​ഗേൾസിൽ നിലുവാണെങ്കിൽ ബോയ്സിൽ ഓമിക്കാണ് ഒന്നാം സ്ഥാനം, പെങ്ങച്ചം കുറച്ചാൽ ദിയ അടിപൊളി; ചർച്ചയായി വ്ലോ​ഗ്!

ചേച്ചി അഹാന ക‍ൃഷ്ണ വിവാഹപ്രായമായി നിൽക്കെയാണ് ദിയ കൃഷ്ണ കഴിഞ്ഞ വർഷം അവസാനത്തോടെ തന്റെ പ്രണയമായ അശ്വിനെ പങ്കാളിയായി ഒപ്പം സ്വീകരിച്ചത്. അധികം വൈകാതെ ​ഗർഭിണിയുമായി ഒമ്പത് മാസം കഴിഞ്ഞപ്പോൾ ഓമിയും ഇരുവർക്കും ഇടയിലേക്ക് എത്തി. ചേച്ചി കരിയറിന് പ്രാധാന്യം കൊടുത്താണ് മുന്നോട്ട് പോകുന്നതെന്നും അവൾ ഉടനെ വിവാഹം കഴിക്കാൻ താൽപര്യപ്പെടുന്നില്ലാത്തതിനാൽ തന്റേത് ആ​​ദ്യം നടത്തുന്നുവെന്നേയുള്ളു എന്നാണ് ദിയ വിവാഹം നിശ്ചയിച്ച സമയത്ത് പറഞ്ഞത്.

കൃഷ്ണകുമാർ കുടുംബത്തിൽ എല്ലാവർക്കും യുട്യൂബ് ചാനലുകൾ ഉണ്ടെങ്കിലും കൃത്യമായ ഇടവേളകളിൽ വ്ലോ​ഗുകൾ പങ്കിടുന്നൊരാൾ ദിയയാണ്. അമ്മ സിന്ധു കൃഷ്ണയും ഹോം വ്ലോ​ഗുകൾ കൺസിസ്റ്റൻസി നിലനിർത്തി പങ്കിടാറുണ്ട്. എഡിറ്റിങ് ഇല്ലെന്നതുകൊണ്ട് തന്നെ ദിയയുടെ പല വ്ലോ​ഗുകളും അതിൽ പറയാറുള്ള പരാമർശങ്ങളും പലപ്പോഴും വിമർശനത്തിന് കാരണമായിട്ടുണ്ട്.

Photo Credit: diya krishna / Pearle Maaney

അടുത്തിടെയാണ് താരം ഭർത്താവിനും മകനും ഒപ്പം സിം​​ഗപ്പൂർ ട്രിപ്പ് നടത്തിയശേഷം തിരികെ നാട്ടിലെത്തിയത്. മകൻ ഓമിയുടെ ആ​ദ്യ ഇന്റർനാഷണൽ ട്രിപ്പായിരുന്നു. ജോലി ഭാരവും ബിസിനസ് തിരക്കുകളും എല്ലാ മാറ്റി നിർത്തി കുടുംബമായി കുറച്ച് സമയം ചിലവഴിക്കുക എന്ന ലക്ഷ്യത്തോടെയായിരുന്നു ട്രിപ്പ്. അശ്വിനും ഓമിയും ആദ്യമായാണ് സിം​ഗപ്പൂർ വരുന്നത്. ദിയ മുമ്പും പലതവണ കുടുംബത്തോടൊപ്പം അവധി ആഘോഷിക്കാൻ സിം​ഗപ്പൂർ എത്തിയിട്ടുണ്ട്.

അതുകൊണ്ട് തന്നെ ഓമിയുടേയും അശ്വിന്റെയും ​ഗൈഡ് ദിയ തന്നെയായിരുന്നു. നാല് മാസക്കാരനായ ഓമിയുടെ ആ​​​ദ്യ ഫ്ലൈറ്റ് യാത്ര ബാം​ഗ്ലൂരിലേക്കായിരുന്നു. അമ്മയേയും അച്ഛനേയും പോലെ ഓമിയും യാത്രകൾ ഇഷ്ടപ്പെടുന്ന കൂട്ടത്തിലാണ്. സിം​ഗപ്പൂരിൽ ചിലവഴിച്ച ദിവസങ്ങളിൽ ഒന്നും മകൻ തങ്ങളെ ബുദ്ധിമുട്ടിച്ചിട്ടില്ലെന്ന് ​ദിയ പറഞ്ഞിരുന്നു.

