അനുവിനേയും കൺമണിയേയും വെള്ളത്തിൽ തള്ളിയിട്ട് മധുരിമ, പാടാത്ത പൈങ്കിളി പരമ്പരയിലെ രസകരമായ വീഡിയോ...

സൂരജ് മാറിയതോടെ റേറ്റിങ്ങിൽ വലിയ ഇടിവാണ് ഉണ്ടായിരിക്കുന്നത്. ആദ്യ സ്ഥാനത്തായിരുന്ന പരമ്പര ഇപ്പോൾ റേറ്റിങ്ങിൽ പിന്നിലാണ്. സീരിയൽ വീണ്ടും രസകരമാക്കാനുള്ള തയ്യാറെടുപ്പിലാണ് അണിയറ പ്രവർത്തകർ. പഴയ സ്ഥാനത്തേയ്ക്ക് തിരികെ എത്തുമെന്നുള്ള പ്രതീക്ഷ നടൻ ലക്കിയും നൽകിയിട്ടുണ്ട്. ഇൻസ്റ്റഗ്രാം ക്യു എ സെക്ഷനിലാണ് ഇക്കാര്യം വെളിപ്പെടുത്തിയത്. ഒരു കയറ്റം ഉണ്ടായാൽ ഒരു ഇറക്കവും ഉണ്ടാകും. അത് ഇല്ലെങ്കിൽ എന്താ ഒരു രസം ജീവിതത്തിൽ സുഹൃത്തേ എന്നായിരുന്നു മറുപടി.

ഇപ്പോൾ സോഷ്യൽ മീഡിയയിൽ വൈറലാകുന്നത് പാടാത്ത പൈങ്കിളി സീരിയലിലെ ഒരു രസകരമായ ലൊക്കേഷൻ വീഡിയോയാണ്. നൃത്തം ചെയ്യുന്നതിനിടെ അബദ്ധത്തിൽ താരങ്ങൾ പൂളിൽ വീഴുകായായിരുന്നതാണ്. പാടാത്ത പൈങ്കിളിയിൽ മധുരിമ എന്ന കഥാപാത്രത്തെ അവതരിപ്പിക്കുന്ന അങ്കിത വിനോദാണ് രസകരമായ വീഡിയോ ഇൻസ്റ്റഗ്രാമിൽ പങ്കുവെച്ചിരിക്കുന്നത്.

തങ്ങൾ എവിടെ പരിപാടി അവതരിപ്പിച്ചാലും ഇതാണല്ലോ അവസ്ഥ എന്ന് കുറിച്ചുകൊണ്ടാണ് താരങ്ങൾ വെള്ളത്തിൽ വീഴുന്ന വീഡിയോ പോസ്റ്റ് ചെയ്തിരിക്കുന്നത്. അനുമോളും മനീഷയും നടി അഞ്ജിതയുടെ മകൾ ഗോപികയും അങ്കിതയും കൂടിയായിരുന്ന നൃത്തം ചെയ്തിരുന്നത്. എന്നാൽ കാല് തെറ്റ അങ്കിത ഒഴികെ മൂന്ന് പേരും പൂളിൽ വീഴുകയായിരുന്നു. നടിമാരുടെ വീഡിയോ സോഷ്യൽ മീഡിയയിവൽ വൈറലായിട്ടുണ്ട്. രസകരമായ കമന്റുകളാണ് വീഡിയോയ്ക്ക് ലഭിക്കുന്നത്.

ചിരിക്കുന്നല്ലേ ദ്രോഹി എന്നായിരുന്നു മനീഷ അങ്കിതയുടെ പോസ്റ്റിന് കമന്റ് ചെയ്തിരിക്കുന്നത്. ഇരുവരും അടുത്ത സുഹൃത്തുക്കളാണ്. ഇതിനിടയിൽ എങ്ങനെ അനു ചേച്ചി എത്തി. അനുവിനെ ഉന്തിയിട്ടതല്ലേ, മധുരിമ എല്ലാവരേയു തള്ളിയിട്ടു എന്നിങ്ങനെയുള്ള രസകരമായ കമന്റുകളാണ് വീഡിയോയ്ക്ക് ലഭിക്കുന്നത്. ചെറിയ സമയം കൊണ്ടാണ് വീഡിയോ വൈറലായിരിക്കുന്നത്. ലോക്ക് ഡൗണിൽ ഇളവ് ലഭിച്ചതിനെ തുടർന്ന് സീരിയൽ ചിത്രീകരണം ആരംഭിച്ചിട്ടുണ്ട്. ഉടനെ തന്നെ പരമ്പരയുടെ സംപ്രേക്ഷണം ചെയ്യും