അതു കൊണ്ടാണ് ഗ്രാന്റ് ഫിനാലെയിൽ പങ്കെടുക്കാതിരുന്നത്!! വെളിപ്പെടുത്തലുമായി ശ്വേത മേനോൻ

സാബുവിനോട് അസൂയയ?

ബിഗ് ബോസിൽ ആക്ടീവ് സ്ട്രോങ് മത്സരാർഥികളിലൊരാളായിരുന്നു ശ്വേത മേനോൻ. ശ്വേതയുടെ ഗ്രാന്റ് ഫിനാലെയിലെ അഭാവം എല്ലാവരും ശ്രദ്ധിച്ചിരുന്നു. സാബുവിനോടുള്ള അസൂയ കൊണ്ടാണ് ശ്വേത വരാതിരുന്നതെന്നായിരുന്നു സമൂഹ മാധ്യമങ്ങളിൽ അഭിപ്രായം ഉയർന്ന് വന്നിരുന്നു. എന്നാൽ നടി പങ്കെടുക്കാതിരുന്നതിന്റെ യഥാർഥ കാര്യം ഇതൊന്നുമല്ലായിരുന്നു. തന്റെ അച്ഛൻ മരിച്ചു പോയതു കൊണ്ടാണ് ഷോയുടെ ഫിനാലെയ്ക്ക് എത്താതിരുന്നതെന്ന് ശ്വേത പറഞ്ഞു. സാബുവിനോടുള്ള അസൂയ കൊണ്ടാണ് താൻ ഷോയിൽ പങ്കെടുക്കാതിരുന്നതെന്നുളള വാർത്തകൾ ഞാനും കേട്ടിരുന്നു. തന്റെ സ്വഭാവം അറിയാവുന്നവർക്ക് അറിയാം. താൻ അത്തരത്തിലുളള ഒരു ആളല്ലെന്നും -ശ്വേത പറഞ്ഞു.

സാബു തന്നെയാകണം വിജയം

എന്തുകൊണ്ടും ബിഗ്ബോസ് വിജയി ആകാൻ ഏറ്റവും അർഹൻ സാബു തന്നെയായിരുന്നു. തുടക്കം മുതൽ അവസാനം വരെ ഓരേ പോലെ നിന്ന വ്യക്തിയാണ് അദ്ദേഹം. സാബുവിൽ നിന്ന് ഉണ്ടായത് മനുഷ്യത്വപരമായ പെരുമാറ്റങ്ങളായിരുന്നു. എല്ലാവരോടും സ്നേഹത്തോടും നല്ല കാര്യങ്ങൾ മാത്രമായിരുന്നു ചെയ്തിരുന്നത്. കൂടാതെ സാബുവിന് എല്ലാകാര്യങ്ങളെ കുറിച്ചും നല്ല ധാരണയുണ്ടായിരുന്നെന്നും ശ്വേത വ്യക്തമാക്കി.

ഏഷ്യനെറ്റ് വിശ്വാസം നിലനിർത്തി

ബിഗ്ബോസിൽ നിനന് സാബു പുറത്തു വരുന്നത് ഒരു സ്റ്റാറായിട്ടാണ്. അതു പോലെ സാബുവിനെ വിന്നറായി തിരഞ്ഞെടുത്തതിൽ ഏഷ്യനെറ്റിനോടുള്ള നന്ദിയും ശ്വേത അറിയിച്ചിട്ടുണ്ട്. സാബുവിനെ അല്ലാതെ മറ്റാരെയെങ്കിലും ബിഗ് ബോസ് വിന്നറായി തിരഞ്ഞെടുത്തതെങ്കിൽ തനിയ്ക്ക് ആ ബ്രാൻഡിനോടുള്ള വിശ്വാസം ഒരു പക്ഷെ നഷ്ടപ്പെടുമായിരുന്നു. എന്തായാലും എപ്പോഴത്തേയും പോലെ ആ വിശ്വാസം അവർ നിലനിർത്തുകയും ചെയ്തെന്നും ശ്വേത പറഞ്ഞു. കൂടാതെ എല്ലാവിധ അഭിനന്ദനവും അറിയിച്ചിട്ടുമുണ്ട്.

35ദിവസത്തെ ഷൂട്ടിങ്ങ്

സിനിമ ഷൂട്ടിങ്ങിന് പോയ പോലെയാണ് ബിഗ്ബോസ് അനുഭവം. ഞാൻ എങ്ങനെയാണോ അങ്ങനെ തന്നെയാണ് ബിഗ്ബോസിനുളളിലേയ്ക്ക് പോയത്. അതു പോലെ തന്നെയാണ് തിരിച്ചു വന്നതും. തനിയ്ക്ക് ഒരു കുഴപ്പവും സംഭവിച്ചിട്ടില്ല. സാധരണ ഒറ്റപ്പാലത്തെക്കെ ഷൂട്ടിനു പോകുമ്പോൾ മൈബൈലിൽ നെറ്റ് വർക്ക് ഉണ്ടാകില്ല. ഷൂട്ട് കഴിഞ്ഞ് എയർപോർട്ടിൽ എത്തുമ്പോഴാണ് നെറ്റ് വർക്ക് ലഭിക്കുക. അതപോലെയായിരുന്നു ബിഗ് ബോസിലെ 35 ദിവസങ്ങളെന്നും ശ്വേത പറഞ്ഞു.