സാന്ത്വനത്തിന് താല്‍ക്കാലികമായി ബ്രേക്ക്, എല്ലാവരോടും വിട പറഞ്ഞ് ബിജേഷും അച്ചുവും ഗോപികയും,വീഡിയോ വൈറല്‍

സോഷ്യല്‍ മീഡിയയിലൂടെ

സ്‌ക്രീനില്‍ മാത്രമേ തങ്ങള്‍ കഥാപാത്രമായി മാറാറുള്ളൂവെന്നും സെറ്റില്‍ എല്ലാവരും നല്ല കൂട്ടാണെന്നും താരങ്ങളെല്ലാം പറഞ്ഞിരുന്നു. ഹരി-അപര്‍ണ്ണ, അഞ്ജലി ശിവന്‍ വിവാഹത്തിനിടയിലെ നിമിഷങ്ങളെല്ലാം വൈറലായി മാറിയിരുന്നു. അച്ചു സുഗന്ദ്, ഗിരീഷ് നമ്പ്യാര്‍, ഗോപിക അനില്‍, ബിജേഷ് അവനൂര്‍, ചിപ്പി ഇവരെല്ലാം സോഷ്യല്‍ മീഡിയയിലൂടെ സാന്ത്വനം വിശേഷങ്ങളുമായെത്താറുണ്ട്.

അനിയത്തിയാണോ അതോ ഫ്രണ്ടാണോ

ശരിക്കും ഗോപിക ചേച്ചി അനിയത്തിയാണോ അതോ ഫ്രണ്ടാണോയെന്നായിരുന്നു ചോദിച്ചത്. അനിയത്തിയും ഫ്രണ്ടുമാണെന്നായിരുന്നു ബിജേഷ് നല്‍കിയ മറുപടി. ക്രിസ്മസ് പുതുവത്സര ആശംസകള്‍ അറിയിച്ചും ബിജേഷ് എത്തിയിരുന്നു. വിവാഹ വേഷത്തിലുള്ള ഗോപികയെ വീഡിയോയില്‍ കണ്ടതോടെ കമന്റുകളുമായി അഞ്ജലി ഫാന്‍സും എത്തിയിരുന്നു.

ഷെഡ്യൂൾ ബ്രേക്ക്‌

അകലില്ല കൂട്ടുകാർ ഞങ്ങൾ, പിരിയാത്ത നന്മയോടെ. ഇന്ന് ഷെഡ്യൂൾ ബ്രേക്ക്‌ തുടങ്ങും. അടുത്ത ഷെഡ്യൂളിൽ കാണും വരെ സാന്ത്വനം ഫാമിലിയിലെ എല്ലാർക്കും താത്കാലിക വിടയെന്നായിരുന്നു ബിജേഷ് കുറിച്ചത്. ഗോപികയ്ക്കും അച്ചുവിനുമൊപ്പമുള്ള വീഡിയോയിരുന്നു അദ്ദേഹം പോസ്റ്റ് ചെയ്തത്. സേതുവേട്ടന്‍ പങ്കുവെച്ച വീഡിയോ മനോഹരമായിരിക്കുന്നുവെന്നായിരുന്നു ആരാധകര്‍ പറഞ്ഞത്. നിരവധി പേരാണ് വീഡിയോയ്ക്ക് കീഴില്‍ കമന്‍റുകളുമായെത്തിയത്

ശിവനും അഞ്ജലിയും

അപ്രതീക്ഷിതമായി ഒന്നിച്ചവരാണ് ശിവനും അഞ്ജലിയും. പരസ്പരം കണ്ടാല്‍ വഴക്കിടുന്ന ഇരുവരും അപ്രതീക്ഷിതമായി വിവാഹിതരാവുകയായിരുന്നു. വിവാഹ ശേഷവും വഴക്കിടുന്ന പതിവ് തുടരുകയാണ്. വഴക്കിനൊടുവില്‍ ഇരുവരും പ്രണയിച്ച് തുടങ്ങിയോ എന്നുള്ള സംശയത്തിലാണ് ദേവിയും ബാലനുമൊക്കെ. സാന്ത്വനം സീരിയലിലെ ട്വിസ്റ്റിനെക്കുറിച്ചുള്ള ചര്‍ച്ചകളും സോഷ്യല്‍ മീഡിയയില്‍ സജീവമാണ്.