പേളിയുമായുള്ള വിവാഹത്തിന് പിന്നാലെ ശ്രിനിഷിനെത്തേടി അടുത്ത ഭാഗ്യം! സന്തോഷം പങ്കുവെച്ച് താരം!

ക്യാമറ മുന്നിലുണ്ടെന്ന കാര്യത്തെക്കുറിച്ച് ഓര്‍ക്കാതെയാണ് പലപ്പോഴും ഇരുവരും സംസാരിച്ചിരുന്നത്. ഇരുവരും പ്രണയത്തിലാണെന്ന് മത്സരാര്‍ത്ഥികള്‍ തന്നെ പറഞ്ഞിരുന്നു. മത്സരത്തില്‍ നിലനില്‍ക്കുന്നതിന് വേണ്ടിയാണ് ഇത്തരത്തിലൊരു കാര്യമെന്നായിരുന്നു വിമര്‍ശനം. വിമര്‍ശനങ്ങളെ അവഗണിച്ച് മുന്നേറുകയായിരുന്നു ഇരുവരും.

ബിഗ് ഹൗസിലേക്കെത്തിയ മോഹന്‍ലാലിനോടായിരുന്നു ഇരുവരും പ്രണയത്തെക്കുറിച്ച് വ്യക്തമാക്കിയത്. ഇനിയുള്ള ജീവിതം ഒരുമിച്ചാവണമെന്നാഗ്രഹമുണ്ടെന്നായിരുന്നു ഇരുവരും പറഞ്ഞത്. ബിഗ് ബോസില്‍ നിന്നും പുറത്തിറങ്ങിയതിന് പിന്നാലെയായാണ് വിവാഹനിശ്ചയം നടത്തിയത്. അധികം താമസിയാതെ വിവാഹവും നടത്തുകയായിരുന്നു.
ബോളിവുഡ് ചിത്രത്തിലെ അവസരമായിരുന്നു പിന്നീട് പേളി മാണിക്ക് ലഭിച്ചത്.

സീരിയലുമായി മുന്നേറുകയാണ് ശ്രിനിഷ്. ഇപ്പോഴിതാ പ്രണയത്തിന് ശേഷം അടുത്ത മലയാള പരമ്പരയുമായി എത്തുകയാണ് ശ്രിനിഷ് അരവിന്ദ്. സീ കേരളം ചാനലിലാണ് തന്റെ പുതിയ പരമ്പരയെന്ന് ശ്രിനിഷ് പറയുന്നു. ഫേസ്ബുക്ക് പേജിലൂടെയാണ് താരം ഇതേക്കുറിച്ച് വ്യക്തമാക്കിയത്. സീരിയലിന്‍രെ പ്രമോ വീഡിയോയും താരം പങ്കുവെച്ചിട്ടുണ്ട്. സത്യ എന്ന പെണ്‍കുട്ടിയെന്നാണ് പരമ്പരയുടെ പേര്. രാത്രി 8.30നാണ് പരമ്പര സംപ്രേഷണം ചെയ്യുന്നത്. ശ്രിനിഷിന്റെ പോസ്റ്റ് കാണാം.