മരുമകന് ബുള്ളറ്റ് സമ്മാനിച്ച് തമ്പി; മകളെ പിടിച്ച് നിർത്താനുള്ള തന്ത്രം ഫലിക്കുന്നു, സാന്ത്വനത്തിൽ ട്വിസ്റ്റ്

അപ്പു ഗര്‍ഭിണിയാണെന്ന് അറിഞ്ഞതോട് കൂടിയാണ് തമ്പിയുടെ മനസിലെ ദേഷ്യമൊക്കെ മാറി തുടങ്ങിയത്. സാന്ത്വനത്തില്‍ വന്നപ്പോള്‍ തന്നെ അച്ഛനും മകളും തമ്മിലുള്ള പിണക്കം മാറിയെങ്കിലും രണ്ടാളും അത്രക്കങ്ങ് അടുപ്പമായിട്ടില്ല. അതേ സമയം തമ്പിയോടുള്ള അനിഷ്ടം ഹരിയുടെ മനസില്‍ നിറഞ്ഞ് നില്‍ക്കുകയാണ്. അപ്പുവിന്റെ നിര്‍ബന്ധം കാരണം രണ്ട് ദിവസം തമ്പിയുടെ വീട്ടില്‍ നില്‍ക്കാന്‍ പോയ ഹരിയ്ക്ക് അവിടെ ബോറടിയാണെന്ന് കാണിച്ചിരുന്നു. എന്നാല്‍ മരുമകനെ ശരിക്കൊന്ന് സ്‌നേഹിക്കാനാണ് തമ്പി തീരുമാനിച്ചിരിക്കുന്നതെന്നാണ് വീഡിയോയില്‍ കാണിക്കുന്നത്.

തമ്പിയും അപ്പുവും തമ്മില്‍ പരസ്പരം തെറ്റുകള്‍ ഏറ്റുപറയുകയും കെട്ടിപ്പിടിച്ച് കരയുകയുമൊക്കെ ചെയ്ത് എല്ലാ പിണക്കങ്ങളും മറന്നിരിക്കുകയാണ്. മകള്‍ക്ക് വേണ്ടി വാങ്ങി വെച്ചിരുന്ന സ്വര്‍ണാഭരണങ്ങളെല്ലാം എടുത്ത് നല്‍കി അപ്പുവിനെ സന്തോഷിപ്പിച്ചതിന് പിന്നാലെ മരുമകന് ഒരു ബുള്ളറ്റും വാങ്ങി നല്‍കി. ആ ബുള്ളറ്റില്‍ ആദ്യം തന്നെ തമ്പിയെ കയറ്റി ഇരുത്തിയാണ് ഹരി ഓടിക്കുന്നത്. അതേ സമയം മകളെ എന്നും തന്റെ കൂടെ തന്നെ നിര്‍ത്താനുള്ള തമ്പിയുടെ ശ്രമങ്ങളാണ് ഇതിന് പിന്നിലെന്നാണ് അറിയുന്നത്. തമ്പിയുടെ പ്രലോഭനങ്ങളില്‍ ഹരി വീഴുമോ എന്നതാണ് ഇനി അറിയാനുള്ളത്.

തമ്പിയുടെ നിര്‍ദ്ദേശങ്ങളും അപ്പുവിന്റെ വാശിയും കാരണം ഹരി സാന്ത്വനം കുടുംബത്തില്‍ നിന്നും അകലാന്‍ സാധ്യതയുണ്ടെന്നാണ് റിപ്പോര്‍ട്ടുകള്‍. അതേ സമയം ഹരി ആ സ്‌നേഹത്തില്‍ വീഴാന്‍ പാടില്ലെന്ന നിര്‍ദ്ദേശമാണ് ആരാധകര്‍ക്ക് നല്‍കാനുള്ളത്. മകളോട് ക്ഷമിച്ചെന്ന് പറഞ്ഞെങ്കിലും സാന്ത്വനം കുടുംബത്തോടുള്ള വാശി തീര്‍ക്കാന്‍ തമ്പി ഈയൊരു അവസരം മുതലെടുക്കുമെന്നും ചിലര്‍ സൂചിപ്പിക്കുന്നു. ഹരിയുടെയും അപ്പുവിന്റെയും കഥ ഇങ്ങനെ ആണെങ്കില്‍ ശിവാഞ്ജലിമാര്‍ മത്സരിച്ച് പ്രണയിച്ച് കൊണ്ടിരിക്കുകയാണിപ്പോള്‍.

Recommended Video

ചാക്കോയുടെ മകന്റെ വെളിപ്പെടുത്തൽ | Jithin Chacko Exclusive Interview | | Filmibeat Malayalam

അഞ്ജലിയുടെ വീട്ടില്‍ നിന്നും ശിവനും അഞ്ജലിയും എടുത്ത ചിത്രങ്ങളില്‍ ഒന്ന് ശിവന്‍ ഫ്രെയിം ചെയ്ത കൊണ്ട് വന്നിരുന്നു. എന്നാല്‍ തന്നെ കാണാന്‍ കൊള്ളില്ലെന്ന പറഞ്ഞ് അഞ്ജലിയുടെ മാത്രം ഫോട്ടോയാണ് ശിവന്‍ ഫ്രെയിം ചെയ്യിപ്പിച്ചത്. ഇനി രണ്ടാളുടെയും ഒരുമിച്ചുള്ള ചിത്രം അതുപോലെ ചെയ്യണമെന്ന വാശിയിലാണ് അഞ്ജു. വീട്ടില്‍ നിന്നും ഒരു നുണ പറഞ്ഞ് ഇറങ്ങുന്ന അഞ്ജലി രണ്ടാളുടെയും ഫോട്ടോ ഫ്രെയിം ചെയ്യിപ്പിച്ച് കൊണ്ട് വരുന്നുണ്ട്. എന്നാലത് വീട്ടിലെ ലിവിംഗ് റൂമില്‍ തന്നെ തൂക്കിയിട്ടിരിക്കുകയാണ്. അതിനര്‍ഥം അഞ്ജലി കൊണ്ട് വന്ന ഫോട്ടോ ദേവിയും കണ്ണനും കൈയ്യോടെ പിടി കൂടിയെന്നാണ്. എന്തായാലും അഞ്ജലിയുടെ സര്‍പ്രൈസ് കണ്ട് ശിവന്‍ ഒന്ന് ഞെട്ടി, പിന്നാലെ സന്തോഷിക്കുകയും ചെയ്തു. സാന്ത്വനത്തിന്റെ ഹൈലൈറ്റ് ശിവാഞ്ജലി സീന്‍സ് തന്നെയാണെന്ന് പറയുകയാണ് ആരാധകര്‍.