറിയിച്ചിട്ടുണ്ട്. ഇപ്പോഴിത കൗമുദി ചാനലിന്റെ സ്പെഷ്യൽ പ്രോ​ഗ്രാമായ ഡെ വിത്ത് എ സ്റ്റാറിൽ അതിഥിയായി വന്നപ്പോൾ ശാലു പങ്കുവെച്ച വിശേഷങ്ങളാണ് വൈറലാകുന്നത്.

രണ്ട് മക്കൾ പിറന്നശേഷം തന്റെ ലോകം അവരാണെന്നും അവരെ ഒറ്റയ്ക്കാക്കി പുറത്ത് കറങ്ങാൻ നിൽക്കാറില്ലെന്നുമാണ് താരം പറയുന്നത്. മക്കൾ പിറന്ന ശേഷം അവരുടെ ആവശ്യങ്ങൾക്ക് മുൻ​ഗണന കൊടുക്കുന്നതിനാൽ ആസ്വദിച്ച് ഭക്ഷണം പോലും കഴിക്കാറില്ലെന്നും താരം പറയുന്നു.

'മുമ്പ് ഡാൻസറായിരുന്നു. ജില്ലതലത്തിൽ വരെ മത്സരിച്ചിട്ടുണ്ട്. പത്ത് വർഷമായി നൃത്തം ചെയ്യാറില്ല. അഭിനയിക്കണമെന്നത് ഒരു സുപ്രഭാതത്തിൽ വന്ന തോന്നലാണ്. ആദ്യം ഡോക്യുമെന്ററിയാണ് ചെയ്തത്.'

'അവിടെ നിന്ന് കിട്ടിയ കോൺടാക്ട് വെച്ചാണ് പിന്നീട് അഭിനയിച്ചത്. എന്റെ വീട് കോട്ടയത്താണ്. വീട്ടിൽ അച്ഛൻ അമ്മയും പിന്നെ സഹോദരനും ഭാര്യയും കുഞ്ഞുമാണുള്ളത്. കല്യാണം കഴിച്ച ശേഷമാണ് കൊച്ചിയിൽ‌ ഞാൻ സെറ്റിൽഡായത്.'

'കോംപ്ലക്സ് ഇല്ലാത്ത ഭർത്താവാണ് എന്റേത്. രാവിലെ മടി പിടിച്ചിരിക്കുമ്പോൾ ചായയൊക്കെ ഇട്ടുതരും. ബുക്ക്സ് വായിക്കാൻ എനിക്ക് വളരെ ഇഷ്ടമാണ്. രണ്ട് പിള്ളേരുള്ളതുകൊണ്ട് മീ ടൈം കിട്ടുന്നത് ബ്യൂട്ടിപാർലറിൽ പോകുമ്പോഴൊക്കെയാണ്' ശാലു കുര്യൻ പറഞ്ഞു.

2017ൽ ആയിരുന്നു ശാലുവിന്റെ വിവാഹം നടക്കുന്നത്. റാന്നി സ്വദേശിയാണ് ഭർത്താവ് മെൽവിൻ ഫിലിപ്പ്. കൊച്ചിയിലെ ഹോട്ടലിൽ പിആർ മാനോജരാണ് അദ്ദേഹം.