അപ്രതീക്ഷിതമായി അച്ഛന്റെ വാക്ക് കേട്ട് നിറ കണ്ണുകളോടെ സ്വാസിക, താരത്തിന് ഗംഭീര സർപ്രൈസ്...

നവംബർ 5 ന് സ്വാസികയുടെ ജന്മദിനമായിരുന്നു. ഇതന്റെ ഭാഗമായിട്ടാണ് താരത്തിന് ഒരു സർപ്രൈസ് റെഡ് കാർപെറ്റ് ഒരുക്കിയത്. ദേവി ചന്ദനയും കിഷോറും അതിഥികളായി എത്തിയ എപ്പിസോഡിലായിരുന്നു സ്വാസികയ്ക്ക് സർപ്രൈസ് പിറന്നാൾ ആഘോഷം ഒരുക്കിയത്. കേക്ക് മാത്രമല്ല നിരവധി സർപ്രൈസുകൾ സ്വാസികയ്ക്കായി അമൃത ടിവി ഒരുക്കിയിരുന്നു. താരത്തിന്റെ കുട്ടിക്കാലത്തെ ചിത്രങ്ങൾ കേർത്തിണക്കി കൊണ്ട് ഒരു രസകരമായ ട്രോൾ വീഡിയോ ഒരുക്കിയിരുന്നു.

വീഡിയോയ്ക്കിടയിൽ പിതാവ് ആശംസയുമായി എത്തിയിരുന്നു . വിദേശത്തുള്ള അച്ഛനെ അപ്രതീക്ഷിതമായി കണ്ടപ്പേൾ സ്വാസിക ഇമോഷണലാവുകയായിരുന്നു. സന്തോഷം കൊണ്ട് കരയുന്ന സ്വാസികയെ ആയിരുന്നു പിന്നീട് കണ്ടത്. ഇതിന് ശേഷം അമ്മയും കേക്ക് മുറിക്കാനായി സ്വാസികയ്ക്കൊപ്പം എത്തിയിരുന്നു. പിറന്നാൾ ആഘോഷ വീഡിയോ സോഷ്യൽ മീഡിയയിൽ വൈറലായിരിക്കുകയാണ്.

Recommended Video

ആ സത്യം ദുൽഖർ പറയുന്നു.. വാപ്പച്ചിയോട് മുട്ടാൻ എനിക്കാവില്ല | Filmibeat Malayalam

പ്രിയപ്പെട്ട താരത്തിന് പിറന്നാൾ ആശംസയുമായി ആരാധകർ രംഗത്ത് എത്തിയിട്ടുണ്ട്. ചിരിച്ചു നിന്ന ഞങ്ങളുടെ കുട്ടിയെ കരയിപ്പിച്ചു റെഡ് കാർപെറ്റ് എന്നിങ്ങനെയുള്ള കമന്റുകളും ആശംസയ്ക്കൊപ്പം വരുന്നുണ്ട്. ദേവിയും കിഷോറും ഈ എപ്പിസോഡിൽ വന്നതിൽ സന്തോഷം, ഇതൊരു സ്പെഷ്യൽ എപ്പിസോഡ് ആയിരുന്നു വെന്ന് പറഞ്ഞ് കൊണ്ട് റെഡ് കാർപെറ്റ് ടീമിനോട് നന്ദിയും പറയുന്നുണ്ട്. കൂടാതെ ട്രോൾ വീഡിയോല പൊളിച്ചെന്നും പ്രേക്ഷകർ പറയുന്നുണ്ട്. റെഡ് കാർപെറ്റിലൂടെ തങ്ങളുടെ പ്രണയകഥയും ദേവിയും കിഷോറും പങ്കുവെച്ചിരുന്നു. സാധാരണ രീതിയിൽ കണ്ടു വന്നിരുന്ന ഒരു പ്രണയമായിരുന്നില്ല തങ്ങളുടെതെന്നാണ് പറഞ്ഞ് കൊണ്ടായിരുന്നു ദേവി പ്രണയ കഥ പറയുന്നത്. ആദ്യമൊക്കെ കിഷോർ തന്നോട് അധികം മിണ്ടിയിരുന്നില്ലെന്നും താൻ ബഹളം വയ്ക്കുന്നതിന് ഭയങ്കര ദേഷ്യമായിരുന്നു എന്നും ദേവി പറയുന്നു.

ഒരു അമേരിക്കൻ ഷോയിൽ വെച്ചായിരുന്നു പ്രണയം തിരിച്ചറിയുന്നത്.. കിഷോറിന്റെ പെരുമാറ്റത്തിൽ നിന്ന് കാര്യം മനസിലാക്കിയദേവി അങ്ങോട്ട് ചോദിക്കുകയായിരുന്നു. ''എനിക്ക് ഇങ്ങനെ തോന്നുന്നു എന്നോട് അങ്ങനെ വല്ലതും ഉണ്ടോ എന്നായിരുന്നു ദേവിയുടെ ചോദ്യം. '' ഇഷ്ടം ഇല്ലെങ്കിൽ ഇപ്പോൾ പറയരുത് കാരണം കുറെ ഷോ ഇനിയും ബാക്കിയുണ്ട്. ഇഷ്ടമാണെങ്കിൽ തന്റെ സൗകര്യം പോലെ എന്നായിരുന്നു കിഷോറിന്റെ മറുപടി. വിവാഹം കഴിഞ്ഞിട്ട് 16 വർഷം പൂർത്തിയായിരിക്കുകയാണ്. ഫെബ്രുവരിയിൽ ആയിരുന്നു വിവാഹവാർഷികം. ഒരു ഹൃദയസ്പർശിയായ കുറിപ്പ് ദേവി പങ്കുവെച്ചിരുന്നു. '' ഒരുമിച്ച് 16 വർഷം പൂർത്തിയാക്കി. എന്നെ മനസിലാക്കി ഒപ്പം നിന്നതിന് നന്ദി. വർഷങ്ങൾ കഴിയുന്തോറും നമ്മൾ തമ്മിലുള്ള ബന്ധം കൂടുതൽ ദൃഢമാകുമെന്ന് പ്രതീക്ഷിക്കുന്നു. വിവാഹ വാർഷികാശംസകൾ," കിഷോറിന് ഒപ്പമുള്ള ചിത്രങ്ങൾ പങ്കുവച്ചുകൊണ്ട് ദേവി ചന്ദന കുറിച്ചിരുന്നു.