ആദ്യം ലച്ചു ഇപ്പോൾ മീനാക്ഷി, തട്ടീം മുട്ടീം പരമ്പരയിൽ നിന്ന് യാത്ര പറഞ്ഞ് ഭാഗ്യലക്ഷ്മി, കാരണം ഇത്

തട്ടീം മുട്ടീം എന്ന ഒറ്റ പരമ്പരയിലൂടെ പ്രേക്ഷകരുടെ ഹൃദയം കീഴടക്കിയ താരമാണ് മീനാക്ഷി എന്ന ഭാഗ്യലക്ഷ്മി പ്രഭു. കഴിഞ്ഞ എട്ട് വർഷമായി ഭാഗ്യലക്ഷ്മി തട്ടീം മുട്ടിയുടെ ഭാഗമാണ്. ഇപ്പോഴിത ആ രസകരമായ യാത്ര അവസാനിപ്പിക്കാൻ തയ്യാറെടുക്കുകയാണ്. ജോലി സംബന്ധമായ കാരണം കൊണ്ടാണ് താരം പരമ്പരയിൽ നിന്ന് താൽക്കാലികമായി വിടപറയുന്നത്. പരമ്പയിലേതു പോലെ യഥാർഥ ജീവിതത്തിലും മീനാക്ഷി നെഴ്സാണ്. ജോലിയുമായി ബന്ധപ്പെട്ട് യുകെയിലേയ്ക്ക് പോകുകയാണ്.

Recommended Video

രജിത് സർ പുറത്തായതിനെ കുറിച്ച് ജനങ്ങൾ പ്രതികരിക്കുന്നു

കഴിഞ്ഞ ദിവസം മീനാക്ഷിയ്ക്ക് ഉമ്മ നൽകുന്ന ചിത്രം മഞ്ജു തന്റെ ഇൻസ്റ്റഗ്രാം പേജിൽ പങ്കുവെച്ചിരുന്നു. നിന്നെ മിസ്സ് ചെയ്യും ചക്കരേ.. എന്ന ക്യാപ്ഷനോടൊയാണ് മഞ്ജു പിള്ള ചിത്രം പോസ്റ്റ് ചെയ്തിരിക്കുന്നത്. ചിത്രം പുറത്തു വന്നതിനു പിന്നാലെ മീനാക്ഷി പോകുകയാണേ എന്ന് ചോദിച്ച് ആരാധകർ എത്തുകയായിരുന്നു. ചോദ്യത്തിന് മറുപടിയായിട്ടാണ് മഞ്ജു ഭാഗ്യലക്ഷ്മിയുടെ വിദേശയാത്രയെ കുറിച്ച് വെളിപ്പെടുത്തിയത്. വിദേശത്ത് പോകാൻ തയ്യാറെടുക്കുകയാണെന്നായിരുന്നു മറുപടി.

പരമ്പരയിൽ സഹോദരനായി എത്തുന്ന സിദ്ധാർഥ് മീനാക്ഷിയുടെ യഥാർഥ സഹോദരനാണ്. മഴവിൽ മനോരമ സംപ്രേക്ഷണം ചെയ്ത 'വെറുതെ അല്ല ഭാര്യ' എന്ന റിയാലിറ്റി ഷോയിലെ മത്സരാര്‍ത്ഥികളായിരുന്നു ഭാഗ്യലക്ഷ്മിയുടെയും സിദ്ധാര്‍ത്ഥന്റേയും (കണ്ണൻ) മാതാപിതാക്കൾ. ആ ഷോയിലൂടെയാണ് ഇവരുടെ കുടുംബം പ്രശസ്തി ആര്‍ജ്ജിക്കുന്നത്. ഷോയിലെ കുട്ടികളുടെ പ്രകടനം കണ്ട് ഇഷ്ടപ്പെട്ട് തട്ടീം മുട്ടീം പരമ്പരയിലേയ്ക്ക് ഇവരെ വിളിക്കുന്നത്. കുട്ടിക്കാലത്ത് തട്ടീംമുട്ടീം പരമ്പരയുടെ ഭാഗമായ ഇവരുടെ വളർച്ചയും ഈ പരമ്പയിലൂടെ പ്രേക്ഷകർക്ക് കാണാൻ കഴിഞ്ഞിരുന്നു.

അഭിനയവും ജോലിയും ഒരുപോലെ കൊണ്ടു പോയിരുന്ന ഭാഗ്യലക്ഷ്മിയുടെ ഏറ്റവും വലിയ ആഗ്രഹം വിദേശത്ത് ജോലിയ്ക്ക് പോകുക എന്നതായിരുന്നു. പല അഭിമുഖത്തിലും താരം അത് വെളിപ്പെടുത്തിയിട്ടുമുണ്ട്. ഇപ്പോഴിത ആ ആഗ്രഹം സഫലമായിരിക്കുകയാണ്. ഈ അടുത്ത കാലത്തായിരുന്നു പരമ്പയിൽ മാനാക്ഷിയുടെ വിവാഹം കഴിഞ്ഞത്. സീരിയലിൽ വിവാഹത്തെ കുറിച്ചുള്ള ചർച്ച തുടങ്ങിയപ്പോൾ, മീനാക്ഷി ഷോ വിട്ട് പോകുകയാണോ എന്ന് ആരാഞ്ഞ് പ്രേക്ഷകർ എത്തിയിരുന്നു. പ്രേക്ഷകരുട മറ്റൊരു ജനപ്രിയ പരമ്പരയായിരുന്നു ഫ്ലവേഴ്സ് ടിവി സംപ്രേക്ഷണം ചെയ്യുന്ന ഉപ്പും മുളകും. സിരിയലിലെ പ്രേക്ഷകരുടെ പ്രിയതാരമായ ലച്ചു വിവാഹത്തോടെ ഷോ വിടുകയായിരുന്നു.