ജയറാമിന്റെ മകള്‍ക്ക് താത്പര്യം സിനിമയോടല്ല, മറ്റൊന്നിനോടാണ്, ഈ താരപുത്രി വേറെ ലെവലാണ്!!

പലരും ചോദിക്കുന്നു

പല അഭിമുഖത്തിലും ജയറാം ഈ ചോദ്യം അഭിമുഖീകരിച്ചിട്ടുണ്ട്. മകള്‍ അഭിനയിക്കുമോ.. ഭാര്യ പാര്‍വ്വതി അഭിനയത്തിലേക്ക് മടങ്ങി വരുമോ എന്നാണ് ആരാധകര്‍ക്ക് അറിയേണ്ടത്. ആ ചോദ്യത്തോട് ഒന്നും ഒന്നും മൂന്ന് എന്ന എപ്പിസോഡില്‍ ജയറാം പ്രതികരിച്ചു.

മകള്‍ക്ക് അഭിനയത്തിലല്ല താത്പര്യം

മകള്‍ അഭിനയിക്കുമോ എന്ന് ഒരുപാട് പേര്‍ ചോദിച്ചിരുന്നു. പക്ഷെ അവള്‍ക്ക് അഭിനയിക്കാന്‍ താത്പര്യമില്ല. കായിക മേഖലയിലാണ് കക്ഷിക്ക് താത്പര്യം. ലണ്ടനില്‍ സ്‌പോര്‍ട്‌സ് മാനേജ്‌മെന്റ് കോഴ്‌സ് ചെയ്യുകയാണ് ഇപ്പോള്‍ ചക്കി - ജയറാം പറഞ്ഞു.

മകന്റെ സിനിമ

പ്രേക്ഷകര്‍ ഏറെ പ്രതീക്ഷയോടെ കാത്തിരിയ്ക്കുന്ന മകന്‍ കാളിദാസിന്റെ പൂമരം എന്ന ചിത്രം ഡിസംബറില്‍ റിലീസ് ചെയ്യും എന്ന് ജയറാം പറയുന്നു. ഡബ്ബിങ് ജോലികളൊക്കെ കഴിഞ്ഞു. റിലീസിങ് ഘട്ടത്തിലാണ് ചിത്രം.

പാര്‍വ്വതി അഭിനയം നിര്‍ത്താന്‍ കാരണം

സിനിമയില്‍ പാര്‍വ്വതി ഏറ്റവും ഉയര്‍ന്ന നിലയില്‍ നില്‍ക്കുമ്പോഴാണ് വിവാഹം കഴിക്കുന്നത്. ഞാന്‍ നിര്‍ബന്ധിച്ചിട്ടാണോ പാര്‍വ്വതി അഭിനയിക്കാത്തത് എന്ന് പലരും ചോദിച്ചിട്ടുണ്ട്. പക്ഷെ മക്കളെ നന്നായി വളര്‍ത്തി വലുതാക്കുന്നത് വരെ വേറെ ഒരു പരിപാടിയ്ക്കുമില്ല എന്ന് പറഞ്ഞത് പാര്‍വ്വതി തന്നെയാണ്.

ആ ക്രഡിറ്റ് പാര്‍വ്വതിക്ക്

നൂറ് ശതമാനം നല്ല വീട്ടമ്മയാണ് പാര്‍വ്വതി എന്ന ജയറാമിന്റെ അശ്വതി. മകനെയും മകളെയും നല്ല രീതിയില്‍ വളര്‍ത്തിയതിന്റെ മുഴുവന്‍ ക്രഡിറ്റും പാര്‍വ്വതിക്കുള്ളതാണെന്ന് ജയറാം പറയുന്നു.

കൂടെ അഭിനയിച്ചതില്‍ സുന്ദരിയായ നടി

കൂടെ അഭിനയിച്ചതില്‍ ഏറ്റവും സുന്ദരിയായ നടി ആരാണെന്ന് ചോദിച്ചപ്പോള്‍ ജയറാമിന്റെ മറുപടി ഇങ്ങനെയായിരുന്നു, 'നൂറില്‍ പരം സിനിമകളില്‍ അഭിനയിച്ചിട്ടുണ്ടെങ്കിലും ഏറ്റവും സുന്ദരിയായി തോന്നിയ നായികയെയാണ് ഞാന്‍ വിവാഹം ചെയ്തത്'