ബി​ഗ് ബോസ് സീസൺ അ‍ഞ്ചിൽ പങ്കെടുക്കാൻ ശ്രീനാഥ് ഭാസിയും ബാലയും അമ്പിളി ദേവിയും എത്തുന്നു?, സത്യാവസ്ഥ ഇതാണ്!

എത്ര ജിമ്മൻമാർ കാണും, ഏതെങ്കിലും കലിപ്പൻ ഡോക്ടർ ഇത്തവണയും കാണുമോ? എന്നൊക്കെയാണ് സീസൺ 5നെ കുറിച്ച് പെൺകുട്ടികൾ ചോദിക്കുന്നത്. ഒറിജിനൽ ആൾക്കാരാണ് വരാൻ പോകുന്നതെന്നാണ് ചോദ്യത്തിന് മോഹൻലാൽ നൽകിയ മറുപടി.

തീ പാറും... വെയ്റ്റ് ആൻഡ് സീ എന്നും മോഹൻലാൽ പെൺകുട്ടികളോട് പറയുന്നു. ഓരോ സീസണുകൾ കഴിയുന്തോറും കൂടുതൽ എക്സൈറ്റിങ്ങും ചലഞ്ചിങ്ങും ആകുകയാണ് ബി​ഗ് ബോസെന്നും മോഹൻലാൽ പുതിയ പ്രമോയിൽ പറയുന്നുണ്ട്.

ഇപ്പോഴിത നാലാം സീസണിൽ മത്സരാർഥിയായി പങ്കെടുത്ത ശാലിനി അ‍ഞ്ചാം സീസണിൽ മത്സരിക്കാൻ സാധ്യതയുള്ളവരെ കുറിച്ചും ഒരിക്കലും വരാൻ സാധ്യതയില്ലാത്തവരെ കുറിച്ചും വിശദീകരിച്ച് എത്തിയിരിക്കുകയാണ്.

തത്സമയം ശാലിനി എന്ന തന്റെ യുട്യൂബ് ചാനലിൽ പങ്കുവെച്ച വീഡിയോയിലാണ് ശാലിനി മത്സരാർഥികളെ കുറിച്ചുള്ള പുതിയ വിവരങ്ങൾ പങ്കുവെക്കുന്നത്. 'സ്മാർട്ട് ഫോൺ‌ യൂസ് ചെയ്യാത്തവർക്ക് കോമണർ എൻട്രിക്ക് വേണ്ടി മിസ്ഡ് കോൾ ചെയ്താൽ റിവേർട്ട് മെസേജ് വരില്ല.'

'എല്ലാവരും തുടർച്ചയായി മിസ്ഡ് കോൾ ചെയ്യുന്നതുകൊണ്ട് ചിലപ്പോൾ സർവർ ഡൗണാകുന്ന പ്രശ്നം വരും അത്രമാത്രം. അല്ലാതെ മറ്റ് പ്രശ്നങ്ങളില്ല. ഇതിന്റെ റെക്കോർഡുകൾ സൂക്ഷിക്കുന്നുണ്ട്. ശ്രീനാഥ് ഭാസിയും നടൻ ബാലയും സീസൺ 5ൽ ഇല്ല. ശ്രീനാഥ് ഭാസി ഷൂട്ടിങ് തിരക്കിലാണ്.'

'നിരവധി സിനിമകളുടെ ഷൂട്ടിങ് പുരോ​ഗമിക്കുകയാണ്. നടൻ ബാലയും പങ്കെടുക്കുന്നില്ല സീസൺ 5ൽ. അദ്ദേഹം തന്നെ അത് വ്യക്തമാക്കിയിട്ടുണ്ട്. സീരിയൽ താരം അമ്പിളി ദേവിയും പുതിയ സീരിയൽ ചെയ്യുന്നതിനാൽ സീസൺ 5ൽ ഇല്ല. ഇത്തവണത്തെ ബി​ഗ് ബോസിൽ ഒരു ‍റൈഡർ ​ഗേളുണ്ട്.'

'അതാരാണെന്ന് വെളിപ്പെടുത്താൻ പറ്റില്ല. അതുപോലെ തന്നെ ഒരു ജിമ്മനും സീസൺ 5ലേക്ക് സെലക്ടായിട്ടുണ്ട്. കൂടാതെ സ്മാർട്ടായ ഒരു ലേഡി അഡ്വക്കേറ്റും ഒന്നോ ഒന്നിൽ അധികമോ ട്രാൻ‌സ് പേഴ്സൺസും സീസൺ 5ലുണ്ടാകും. മാർച്ച് 26 ഓടുകൂടി സീസൺ 5ന്റെ ​​ഗ്രാന്റ് ലോഞ്ച് ഉണ്ടായേക്കും.'

എന്നാണ് ശാലിനി പുതിയ വീഡിയോയിൽ പറയുന്നത്. ഫെബ്രുവരി 15ന് ഏഷ്യാനെറ്റിൽ വൈകിട്ടത്തെ പരിപാടികൾക്കിടെയാണ് ബിഗ് ബോസ് മലയാളം അഞ്ചാം സീസൺ ഉടൻ വരുന്നുവെന്ന് അറിയിച്ചുകൊണ്ട് ഷോയുടെ ലോഗോ അവതരിപ്പിച്ചത്.

ഭാരതി എയർടെല്ലിന്റെ 5ജി പ്ലസാണ് ഷോയുടെ പ്രധാന സ്പോൺസർ ഒപ്പം സ്വയംവര സിൽക്സും ഇന്ത്യ ഗേറ്റും ഡാസ്ലർ എറ്റേണലും സഹസ്പോൺസർമാരായി പങ്കുചേരും.

മാർച്ച് 26ന് പുതിയ സീസണിന്റെ ഗ്രാൻഡ് ലോഞ്ച് നടത്തി പുതിയ മത്സരാർഥികളെ പരിചയപ്പെടുത്താനാണ് അണിയറപ്രവർത്തകർ ശ്രമിക്കുന്നതെന്നാണ് വിവരം. കഴിഞ്ഞ വർഷത്തെ പോലെ തന്നെ മുംബൈയിലാണ് സെറ്റിട്ടിരിക്കുന്നത് എന്നാണ് റിപ്പോർ‌ട്ട്.

ഇത്തവണ സർപ്രൈസായി ബിഗ് ബോസ് നൽകുന്നത് മത്സരാർഥികളുടെ കൂട്ടത്തിൽ പൊതുജനത്തിൽ നിന്നും ഒരാളെ പങ്കെടുപ്പിക്കുന്നുവെന്നതാണ്. അത് എങ്ങനെയാണെന്നുള്ള നടപടിക്രമങ്ങൾ അണിയറപ്രവർത്തകർ പുറത്ത് വിട്ടിട്ടില്ല. കഴിഞ്ഞ സീസണിൽ അവതരിപ്പിച്ച 24 മണിക്കൂർ ലൈവ് സ്ട്രീമിങ്ങ് ഇത്തവണയുമുണ്ടാകും.