Click it and Unblock the Notifications
കുഞ്ഞിനെ കാണാനോ സംസാരിക്കാനോ കഴിയാതെ ഒറ്റപ്പെട്ടത് പോലെയായി, ആ ദിവസങ്ങളെ കുറിച്ച് അഞ്ജന
തമിഴ് പരമ്പരകൾക്കും സിനിമകൾക്കും ടെലിവിഷൻ ഷോകൾക്കുമെല്ലാം മലയാളത്തിലും മികച്ച പ്രേക്ഷകരുണ്ട്. മലയാളി താരങ്ങളെ പോലെ മികച്ച പ്രേക്ഷക സ്വീകാര്യതയാണ് ഇവർക്ക് ലഭിക്കുന്നത്. ഇപ്പോഴിത സോഷ്യൽ മീഡിയയിൽ വൈറൽ ആവുന്നത്തത് സൺ മ്യൂസിക് ചാനൽ അവതാരക അഞ്ജനയുടെ വാക്കുകളാണ്. കൊവിഡ് വൈറസ് ബാധയെ തുടർന്നുള്ള ശരീരിക ബുദ്ധിമുട്ടിനെ കുറിച്ച് ഏവരും വെളിപ്പെടുത്താറുണ്ട്. എന്നാൽ കൊവിഡ് മാനസികമായി തളർത്തിയതിനെ കുറിച്ചാണ് അഞ്ജന പറയുന്നത്.
കൊവിഡ് പോസിറ്റീവ് ആണ് എന്ന് അറിയുന്നതിന് തൊട്ടു മുന്പ് എടുത്ത ചിത്രത്തിനോടൊപ്പമാണ് നേരിടേണ്ടി വന്ന പ്രതിസന്ധിയെ കുറിച്ച് താരം കുറിച്ചത്. കുഞ്ഞിനെ പോലും കാണാന് കഴിയാതെ താന് അനുഭവിച്ച മാനസിക പ്രശ്നങ്ങള് എങ്ങനെ പറയണമെന്ന് അറിയില്ലെന്നാണ താരം പറയുന്നത്. അഞ്ജനയുടെ ഇൻസ്റ്റഗ്രാം പോസ്റ്റ് വൈറൽ ആയിട്ടുണ്ട്.
കൊവിഡ് പോസിറ്റീവ് ആണ് എന്ന് അറിയുന്നതിന് തൊട്ടു മുന്പ് എടുത്ത ഫോട്ടോയ്ക്കൊപ്പമാണ് അഞ്ജനയുടെ ഇന്സ്റ്റഗ്രാം പോസ്റ്റ്. എനിക്ക് കൊവിഡ് പോസിറ്റീവ് ആയിട്ട് പതിനാല് ദിവസമായി. അസുഖത്തെക്കാള് കൂടുതല് എന്നെ തളര്ത്തിയത് ഈ പതിനാല് ദിവസത്തെ മാനസിക സംഘര്ഷങ്ങളാണ്. ആദ്യത്തെ മൂന്ന് ദിവസം ഭയങ്കരമായിരുന്നു. ഇത്രയും അധികം പനിയും ശരീരവേദനയും ക്ഷീണവും ഇതിന് മുന്പ് ഞാന് അനുഭവിച്ചിട്ടില്ല. പക്ഷെ പതിയെ എനിക്ക് ശാരീരിക ആരോഗ്യം വീണ്ടെടുക്കാന് സാധിച്ചു.
പക്ഷെ ഓരോ ദിവസം കഴിയുന്തോറും എന്റെ മാനസിക ആരോഗ്യം കൂടുതല് മോശപ്പെടുകയായിരുന്നു. ദിവസങ്ങള് കഴിയുന്തോറും എന്റെ മടുപ്പും ഒറ്റപ്പെടലും ദുഃഖവും കൂടിക്കൂടി വന്നു. ഒന്നും ചെയ്യാന് ഇല്ലാതെയായി. ഇതെനിക്ക് വിശ്രമിയ്ക്കാനുള്ള സമയമാണ് എന്ന് അറിയാമായിരുന്നുവെങ്കിലും, അടുത്ത രണ്ട് ആഴ്ചയും ഞാന് ഇങ്ങനെ തന്നെ ആയിരിക്കണമല്ലോ എന്നതാണ് എന്നെ അലട്ടിയത്. പെയിന്റിങ് പരീക്ഷിച്ചു, സിനിമകള് കാണാന് ശ്രമിച്ചു. സീരീസുകള് കാണാന് ശ്രമിച്ചു. പക്ഷെ അതിനൊന്നും എന്റെ ശ്രദ്ധ തിരിയ്ക്കാന് സാധിച്ചില്ല.
