വേറെ പെണ്ണുമായി ബന്ധമുണ്ടെങ്കില്‍ പറഞ്ഞിട്ട് പോകാം; പ്രതിശ്രുത വരനെ കുറിച്ചുള്ള ചോദ്യത്തിന് മറുപടി പറഞ്ഞ് അനു

അനു ഉടനെ വിവാഹം കഴിക്കുമോ, കമ്മിറ്റഡ് ആണോ എന്നിങ്ങനെയുള്ള ചോദ്യങ്ങള്‍ നടിയ്ക്ക് നേരിടേണ്ടതായി വന്നിരുന്നു. എന്നാല്‍ വീട്ടുകാരെക്കാളും എന്നെ കെട്ടിക്കാന്‍ നടക്കുന്നത് നാട്ടുകാരാണെന്നാണ് അനു പറയുന്നത്. അടുത്തിടെ ഫ്‌ളവേഴ്‌സ് ഒരു കോടി എന്ന പരിപാടിയില്‍ മത്സരിക്കാന്‍ എത്തിയാതിരുന്നു നടി. അവാതരകനായ ശ്രീകണ്ഠന്‍ നായരുടെ ചോദ്യത്തിന് മറുപടി പറയുകയായിരുന്നു.

ഇങ്ങനെ നടന്നാല്‍ മതിയോ അനുവിനൊരു കല്യാണം കഴിക്കണ്ടേ എന്നാണ് അവതാരകന്‍ നടിയോട് ചോദിച്ചത്. 'ഇപ്പോള്‍ കല്യാണം കഴിക്കുന്നില്ല. കുറച്ചൊക്കെ സമ്പാദിച്ചതിന് ശേഷം വിവാഹം നോക്കാമെന്നാണ് താന്‍ കരുതുന്നതെന്ന് നടി പറയുന്നു. വീട്ടുകാരെക്കാളും എന്നെ കെട്ടിക്കാന്‍ ആവേശം നാട്ടുകാര്‍ക്കാണെന്ന്', അനു പറയുന്നു. അച്ഛനെയും അമ്മയെയും വേര്‍പിരിയാന്‍ പറ്റാത്തത് കൊണ്ടാണ് അനു കല്യാണം കഴിക്കാത്തത് എന്ന് പറയുന്നത് സത്യമാണോന്നും ചോദ്യം വന്നു.

ഏതൊരാള്‍ക്കും അങ്ങനൊരു വിഷമം ഉണ്ടാവുമല്ലോ. എനിക്ക് അങ്ങനെയാണ്. അവരെ പിരിയുന്നതില്‍ വേദനയാണ്. പിന്നെ ഇടിച്ച് കയറി കല്യാണം അന്വേഷിച്ച് പോവുന്നത് എന്തിനാണ്. സമയമാവുമ്പോള്‍ അത് നമ്മളെ തേടി തന്നെ ഇങ്ങോട്ട് വന്നോളും.

എന്നെ പെണ്ണ് കാണാന്‍ വരാനായി ഇതുവരെ ആരും ധൈര്യപ്പെട്ടിട്ടില്ലെന്നാണ് അനു പറയുന്നത്. വീട്ടില്‍ ആലോചന വരുന്നുണ്ട്. പക്ഷേ അറിയാത്തൊരാളെ വിവാഹം കഴിക്കാന്‍ എനിക്ക് തീരെ താല്‍പര്യമില്ല. എനിക്ക് കുറച്ച് സങ്കല്‍പ്പങ്ങളൊക്കെയുണ്ട്. അതൊക്കെ ഉള്ള ആളായിരിക്കണം.

എന്നെ നന്നായി മനസിലാക്കുന്ന വ്യക്തിയായിരിക്കണം ഭര്‍ത്താവായി വരാന്‍. ജീവിതകാലം മുഴുവന്‍ അഭിനയം മുന്നോട്ട് കൊണ്ട് പോവണമെന്നാണ് ഞാന്‍ ആഗ്രഹിക്കുന്നത്. അഭിനേത്രിയെ ഇഷ്ടപ്പെടുന്ന ഒരാളായിരിക്കണം. എന്റെ പ്രൊഫഷനെ അംഗീകരിക്കുകയും സപ്പോര്‍ട്ട് ചെയ്യുകയും വേണം. ഭര്‍ത്താവായി വരുന്ന ആള്‍ ആര്‍ട്ടിസ്റ്റ് ആവണമെന്നില്ല. മനസിലാക്കിയാല്‍ മതി. വലിയൊരു കോടിശ്വരന്‍ വേണമെന്നില്ലെന്നും നടി കൂട്ടിച്ചേര്‍ത്തു.

നന്നായി സ്‌നേഹിക്കണം, എന്തെങ്കിലും തെറ്റ് കണ്ടാല്‍ പറഞ്ഞ് തിരുത്തി തരണം, ഉള്ളില്‍ ഞാനുണ്ടെങ്കിലും പുറത്ത് മറ്റ് പെണ്‍കുട്ടികളോട് സ്‌നേഹം ഒന്നും കാണിക്കരുത്. അങ്ങനെ ഉണ്ടെങ്കില്‍ അത് പരസ്യമായി എന്നോട് പറഞ്ഞിട്ട് പോവണം. ആ ബന്ധം തന്നെ അവസാനിപ്പിച്ചിട്ട് അയാള്‍ക്ക് പോവാം. പിന്നെ പരസ്പരം വിശ്വാസം ഉണ്ടായിരിക്കണം... തുടങ്ങി പ്രതിശ്രുത വരനെ കുറിച്ച് അനവധി സങ്കല്‍പ്പങ്ങളാണ് അനുക്കുട്ടി പങ്കുവെച്ചിരിക്കുന്നത്.