തട്ടീം മുട്ടീം; കുട്ടപ്പായി, മുത്തുമണി, കുഞ്ഞുമണി... അർജ്ജുനന്റെ പേരക്കുട്ടികൾ സ്മർട്ടാണ് !

ഏറ്റവും പുതിയ എപ്പിസോഡിന്റെ പ്രെമോയാണ് ഇപ്പോൾ സോഷ്യൽ മീഡിയയിൽവൈറലാകുന്നത്. മീനാക്ഷിയ്ക്ക് ഒറ്റ പ്രസവത്തിൽ മൂന്ന് കുഞ്ഞുങ്ങളാണ് ജനിച്ചത്. ഇവരുടെ പേരുകളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. കുട്ടപ്പായി , കുഞ്ഞിമണി, മുത്തുമണി എന്നിങ്ങനെയാണ് പേര് ഇട്ടിരിക്കുന്നത്. കുഞ്ഞുങ്ങളുടെ പേരിന് പിന്നിൽ ആരാണെന്ന് അറിയില്ല. അർജുനൻ ആണോ കുഞ്ഞുങ്ങൾക്ക് പേര് ഇട്ടതെന്നാണ് പ്രേക്ഷകർ ചോദിക്കുന്നത് . പുതിയ എപ്പിസോഡിനായി ആകാംക്ഷയോടെ കാത്തിരിക്കുകയാണ് പ്രേക്ഷകർ.

പ്രസവിച്ചത് മീനാക്ഷിയാണെങ്കിലും കുഞ്ഞുങ്ങളെ നോക്കുന്നതിന്റെ എല്ലാ ഉത്തരവാദിത്വങ്ങളും മോഹനവല്ലിക്കും ബാക്കിയുള്ള കുടുംബാംഗങ്ങൾക്കുമാണ്. മൂന്ന് കുഞ്ഞുങ്ങളേയും മോഹനവല്ലിയേയും കവിയേയും ഏൽപ്പിച്ചിട്ട് പതിവ് പോലെ ആദിയും മീനാക്ഷിയും ചുറ്റി നടക്കുകയാണ്. അതിനിടയ്ക്ക് അർജുനനെ കൊറോണയുടെ പേരിൽ ആരോഗ്യ പ്രവർത്തകർ കൊണ്ടു പോകുകയും ചെയ്തിട്ടുണ്ട്. ഇതോടെ മോഹനവല്ലിയും ക്വാറന്റൈനിൽ ആയിട്ടുണ്ട്. എന്നാൽ സ്ഥിരം കാണിക്കുന്ന അതിബുദ്ധി തന്നെയാണ് കവിയ്ക്ക് കൊറോണയുടെ രൂപത്തിൽ പണിയായതും.

പ്രേക്ഷകർ ഏറെ ടെൻഷനടിച്ച എപ്പിസോഡായിരുന്നു മൂന്ന് കുഞ്ഞുങ്ങളിൽ ഒന്നിനെ കാണാതായത്. ഏറ്റവും കൂടുതൽ പേർ കണ്ടതും ഈ എപ്പിസോഡാണ്.മീനാക്ഷയുടേയും ആദിയുടേയും മൂന്നാമത്തെ കുഞ്ഞിനെ കാണാനില്ല. അമ്മയ്ക്കൊപ്പം ഉറങ്ങി കിടന്ന കുഞ്ഞിനെയാണ് കാണാതെ പോയത്. എന്നാൽ കുഞ്ഞിനെ കാണാതായതിന് പിന്നിൽ ആദിയാണോ എന്നാണ് കുടുംബാംഗങ്ങൾ സംശയിച്ചിരുന്നു. എന്നാൽ ഒട്ടും പ്രതീക്ഷിക്കാത്ത ഒരാളായിരുന്നു കുഞ്ഞിനെ എടുത്തതിന് പിന്നിൽ. മെട്രോ കാണിക്കാൻ വേണ്ടി വാസവദത്തയായിരുന്നു കുഞ്ഞിനെ എടുത്ത് കൊണ്ട് പോയത്.

കൊറോണ വൈറസ് വ്യാപനത്തെ തുടർന്ന് സിരിയലുകൾ നിർത്തിവെക്കുകയായിരുന്നു ചെറിയ ഇടവേളയ്ക്ക് ശേഷം പരമ്പരകൾ വീണ്ടും ആരംഭിച്ചിട്ടുണ്ട്. സർക്കാരിന്റെ കർശന നിർദ്ദേശത്തോടെയാണ് ചിത്രീകരണം ആരംഭിച്ചിരിക്കുന്നത്. രണ്ടാം ഘട്ടത്തിൽ തട്ടീം മുട്ടിയുടെ തുടക്കം ഗംഭീരമായിട്ടുണ്ടെന്നാണ് ആരാധകർ പറയുന്നത്.