എന്റെ കുഞ്ഞിനെ കാണാനോ സംസാരിക്കാനോ ഒന്ന് കെട്ടിപ്പിടിക്കാനോ കഴിയാതെ ഞാന് ഒറ്റപ്പെട്ടത് പോലെയായി. എനിക്ക് സംസാരിക്കാന് ആരുമില്ലാതെയിരുന്നത് വല്ലാത്ത നിരാശയായിരുന്നു. എന്റെ ഭര്ത്താവ് കുഞ്ഞിനെ നോക്കുന്ന കാര്യത്തിലും ഭക്ഷണം ഉണ്ടാക്കുന്ന കാര്യത്തിലും മറ്റ് തിരക്കുകളിലും ആയതിനാല് അദ്ദേഹത്തിന് എന്നോട് സംസാരിക്കാന് കഴിഞ്ഞില്ല. അദ്ദേഹം ചെയ്യുന്നതില് എല്ലാം ഞാന് നന്ദിയുള്ളവളും അങ്ങേയറ്റം സ്നേഹമുള്ളവളും ആണ്. എന്നിരിക്കലും എന്റെ ഒറ്റപ്പെടല് അദ്ദേഹത്തിന് ഇല്ലാതാക്കാന് കഴിഞ്ഞില്ല.
എന്റെ നിരാശ വര്ധിച്ചു കൊണ്ടേയിരുന്നു. എനിക്ക് വേണ്ടി സമയം ചെലവഴിക്കാന് എനിക്ക് നേരമില്ല എന്ന് ഞാന് മുന്പ് പരാതിപ്പെടുമായിരുന്നു. പക്ഷെ ഇത്രയധികം സമയം ലഭിച്ചിട്ടും എനിക്ക് അത് ഒട്ടും ആസ്വദിക്കാന് കഴിയുന്നില്ല. അങ്ങനെയാണ് ജീവിതം, ഉള്ളില് അകപ്പെട്ടപ്പോള് എന്റെ ഹൃദയം പുറത്തേക്ക് ഓടുകയായിരുന്നു. ഞാന് അനുഭവിച്ച മാനസിക സമ്മര്ദ്ദങ്ങള് വാക്കുകള് കൊണ്ട് പറഞ്ഞ് ഫലിപ്പിയ്ക്കാന് കഴിയില്ല
വര്ഷത്തിന്റെ തുടക്കത്തില് ഞാന് എടുത്ത തീരുമാനങ്ങള് എല്ലാം മുടങ്ങിപ്പോയി, പിരിഞ്ഞു പോയ ബന്ധങ്ങള് ഇപ്പോഴും അപരിചിതരായി തന്നെ തുടരുന്നു, അവര് എന്നില് നിന്ന് കൂടുതല് അകന്നു, എന്റെ മനസ്സ് തുറന്ന് സംസാരിക്കാന് കഴിഞ്ഞില്ല, എന്റെ കുഞ്ഞ് അടുത്തില്ലാതെ ഒരുപാട് ദിവസങ്ങള്, ധരിയ്ക്കാന് രണ്ട് വസ്ത്രങ്ങള് മാത്രം, സ്വയം ഒന്ന് വൃത്തിയായി കാണാനോ ആക്ടീവാകനോ താത്പര്യമില്ലാതെ ഞാന്.. അങ്ങനെ പതിനാല് ദിവസങ്ങള് എന്റെ ജീവിതത്തിലെ ഏറ്റവും മോശം അവസ്ഥയാണ്.
രണ്ട് വര്ഷത്തോളം കൊവിഡിനെ വളരെ ശ്രദ്ധയോടെയും സുരക്ഷയോടെയും നേരിട്ടിട്ടും, എന്റെ ജീവിതത്തിലെ ഏറ്റവും മോശം സമയത്ത് തന്നെ അത് എന്നെ പിടികൂടി. കൊറോണ അല്ലേ, അത്ര മോശമയിരിക്കില്ല എന്ന് ഇപ്പോഴും ചിന്തിക്കുന്നവരോട് ഞാന് പറയട്ടെ, ശാരീരിക അസ്വസ്ഥതയെക്കാള് ഭീകരമായിരിയ്ക്കും നിങ്ങളുടെ മാനസിക അവസ്ഥ. വേദന വ്യക്തിപരമാണ്. എനിക്ക് തിരിച്ചുവരാന് കുറച്ച് സമയമെടുക്കും. കൂടുതല് കരുത്തോടെ തിരിച്ചുവരും എന്ന് പ്രതീക്ഷിക്കുന്നു. കൂടെ നിന്നവര്ക്കും പ്രാര്ത്ഥിച്ചവര്ക്കും നന്ദി- വിജെ അഞ്ജന ഇൻസ്റ്റഗ്രാമിൽ കുറിച്ചു..
Continue with Google