എന്റെ വീട്ടില്‍ കല്യാണം കഴിക്കാത്തതായി ഞാന്‍ മാത്രമേയുള്ളു; അമ്മയുടെ വലിയ ആഗ്രഹത്തെ കുറിച്ച് തങ്കച്ചന്‍

ഡിസംബര്‍ പതിനെട്ടിനാണ് അമ്മ മരിച്ചത്. മരിക്കുമ്പോഴും അമ്മയ്ക്ക് ഒരു വിഷമം മാത്രമാണ് ഉണ്ടായിരുന്നത്. എന്റെ വിവാഹം. കുടുംബത്തില്‍ ഞാന്‍ മാത്രമാണ് അവിവാഹിതനായി തുടരുന്നത്. സഹോദരങ്ങളെല്ലാം വിവാഹിതരായി. അമ്മയുടെ ഭാഷയില്‍ പറഞ്ഞാല്‍ കുടുംബത്തിലെ ഒറ്റത്തടി. വിവാഹം മനപൂര്‍വ്വം വേണ്ടെന്ന് വച്ചതല്ല. എന്തോ ഒത്ത് വന്നില്ല. ആ വലിയ ആഗ്രഹം ബാക്കി വച്ചാണ് അമ്മ പോയത്. അതിനപ്പുറം ഒരു സങ്കടം എന്റെ ജീവിതത്തിലില്ലെന്നും തങ്കച്ചന്‍ പറയുന്നു.

എപ്പോഴും അമ്മ എന്റെ കല്യാണത്തെ കുറിച്ച് പറയുമായിരുന്നു. അസുഖമായതിന് ശേഷം മരുന്നൊക്കെ എടുത്ത് കൊടുക്കുമ്പോള്‍ എനിക്ക് മരുന്നൊന്നും വേണ്ട അസുഖോം ഇല്ല. നീ എവിടുന്നെങ്കിലും ഒരു പെണ്‍കൊച്ചിനെ വിളിച്ചോണ്ട് വാ. എന്നാണ് പറയുക. കേള്‍ക്കുമ്പോള്‍ ഞാന്‍ ചിരിക്കും. ഇപ്പോള്‍ അമ്മ മരിച്ചതോടെ ഈ വാക്കുകളാണ് എന്റെ മനസില്‍ എപ്പോഴും വരുന്നത്. അമ്മ ജീവിച്ചിരിക്കുമ്പോള്‍ അത് സാധിച്ച് കൊടുക്കാന്‍ പറ്റിയില്ലല്ലോ എന്ന സങ്കടം ചെറുതല്ല. എന്ത് നേടിയാലും ആ വിഷമം ഇനി മാറില്. ബാക്കിയൊക്കെ അതിന് പിന്നിലെ ഉള്ളു. അാെക്കെ ഇനിയും സാധിക്കാം. പക്ഷേ അമ്മയുടെ കാര്യം അങ്ങനയല്ലല്ലോ. കണ്ണില്‍ നിന്നും മറഞ്ഞ് പോയില്ലേ...

ഒരു സിനിമാ പ്രമോഷന്‍ പരിപാടിയില്‍ മമ്മൂക്കയുടെ മുന്നില്‍ പെര്‍ഫോം ചെയ്യാനുള്ള അവസരം കിട്ട. അത് ഇഷ്ടപ്പെട്ടിട്ടാണ് പരോളിലും ഒരു കുട്ടനാടന്‍ ബ്ലോഗിലും അദ്ദേഹം നല്ല റോളുകള്‍ വാങ്ങി തന്നത്. ലൊക്കേഷനില്‍ ഒപ്പം ചേര്‍ത്ത് നിര്‍ത്തി. വിശേഷ ദിവസങ്ങളില്‍ ഇക്കയ്ക്ക് ഒരു മെസേജ് അയക്കും. കൃത്യമായി മറുപടിയും തരും. ജീവിതത്തില്‍ ഒരിക്കലും മറക്കാനാകാത്ത അനുഭവങ്ങളാണ് അതൊക്കെ.

സ്റ്റാര്‍ മാജിക്കിലെ അനുവുമൊത്തുള്ള തമാശകളൊക്കെ തമാശയായിട്ടേ കണ്ടിട്ടുള്ളു. അതൊരു പാവം കൊച്ചാണ്. എന്റെ നാട്ടുകാരിയാണ്. അനിയത്തിയെ പോലെയാണ് അവളെനിക്ക്. ബാക്കിയൊക്കെ ഫ്‌ളോറില്‍ തമാശയ്ക്ക് വേണ്ടി ചെയ്യുന്നതാണ്. അതിനപ്പുറം യാതൊരു ഗൗരവ്വവുമില്ലെന്നും തങ്കച്ചന്‍ വ്യക്തമാക്കുന്നു.