ഷാനുവിനെ കെട്ടിപ്പിടിക്കുമ്പോൾ 'അയ്യോ' എന്ന് തോന്നിയിട്ടില്ല! കാരണം ഇതാണ്, തുറന്ന് പറഞ്ഞ് നടി

ജീവിതത്തിൽ പ്രതീക്ഷിക്കാതെ ചില സംഭവങ്ങൾ നടക്കില്ലേ. അങ്ങനെയുണ്ടായ ഒരു സംഭവമാണ് സീത . അതൊരു സാധരണ സീരിയൽ മാത്രമായിരുന്നു. എന്നാൽ അതിന് മികച്ച പ്രേക്ഷക സ്വീകാര്യത ലഭിച്ചിരുന്നു. അതൊരു അത്ഭുതമായ കാര്യമായിരുന്നു. ഒരിക്കലും ഇത് പ്രതീക്ഷിച്ചിരുന്നില്ലെന്നും താരം കൂട്ടിച്ചേർത്തു. ആള്‍ക്കാര്‍ നമ്മളെ തിരിച്ചറിയുക, പ്രശംസിക്കുക അതൊക്കെ ഒരു കലാകാരി എന്ന നിലയില്‍ എല്ലാവരും ആഗ്രഹിക്കുന്ന അംഗീകാരമാണ്. അത് തനിയ്ക്ക് സീതയിലൂടെ വേണ്ടൂവോളം ലഭിച്ചിട്ടുണ്ടെന്നും സ്വാസിക പറഞ്ഞു.

തന്നെ സിനിമയിൽ എത്തിച്ചത് സീരിയൽ ആണ്. പൊറിഞ്ചു മറിയത്തിന്റെ നിർമ്മാതാവ് റെജിമോൻ സാറിന്റെ ഭാര്യ എന്റെ സീരിയലുകൾ കാണാറുണ്ടായിരുന്നു. ആന്റിയാണ് എന്നെ ഈ കഥാപാത്രമായി വിളിക്കണമെന്ന് പറഞ്ഞത്. അതുപോലെ തന്നെയാണ് ഇഷ്കിലും . സംവിധായകന്‍ അനുരാജ് മനോഹറിന്റെ അമ്മയും എന്റെ സീരിയലുകള്‍ കാണാറുണ്ടായിരുന്നു. സീരിയലുകള്‍ ചെയ്തത് കൊണ്ട് എനിക്ക് ഒരു മോശം കാര്യങ്ങളും ഉണ്ടായിട്ടില്ല. ലഭിച്ചതെല്ലാം നല്ല കാര്യങ്ങൾ മാത്രമാണ്.

താനും ഷാനുവും വളരെ നല്ല സുഹൃത്തുക്കളാണ്. തങ്ങളുടെ സൗഹൃദം സീരിയലിൽ ഗുണം ചെയ്തിട്ടുണ്ട്. സീരിയൽ തുടങ്ങി ഒന്നര വർഷത്തിന് ശേഷമാണ് ഇന്ദ്രനും സീതയും തമ്മിലുള്ള പ്രണയം ആരംഭിക്കുന്നത്. അപ്പോഴേയ്ക്കു തങ്ങൾ തമ്മിൽ അടുത്ത സുഹൃത്തുക്കളായിരുന്നു. അതു കൊണ്ട് തന്നെ തങ്ങൾ തമ്മിലുള്ള കെമിസ്ട്രി നന്നായി വർക്കൗട്ടായി.ഒട്ടും പരിചയമില്ലാത്ത ആളോടൊപ്പമാണെങ്കില്‍ അങ്ങനെ പറ്റില്ലായിരുന്നു.

ഷാനൂവിന്റെ അടുത്ത് തനിയ്ക്ക് ദേഷ്യപ്പെടാം. ശരിയായില്ലെങ്കിൽ തുറന്ന് തന്നെ പറയാം. അതുപോലെ കെട്ടിപ്പിടിക്കുമ്പോഴുളള ഒരു ചമ്മൽ ഇല്ലായിരുന്നു. ഭാര്യയും ഭർത്താവും തമ്മിലുളള അടുപ്പം സ്വഭാവികമായി കൊണ്ടു വരാൻ തങ്ങൾ തമ്മിലുള്ള സൗഹൃദത്തിന് കഴിഞ്ഞിരുന്നു.

ഒരു കുടുംബം പോലെയായിരുന്നു സീ ടീം എന്ന് സ്വാസിക പറഞ്ഞു. റൊമാന്റിക് സീനുകൾ ടീമിനു മുന്നിൽ അഭിനയിക്കാൻ തനിയ്ക്ക് ഒരു പ്രശ്നവും ഉണ്ടായിരുന്നില്ല. എന്നാൽ ഇത്തരത്തിലുള്ള റൊമാന്റിക് രംഗങ്ങൾ പുതിയ ടീമിനോടൊപ്പമാണെങ്കിൽ അഭിനയിക്കാൻ കുറച്ച് ചമ്മലയാിരിക്കുമെന്നും സ്വാസിക കൂട്ടിച്ചേർത്തു.