ഇന്ദുലേഖയിലെ രേവതി ഒരു സംഭവം തന്നെ, അഭിനയം മാത്രമല്ല കൃഷ്ണ തുളസീ ഭായിയുടെ കയ്യിലുള്ളത്...

ഏഷ്യനെറ്റ് സംപ്രേക്ഷണം ചെയ്ത പൗർണമിത്തിങ്കൾ എന്ന പരമ്പരയിലൂടെയാണ് കൃഷ്ണ തുളസീ ഭായി മിനിസ്ക്രീനിൽ എത്തുന്നത്.അതിനുശേഷം 'നന്ദനം' എന്ന പരമ്പ ചെയ്തു. അതിന് ശേഷമാണ് ഇന്ദുലേഖയിൽ അഭിനയിക്കുന്നത്. ഇത് കൂടാതെ ഹ്രസ്വ ചിത്രങ്ങളിലും ആൽബങ്ങളിലും അഭിനയിച്ചിട്ടുണ്ട്. സിനിമയിലും സജീവമാണ് കൃഷ്ണ തുളസീ ഭായ്. ശിവറാം മണിയുടെ തിമിരം എന്ന സിനിമ ചെയ്തിരുന്നു. ആർ. ശ്രീനിവാസന്റെ വാരണാസി എന്ന സിനിമയിൽ അഭിനയിച്ചു കൊണ്ടിരിക്കുമ്പോഴാണ് കൊവിഡ് വ്യാപനത്തെ തുടർന്ന് ഷൂട്ട് നിർത്തുന്നത്. . മറ്റൊരു ചിത്രവും കോവിഡ് കാരണം പ്രതിസന്ധിയിലായി, താരം പറയുന്നു.

പ്രിയനന്ദനന്റെ അശാന്തം എന്ന ഷോർട് ഫിലിമിലാണ് അഭിനയിച്ചിരുന്നു. എന്നാൽ അശാന്തം പക്ഷേ പ്രേക്ഷകരിലേക്ക് എത്തിയില്ല. മറ്റു ചില ഹ്രസ്വചിത്രങ്ങളും ചെയ്തിട്ടുണ്ട്.. 'ഐആം ദി സോറി' എന്നൊരു വെബ് സീരിസിലും അഭിനയിച്ചിട്ടുണ്ട്. കൂടാതെ തമിഴിൽ ആൽബങ്ങളും ചെയ്തു. തമിഴിൽനിന്നും സീരിയൽ ഓഫർ വന്നിരുന്നു. എന്നാൽ കോവിഡ് സാഹചര്യത്തിൽ അതും മുടങ്ങിയെന്നും താരം കൂട്ടിച്ചേർത്തു.

എഴുത്തിനെ കുറിച്ചും നടി അഭിമുഖത്തിൽ പറഞ്ഞിരുന്നു. സ്കൂളിൽ പഠിക്കുമ്പോൾ നാടകങ്ങൾ എഴുതുകയും അഭിനയിക്കുകയും ചെയ്യുമായിരുന്നു. കോളേജിൽ പഠിക്കുമ്പോൾ മാഗസിനിൽ എഴുതി തുടങ്ങി. ഞാൻ കോയമ്പത്തൂരിലാണ് പഠിച്ചത്. അവിടെ മലയാളി അസോസിയേഷന്റെ മാസികകളിലും മറ്റും എഴുതുമായിരുന്നു. ചെറുപ്പത്തിൽ വായനയും എഴുത്തുമായിരുന്നു ലോകം. അച്ഛൻ ഞങ്ങൾക്ക് പുസ്തകങ്ങൾ വാങ്ങി തരുമായിരുന്നു.
അഭിനയവും ഇഷ്ടമായിരുന്നു. സോഷ്യൽ മീഡിയ സജീവമായതിനുശേഷം എഴുതാറുണ്ട്.

പന്തളം സ്വദേശിയാണ് കൃഷ്ണ തുളസീ ഭായി. കുറേനാൾ ദുബായിൽ ആയിരുന്നു താമസം. വീട്ടിൽ അമ്മയും സഹോദരങ്ങളും ഉണ്ട്. അച്ഛൻ മരിച്ചു പോയി. ഇപ്പോൾ അമ്മയ്ക്കും മക്കൾക്കുമൊപ്പം തിരുവനന്തപുരത്താണ് താമസം. എഴുത്തിനും അഭിനയത്തിനും കുടുംബത്തിൽ നിന്ന് മികച്ച പിന്തുണയാണ് ലഭിക്കുന്നതെന്നും താരം പറഞ്ഞു. അതുകൊണ്ട് അഭിനയവും എഴുത്തും ഒരുപോലെ കൊണ്ടുപോകാൻ സാധിക്കുന്നതെന്നും താരം കൂട്ടിച്ചേർത്തു.