കളി കാര്യമായി, താരദമ്പതികള്‍ ഒരുമിച്ചുള്ള ഗെയിം കടുത്തുപോയി, 'സൂപ്പര്‍ ജോഡി'ക്കെതിരെ രൂക്ഷവിമര്‍ശനം!

രൂക്ഷവിമര്‍ശനവുമായി പ്രേക്ഷകര്‍

തുടക്കത്തില്‍ മികച്ച പ്രതികരണം നേടി പരിപാടിക്കെതിരെ രൂക്ഷവിമര്‍ശനമാണ് ഇപ്പോള്‍ ഉയര്‍ന്നുവന്നിട്ടുള്ളത്. പരിപാടിയില്‍ മത്സരാര്‍ത്ഥികളായി ഒരുക്കിയ ഗെയിമിനെച്ചൊല്ലിയാണ് പുതിയ വിവാദം ഉടലെടുത്തിട്ടുള്ളത്. തുടക്കത്തിലെ പ്രതീക്ഷ തകര്‍ക്കുന്ന തരത്തില്‍ രൂക്ഷവിമര്‍ശനമാണ് ഇപ്പോള്‍ പ്രേക്ഷകര്‍ ഉയര്‍ത്തുന്നത്.

ആദ്യമായാണ് ഇത്തരത്തിലൊരു റിയാലിറ്റി ഷോ

ഇതാദ്യമായാണ് താരദമ്പതികളെ ഉള്‍പ്പെടുത്തി ഒരു റിയാലിറ്റി ഷോ തയ്യാറാക്കിയിട്ടുള്ളത്. സ്വീകരണമുറിയിലെ മിന്നും താരങ്ങളില്‍ പലരുടെയും കുടുംബകാര്യത്തെക്കുറിച്ചറിയാന്‍ പ്രേക്ഷകര്‍ക്ക് താല്‍പര്യമുണ്ടാവുന്നത് സ്വഭാവികമാണ്. ഈ പരിപാടിയിലൂടെ അണിയറപ്രവര്‍ത്തകരും ലക്ഷ്യമാക്കിയത് അതാണ്.

മലയാളി ഹൗസിനേക്കാള്‍ തരംതാഴുന്നു

സൂര്യ ടിവിയില്‍ നേരത്തെ പ്രേക്ഷേപണം ചെയ്യുന്ന വ്യത്യസ്തമാര്‍ന്ന റിയാലിറ്റി ഷോയായിരുന്നു മലയാളി ഹൗസ്. നിലവാരമില്ലായ്മയായിരുന്നു പരിപാടിയുടെ പ്രധാന പോരായ്മ. വ്യത്യസ്തമാര്‍ന്ന ആശയങ്ങള്‍ പരീക്ഷിക്കുന്നതില്‍ െേറ മുന്നിലാണ് സൂര്യ ടിവി. എന്നാല്‍ അതിന്റെ നിലവാരം പലപ്പോഴും ചോദ്യചിഹന്മായി മാറാറുണ്ട്.

മത്സരം കടന്നുപോയി

ദമ്പതികളുടെ ശരീരത്തില്‍ ബലൂണുകള്‍ കെട്ടിയതിന് ശേഷം കൈയും കെട്ടിവെച്ച് ഇരുവരോടും പൊട്ടിക്കാനാവശ്യപ്പെടുന്ന മത്സരമായിരുന്നു കഴിഞ്ഞ ദിവസം പ്രേക്ഷേപണം ചെയ്ത എപ്പിസോഡില്‍ കാണിച്ചത്. ബലൂണുകള്‍ പൊട്ടിക്കുന്നതിനായി ദമ്പതികള്‍ കാട്ടിക്കൂട്ടുന്ന കോപ്രായങ്ങള്‍ കുടുംബസമേതം ഇരുന്ന് ആസ്വദിക്കാവുന്ന തരത്തിലുള്ളതെന്ന തരത്തില്‍ വിമര്‍ശനമുയര്‍ത്തി നിരവധി പേരാണ് രംഗത്തെത്തിയിട്ടുള്ളത്.

ദ്വയാര്‍ഥ പ്രയോഗങ്ങള്‍ കൂടുന്നു

പരിപാടിയുടെ അവതാരകനായ മണിക്കുട്ടന്‍ പറയുന്ന പല പ്രയോഗങ്ങളും ദ്വായാര്‍ത്ഥം ഉളവാക്കുന്ന തരത്തിലായിരുന്നു. വിധികര്‍ത്താവായ ശ്വേതയും മറ്റ് മത്സരാര്‍ത്ഥികളും അവതാരകനെ പോത്സാഹിപ്പിക്കുന്നതിനെതിരെയും രൂക്ഷവിമര്‍ശനം ഉയര്‍ന്നിട്ടുണ്ട്.