സിസേറിയന്‍ കഴിഞ്ഞുള്ള 12ാം ദിവസം, ഉഗ്രൻ ചുവടുമായി സൗഭാഗ്യ, ജീവിതം ആസ്വദിക്കൂ...

പ്രസവകാലം ആഘോഷമാക്കിയ സൗഭാഗ്യ അമ്മയായതിന് ശേഷവും ജീവിതം അടിച്ച് പൊളിക്കുകയാണ്. സാധാരണ അമ്മയായതിന് ശേഷം ഭൂരിഭാഗം പേരും സോഷ്യൽ മീഡിയയിൽ നിന്ന് മാറി നിൽക്കും. തങ്ങളുടെ ചിത്രങ്ങളോ വീഡിയോയോ ഒന്നും പങ്കുവെയ്ക്കില്ല. ഇതിൽ നിന്നെല്ലാം വ്യത്യസ്തയാവുകയാണ് സൗഭാഗ്യ .ജീവിതം ആഘോഷമാക്കുന്നതിനോടൊപ്പം തന്റെ സി സെക്ഷൻ അനുഭവവും താരം പങ്കുവെയ്ക്കുന്നുണ്ട്. ഇന്നും പേടിയോടെ ഡെലിവറിയെ സമീപിക്കുന്ന ഒരു വിഭാഗം പേർ ഇവിടെയുണ്ട്. ഇത്തരക്കാർക്ക് നല്ലൊരു മാത്യകയാണ് സൗഭാഗ്യ. വളരെ കൂളായിട്ടായിരുന്നു ഡെലിവറിയെ സമീപിച്ചത്.

ഇപ്പോഴിത സമൂഹമാധ്യമങ്ങളിൽ വൈറവാവുന്നത് സൗഭാഗ്യയുടെ നൃത്തമാണ്. സി സെക്ഷൻ കഴിഞ്ഞ് 12ാം ദിവസം ആയെന്നും വീഡിയോയ്ക്കൊപ്പം സൗഭഗ്യ പറയുന്നുണ്ട്. താരത്തിന്റെ വാക്കും വീഡിയോയും സോഷ്യൽ മീഡിയയിൽ വൈറലായിട്ടുണ്ട്. ''സി സെക്ഷന് ശേഷമുള്ള 12-ാം ദിവസം. പുതിയ അമ്മയെ ഭയത്തോടെ നോക്കുന്നത് അവസാനിപ്പിക്കൂ. എന്നെ വിശ്വസിക്കൂ. സി സെക്ഷനെക്കുറിച്ച് ആളുകളിൽ നിന്നും കേൾക്കുന്നതെല്ലാം മിഥ്യയാണ്. പ്രതീക്ഷ കൈവിടരുത്. ജീവിതം ആസ്വദിക്കൂ. മെഡിക്കൽ സയൻസ് വളരെ അഡ്വാൻസ്ഡാണ്. സി സെക്ഷൻ ഡെലിവറിക്ക് ശേഷം സാധാരണ ജീവിതത്തിലേക്ക് എന്നെ തിരികെക്കൊണ്ടുവന്നതിന് ഡോക്ടർ അനിത പിള്ളയോട് എത്ര നന്ദി പറഞ്ഞാലും മതിയാവില്ല'' എന്ന് എഴുതി കൊണ്ടാണ് സൗഭാഗ്യ ഡാൻസ് വീഡിയോ പോസ്റ്റ് ചെയ്തിരിക്കുന്നത്. അമ്മ താര കല്യാണുൾപ്പടെ നിരവധി പേരാണ് വീഡിയോയ്ക്ക് താഴെ കമന്റുമായി എത്തിയിട്ടുണ്ട്. സൗഭാഗ്യയെ പോലെ സമാന അനുഭവം മറ്റ് അമ്മമാരും പങ്കുവെയ്ക്കുന്നുണ്ട്.

ഗർഭകാല അനുഭവവും ആശുപത്രി വാസക്കാലത്തെ കുറിച്ചും സൗഭാഗ്യ സോഷ്യൽ മീഡിയയിലൂടെ തുറന്ന് എഴുതാറുണ്ട്. സിസേറിയൻ അനുഭവത്തെ കുറിച്ചും ഇൻസ്റ്റഗ്രാമിൽ കുറിച്ചിരുന്നു.''സിസേറിയന്‍ തീരുമാനിച്ച നിമിഷം താനും ആശങ്കയിലായിരുന്നുവെന്ന് താരം കുറിച്ചിരുന്നു. താനും സുദര്‍ശനയും സുരക്ഷിതയായിരിക്കാന്‍ കാരണം കാര്‍ഡിയോളജിസ്റ്റായ ഡോക്ടര്‍ ഷിഫാസും ഗൈനക്കോളജിസ്റ്റായ ഡോക്ടര്‍ അനിതയുമാണ്. സിസേറിയന്‍ എന്നത് മനോഹരമായ അനുഭവമാക്കി മാറ്റിയതാ അവരാണ്. സിസേറിയനെക്കുറിച്ച് മുന്‍പ് കേട്ട ഭീതിജനിപ്പിക്കുന്ന കാര്യങ്ങളെല്ലാം വെറും കെട്ടുകഥയാണെന്ന് മനസ്സിലാക്കിയ സമയം കൂടിയായിരുന്നു അത്. ആ സമയത്ത് പ്രത്യേക ബുദ്ധിമുട്ടുകളൊന്നും തോന്നിയിരുന്നില്ലെന്നും താരം പറയുന്നു

അച്ഛനെ കുറിച്ചുള്ള ഹൃദസ്പർശിയായ ഓർമ പങ്കുവെച്ച് കൊണ്ടും സൗഭാഗ്യ രംഗത്ത് എത്തിയിരുന്നു. മകൾക്ക് മുത്തശ്ശന്റെ സ്നേഹം മിസ് ചെയ്യുമെന്നും സൗഭാഗ്യ പറഞ്ഞിരുന്നു. കൂടാതെ തന്നെ പരിചരിച്ച കാര്‍ഡിയോളജിസ്റ്റ് അച്ഛനേയും നോക്കിയിരുന്നുവെങ്കില്‍ ഒരുപക്ഷേ അദ്ദേഹത്തിന് കൂടുതല്‍ സുഖം തോന്നുമായിരുന്നു എന്നായിരുന്നു സൗഭാഗ്യ കുറിച്ചത്. പേടിയൊക്കെ അകന്നത് ഡോക്ടറുടെ പോസിറ്റിവിറ്റിയിലൂടെയാണ്. സൗഹൃദത്തോടെയായിരുന്നു അദ്ദേഹം ഞങ്ങളെ കേട്ടത്. നമ്മുടെ ഏതൊരു അസ്വസ്ഥയേയും തുടച്ചുനീക്കാന്‍ ആ പുഞ്ചിരി മതിയായിരുന്നുവെന്നും ഡോക്ടറെ കുറിച്ച് താരം എഴുതി. ചിത്രം പങ്കുവെച്ച് കൊണ്ടാണ് നന്ദി സൂചകമായി വാക്ക് പങ്കുവെച്ചത്.