ഈ ചെക്കന്‍ മുന്‍പും വന്നിട്ടുള്ളതാണ്; പെണ്ണ് കാണാന്‍ ഒരു വീട്ടില്‍ തന്നെ രണ്ട് തവണ പോയതിനെ പറ്റി തങ്കച്ചന്‍

കല്യാണം കഴിക്കാത്തതിന്റെ പിന്നിലെ പ്രശ്‌നം എന്താണെന്നാണ് എം ജി ശ്രീകുമാര്‍ ചോദിച്ചത്. 'ഞാന്‍ കുറച്ച് കഴിയട്ടേ എന്ന് വിചാരിച്ച് അങ്ങനെ നിന്നതാണ്. അല്ലാതെ വേറെ കാര്യമൊന്നുമില്ല. പ്രണയനൈരാശ്യമോ മറ്റോ ഉണ്ടോ എന്ന ചോദ്യത്തിനും അങ്ങനെ ഒന്നുമില്ലെന്നാണ് തങ്കച്ചന്‍ പറഞ്ഞത്. സാമ്പത്തികമായ പ്രശ്‌നങ്ങള്‍ ഉണ്ടായിരുന്നു. ഞങ്ങളെ പോലെയുള്ള സ്‌റ്റേജ് ആര്‍ട്ടിസ്റ്റുകളുടെ പ്രധാന വരുമാനം ഉത്സവങ്ങളിലും മറ്റുമൊക്കെയുള്ള പരിപാടി ആയിരുന്നു. അതൊക്കെ ഇല്ലാതെ ആയതോടെ കടം കടത്തിന് മുകളിലും കയറി.

എന്റെ മാത്രമല്ല, സ്‌റ്റേജ് ആര്‍ട്ടിസ്റ്റുകളുടെ ഒക്കെ കാര്യമാണ്. അങ്ങനെ കൂടി വന്നതോടെ കുറച്ചൂടി സാമ്പത്തികമായി മെച്ചപ്പെട്ടിട്ട് മതി വിവാഹമെന്ന് കരുതിയെന്നും നടന്‍ പറയുന്നു. ഞാന്‍ വേറെ ആരുടെയെങ്കിലും കല്യാണത്തിന് പോയതാണെങ്കില്‍ പോലും യൂട്യൂബ് ചാനലുകളില്‍ എന്റെ വിവാഹമെന്ന് പറഞ്ഞാണ് വരുന്നത്. ആള്‍ക്കാര്‍ക്ക് എന്നെ കല്യാണം കഴിപ്പിച്ചാല്‍ മതി എന്നായി. അതിലെനിക്ക് സന്തോഷമേയുള്ളു. എല്ലാവരും സ്‌നേഹത്തോടെയാണ് ചോദിക്കുന്നത്.

അങ്ങനെ എങ്കില്‍ പെണ്ണ് കാണാന്‍ പോയിട്ടില്ലേ എന്ന ചോദ്യത്തിന് 'ഞാനിങ്ങനെ ഷുഗര്‍ വന്നിരിക്കുന്നത് പെണ്ണ് കണ്ട് നടന്ന് ഉള്ള ലഡു തിന്നത് കൊണ്ടാണെന്ന്' തങ്കച്ചന്‍ പറയുന്നു. ഒരുപാട് പെണ്ണുങ്ങളെ കണ്ടിട്ടുണ്ട്. രസകരമായ കാര്യം ഒരു വീട്ടില്‍ തന്നെ രണ്ട് പ്രാവിശ്യം പോയിട്ടുണ്ട് എന്നതാണ്. ആദ്യം ഒരു ബ്രോക്കറുടെ കൂടെ പോയി. അത് നടക്കാത്തത് കൊണ്ട് പിന്നീട് മറ്റ് സ്ഥലങ്ങളിലൊക്കേ പോയി. രണ്ട് വര്‍ഷത്തെ ഇടവേളയ്ത്ത് ശേഷം മറ്റൊരു ബ്രോക്കറാണ് അവിടേക്ക് തന്നെ കൊണ്ട് പോയത്.

Recommended Video

മലയാളികളുടെ സ്വന്തം തങ്കച്ചന്റെ പിറന്നാൾ ആഘോഷം | FilmiBeat Malayalam

അവിടുത്തെ അച്ഛനെ കണ്ടപ്പോള്‍ ഞാന്‍ കരുതി ഇവര് ബന്ധുക്കളാണെന്ന്. പക്ഷേ ഈ പയ്യന്‍ ഇവിടെ വന്നിട്ടുള്ളതാണെന്ന് അവര് തന്നെ പറഞ്ഞു. ഇന്ന് ആര്‍ട്ടിസ്റ്റ് ആയത് കൊണ്ട് അറിയുമായിരിക്കും. അന്ന് അറിഞ്ഞില്ല. ആദ്യം പോയപ്പോള്‍ വീടിന്റെ മുന്നില്‍ കൂടിയും രണ്ടാമത് വീടിന്റെ പുറകിലൂടെയുമാണ് പോയത്. അങ്ങനെ അറിയാതെ പോയി. ഇതൊരു തമാശയ്ക്ക് പറഞ്ഞതല്ല, സംഭവിച്ച കഥയാണെന്നാണ് തങ്കച്ചന്‍ പറയുന്നത്. കല്യാണം ഒരു നിമിത്തമായിട്ടാണ് താന്‍ കാണുന്നതെന്നും താരം പറഞ്ഞു.