ഇന്ദ്രനും സീതയുമായുള്ള കെമിസ്ട്രിയുടെ രഹസ്യം വെളിപ്പെടുത്തി സ്വാസിക, അഭിനയിക്കാൻ എളുപ്പമായിരുന്നു...

അഭിനയിക്കാൻ ഏറ്റവും കംഫർട്ടബിളായിട്ടുള്ള നടൻ ആരാണെന്ന ആരാധകരുടെ ചോദ്യത്തിനായിരുന്നു നടിയുടെ മറുപടി. സീരിയലിൽ തന്റെ അടുത്ത സുഹൃത്ത് കൂടിയ ഷാനവാസിന്റെ പേരായിരുന്നു ചോദ്യത്തിന് ഉത്തരമായി പറഞ്ഞത്. കൂടാതെ എല്ലാവരോടൊപ്പവും അഭിനയിക്കാൻ ബുദ്ധിമുട്ടില്ലെന്നും സ്വാസിക പറയുന്നുണ്ട്. നടിയുടെ വാക്കുകൾ ഇങ്ങനെ...

താൻ പ്രത്യേകിച്ച് കുറെ താരങ്ങളോട് അഭിനയിച്ചിട്ടില്ലെന്ന് ആമുഖമായി പറഞ്ഞ് കൊണ്ടാണ് ചോദ്യത്തിന് ഉത്തരം നൽകിയത്. ''ആകെ രണ്ട് മൂന്ന് സീരിയലും വളരെ കുറച്ച് സിനിമകളുമാണ് ചെയ്തിട്ടുള്ളത്. ചെയ്ത സിനിമകളിൽ പെയറായിട്ടുള്ള താരങ്ങൾ ഒന്നും തന്നെയുണ്ടായിരുന്നില്ല. അതുകൊണ്ട് തന്നെ തനിക്ക് അഭിനയിക്കാൻ കംഫർട്ടബിളായിട്ടുള്ള സഹതാരം എന്ന് പറയുന്നത് സീതയിലെ ഷാനവാസാണ്. ആൾക്കൊപ്പമാണ് ഏറ്റവും കൂടുതൽ സ്ക്രീൻ ഷെയർ ചെയ്തിരിക്കുന്നതെന്നും സ്വാസിക പറയുന്നു.

ഷാനവാസുമായിട്ടുള്ള സൗഹൃദത്തെ കുറിച്ചും സ്വാസിക പറയുന്നുണ്ട്. ''ഞങ്ങൾ തമ്മിലുള്ള കെമിസ്ട്രി വർക്ക് ആയത് കൊണ്ടാണ് ഇന്നും ആളുകൾ ആ സീരിയലിനെ കുറിച്ച് സംസാരിക്കുന്നത്. ഞങ്ങൾ തമ്മിൽ നല്ല സൗഹൃദമുള്ളത് കൊണ്ട് വളരെ ഈസിയായി കാര്യങ്ങൾ കമ്മ്യൂണിക്കേറ്റ് ചെയ്യാനും കൂടെ അഭിനയിക്കുമ്പോൾ വേറൊരു അഭിനേതാവ് നിന്ന് അഭിനയിക്കുന്നു എന്നുള്ള ഫീൽ ഇല്ലെന്നും'' സ്വാസിക പറഞ്ഞു. കൂടാതെ ബിബിനോടൊപ്പവും അഭിനയിക്കാനും വളരെ എളുപ്പമാണെന്നും നടി പറയുന്നുണ്ട്. ''അധികം ടെൻഷൻ താരത്ത വളരെ കൂളായിട്ടുള്ള ആളാണ് ബിബിൻ''. അതുപോലെ തന്നെ ഇപ്പോഴത്തെ സീരിയലിലെ പെയറായ പ്രേമിനോടൊപ്പവും അഭിനയിക്കാനും ടെൻഷനൊന്നുമില്ലെന്നും സ്വാസിക പറയുന്നു.

മോഹൻലാലിനോടൊപ്പം അഭിനയിച്ചപ്പോഴുണ്ടായ അനുഭവവും നടി പങ്കുവെയ്ക്കുന്നുണ്ട്. 'ലാലോട്ടനോടൊപ്പം അഭിനയിക്കാൻ വളരെ ടെൻഷൻ ആയിരുന്നു. അത് അദ്ദേഹത്തിനോടുള്ള ബഹുമാനത്തിന്റെ ലെവൽ വളരെ മുകളിലായത് കൊണ്ടാണ്. ഏറ്റവും കൂടുതൽ കംഫർട്ടബിളായിട്ട് കോ- ആർട്ടിസ്റ്റിനെ വയ്ക്കുന്ന നടനാണ് ലാലേട്ടൻ. അത് വലിയ ആളെന്നോ ചെറിയ ആളെന്നോ ഇല്ല. നമ്മൾ ടെൻഷനായി കഴിഞ്ഞാൽ ഭയങ്കര കൂളായിട്ട് എടുത്ത് റിലാക്സ് ചെയ്യിപ്പിക്കുന്ന ആർട്ടിസ്റ്റാണ്'' അദ്ദേഹമെന്നും സ്വാസിക ചോദ്യത്തിന് മറുപടിയായി പറഞ്ഞു. നിലവിൽ സീ കേരളം സംപ്രേക്ഷണം ചെയ്യുന്ന 'മനംപോലെ മംഗല്യം'എന്ന സീരിയലിലാണ് നടി അഭിനയിക്കുന്നത്.