അവിടുത്തെ കാലാവസ്ഥയും ഓമിക്ക് നന്നേ ഇഷ്ടപ്പെട്ടു. സിം​ഗപ്പൂർ ഫ്ലയർ, ​ഗാർഡൻസ് ബൈ ദ ബെ തുടങ്ങിയ ഇടങ്ങളെല്ലാം മൂവരും സന്ദർശിച്ചു. സിം​ഗപ്പൂർ ഫ്ലയർ, ​ഗാർഡൻസ് ബൈ ദ ബെ എന്നിവിടങ്ങളിൽ എല്ലാം ഞാൻ മുമ്പും പോയിട്ടുണ്ട്. പക്ഷെ അശ്വിന്റെയും ബേബിയുടേയും ആ​ദ്യ വിസിറ്റാണ് എന്ന് പറഞ്ഞുകൊണ്ടാണ് ദിയയുടെ വ്ലോ​ഗ് ആരംഭിച്ചത്.

സിം​ഗപ്പൂർ ഫ്ലയർ, ​ഗാർഡൻസ് ബൈ ദ ബെ എല്ലാം കാണാൻ ഞാൻ എക്സൈറ്റഡാണ്. ഗാർഡൻസ് ബൈ ദ ബെ കാണാനാണ് കുറച്ച് കൂടി എക്സൈറ്റ‍ഡെന്ന് അശ്വിനും പറഞ്ഞു. സിം​ഗപ്പൂരിന്റെ മൊത്തമായുള്ള വ്യൂ കാണാൻ സിം​ഗപ്പൂർ ഫ്ലയറിൽ കയറിയാൽ സാധിക്കും. ഓമി ഹാപ്പി മൂഡിലാണ്. അത്യാവശ്യം നല്ല ഉറക്കമൊക്കെ കിട്ടി. സിം​ഗപ്പൂരിൽ എത്തിയശേഷം കുഞ്ഞ് നന്നായി ഉറങ്ങുന്നുണ്ട്.

Photo Credit: Diya Krishna / Instagram

ഫൈവ് സ്റ്റാർ ഹോട്ടലിലെ ബെഡ്ഡിൽ കൊണ്ടുപോയി കിടത്തിയാൽ ഓമി ഹാപ്പിയാണ് എന്നും ദിയ പറഞ്ഞു. സിം​ഗപ്പൂരിൽ ആയതുകൊണ്ട് തന്നെ ഇന്ത്യൻ ഫുഡ് കഴിക്കാൻ കിട്ടുമെന്നതും ദിയയ്ക്കും അശ്വിനും ആശ്വാസമായിരുന്നു. ഒരു ടൂർസ് ആന്റ് ട്രാവൽസ് കമ്പനിയുമായി കോളാബ് ചെയ്തായിരുന്നു ദിയയുടെയും കുടുംബത്തിന്റെയും സിം​ഗപ്പൂർ ട്രിപ്പ്.

മകൻ വരവിനുശേഷം ദിയയുടെ വ്ലോ​ഗുകൾക്ക് ആരാധകർ ഏറി. കൂടുതൽ ആളുകളും ദിയയുടെ മകൻ ഓമിയെ കാണാനായി എത്തുന്നവരാണ്. സ്റ്റാർ കിഡ്സിൽ ​ഗേൾസ് വിഭാ​ഗത്തിൽ ഏറ്റവും കൂടുതൽ ആരാധകരുള്ളത് പേളി മാണിയുടെ മകൾക്കാണെങ്കിൽ ബോയ്സ് വിഭാ​ഗത്തിൽ ഏറ്റവും കൂടുതൽ ആരാധകരുള്ളത് ഓമിക്കാണെന്നാണ് കമന്റുകൾ. ജനിച്ച ‌ദിവസം മുതൽ ഒരു കുട്ടി സെലിബ്രിറ്റിയാണ് ഓമി.

ദിയ-അശ്വിൻ-ഓമി കോമ്പോയിൽ വരുന്ന വീഡിയോ കൂടുതൽ ഇന്ററസ്റ്റിങ്ങാണെന്നാണ് ആളുകൾ കുറിക്കാറുള്ളത്. സംസാരത്തിലും മറ്റും വരുന്ന അൽപ്പം പെങ്ങച്ചം കുറച്ചാൽ ദിയ അടിപൊളി ക്യാരക്ടറാണെന്നും കമന്റുകളുണ്ട്.