'കണ്ണ് നിറയാതെ കാണാനാവില്ല, മകൾക്കൊപ്പം ലക്ഷ്മി നക്ഷ്ത്ര'; സനമോളുടെ ക്രിസ്മസ് കളറാക്കി താരം!

നിരവധി അവതാരകർ ഇന്ന് മലയാളത്തിൽ ഉണ്ടെങ്കിലും ലക്ഷ്മിക്കാണ് ആരാധകരിൽ ഏറെയും. വിനയവും സ്നേഹവും കുസൃതിയും നിറഞ്ഞ പെരുമാറ്റവും സാധാരണക്കാരോടുള്ള താരത്തിന്റെ ഇടപെടലും തന്നെയാണ് ലക്ഷ്മിയെ പ്രേക്ഷകർക്ക് പ്രിയങ്കരിയാക്കിയത്. ഇപ്പോൾ ഒരു കു‍ഞ്ഞ് ആരാധികയ്ക്കൊപ്പം ലക്ഷ്മി നടത്തിയ ക്രിസ്മസ് ആ​ഘോഷങ്ങളുടെ വീഡിയോയാണ് സോഷ്യൽമീഡിയയിൽ വൈറലാകുന്നത്. തൃശൂർ സ്വദേശിനിയായ സന എന്ന പത്ത് വയസുകാരിയെ കാണാനും അവൾക്കൊപ്പം ക്രിസ്മസ് ആഘോഷിക്കാനും ലക്ഷ്മി എത്തിയതിന്റെ വീഡിയോയാണ് താരം ഇപ്പോൾ തന്റെ യുട്യൂബ് ചാനലിലൂടെ പങ്കുവെച്ചിരിക്കുന്നത്.

'സന എന്നാണ് മോളുടെ പേര്. അവളുടെ ഒപ്പമാണ് ഇന്ന് ഒരുദിവസം ഞാൻ ചെലവിടുന്നത്. ആ ആളുടെ കൂടെ മറ്റാരും ക്രിസ്തുമസ് സെലിബ്രെറ്റ് ചെയ്യും മുമ്പെ ഇടിച്ച് കയറി സർപ്രൈസായി ആഘോഷിക്കണം എന്ന് ആഗ്രഹമാണ് എന്നെ അവളുടെ അടുത്തേക്ക് എത്തിച്ചത്. സന എന്നാണ് മോളുടെ പേര്. പത്തുവയസെ മോൾക്ക് ആയിട്ടുള്ളൂ. ഒരു മാസം മുമ്പേയാണ് എന്നെ ഒരുപാട് തേടി അലഞ്ഞ ശേഷം മോൾ എന്നിലേക്ക് എത്തുന്നത്. ഫ്ളവേഴ്സിലേക്ക് ആയിരുന്നു ആ കോൾ. അസോസിയേറ്റ് ഡയറക്ടിനെയൊക്കെ വിളിച്ചിട്ടാണ് എന്നെ കണക്റ്റ് ചെയ്യാൻ പറയുന്നത്. ആ വീഡിയോ കോളിൽ സംസാരിക്കുമ്പോഴാണ് സന എന്നെ എത്രത്തോളം ഇഷ്ടപെടുന്നു എന്ന് മനസിലായത്. തൃശൂരാണ് മോളുടെയും വീട്. ഇന്നാണ് മോളെ നേരിട്ട് കാണാൻ പോകുന്നത്. അവളോട് പറഞ്ഞിട്ടില്ല ഞാൻ ചെല്ലുന്ന കാര്യം' ലക്ഷ്മി നക്ഷത്ര പറയുന്നു.

Recommended Video

സാരിയിൽ മിന്നി നിൽക്കുന്ന ലക്ഷ്മി നക്ഷത്രയെ കണ്ടോ

ലക്ഷ്മി കണ്ടപ്പോൾ സന്തോഷം കൊണ്ട് കരയുകയാണ് സന മോൾ ചെയ്തത്. ഓടി വന്ന് ലക്ഷ്മിയെ കെട്ടിപിടിച്ച് സന്തോഷം പങ്കുവെക്കുന്ന സനയുടെ വീഡിയോ ആരുടേയും കണ്ണ് നിറയ്ക്കും. തന്റെ സുഹൃത്തുക്കളോടെല്ലാം ലക്ഷ്മി തന്റെ അടുത്ത സുഹൃത്താണ് എന്ന് പറ‍ഞ്ഞ് സന മോൾ പരിചയപ്പെടുത്തുന്നതും വീഡിയോയിൽ കാണം. കൂടാതെ ലക്ഷ്മിയുടെ ഇഷ്ടങ്ങൾ അറിഞ്ഞ് മനസിലാക്കി നിരവധി സമ്മാനങ്ങളും ലക്ഷ്മിക്ക് നൽകാൻ സന മോൾ കരുതിയിരുന്നു. സനയുടെ സ്നേഹം തന്റെ മനസ് നിറച്ചുവെന്നാണ് ലക്ഷ്മി പറയുന്നത്. ആ​ഗ്രഹം പറഞ്ഞ കുഞ്ഞ് ആരാധികയെ തിരക്കുകൾക്കിടയിലും സന്ദർശിക്കാനും അവൾക്കൊപ്പം സമയം ചിലവഴിക്കാനും ശ്രമിച്ച ലക്ഷ്മിയേയും താരത്തിന്റെ ആരാധകർ അഭിനന്ദിച്ചു.