വിവാഹം 18ാം വയസിൽ; സബീന അബ്ദുൽ ലത്തീഫ് ലക്ഷ്മി പ്രിയ ആയതിങ്ങനെ

ദേഷ്യം വരുമ്പോൾ താരം പലതും പറയുമെങ്കിലും ഉള്ളിൽ എപ്പോഴും സ്നേഹമുള്ള മത്സരാർഥിയാണ് ലക്ഷ്മിപ്രിയയെന്നു പ്രേക്ഷകർ സാക്ഷ്യപ്പെടുത്തുന്നു.

റിയാസിനോട് വഴക്കിട്ട സമയത്തും റിയാസിനെ പരിചരിക്കാൻ ലക്ഷ്മിപ്രിയ മടി കാട്ടിയില്ല. ഇക്കാരണങ്ങൾ കൊണ്ട് തന്നെ താരത്തിന് മികച്ച പ്രേക്ഷക പിന്തുണയാണ് ലഭിച്ചുകൊണ്ടിരിക്കുന്നതും.

ബിഗ് ബോസ് വീട്ടിൽ ഏറ്റവും വലിയ ഈശ്വരഭക്തയാണ് ലക്ഷ്മിപ്രിയ. ദിവസവും ജപിക്കുകയും പ്രാർഥിക്കുകയുമെല്ലാം ചെയ്യുന്ന താരം ശ്ലോകങ്ങളും മറ്റും ചൊല്ലി മോഹൻലാലിനെ പോലും അദ്‌ഭുതപെടുത്തിയിട്ടുണ്ട്.

എന്നാൽ താരത്തിന്റെ യഥാർത്ത പേര് ലക്ഷ്മിപ്രിയ എന്നല്ലെന്നും സബീന അബ്ദുൽ ലത്തീഫ് എന്നാണെന്നും ബിഗ് ബോസ് പ്രേക്ഷകരിൽ അധികം ആർക്കും അറിയില്ലായിരിക്കും.

അതെ, മുസ്ലിം കുടുംബത്തിൽ ജനിച്ച താരം മതം മാറുകയായിരുന്നു. അതിനുണ്ടായ കാരണം ലക്ഷ്മിപ്രിയ ഒരിക്കൽ പറയുകയുണ്ടായി. അമൃത ടി വിയിൽ എം ജി ശ്രീകുമാറുമൊത്തുള്ള ഷോയിലാണ് ഇതേപ്പറ്റി സംസാരിച്ചത്.

ഗായകൻ പട്ടണക്കാട് പുരുഷോത്തമന്റെ മകൻ ജയേഷാണ് ലക്ഷ്മിപ്രിയയുടെ ഭർത്താവ് അന്യ മതസ്ഥനായ യുവാവിനെ വിവാഹം കഴിക്കാൻ ഒരുങ്ങിയപ്പോൾ അയാളുടെ മതം സ്വീകരിക്കുകയായിരുന്നു താരം. അതിന് ഒരു കാരണവും ലക്ഷ്മിപ്രിയ പറയുകയുണ്ടായി.

" ഹസ്ബന്റ് ഏതു മതത്തിൽ വിശ്വസിക്കുന്നു കുട്ടികളെ ആ മതത്തിൽ വളർത്തണം എന്നാണ് എന്റെ ഒരു കോൺസെപ്റ്റ്‌. പിന്നെ ഞാൻ ചെറുപ്പം മുതലേ ഡാൻസ് പഠിക്കുന്ന ആളായിരുന്നു അതുകൊണ്ട് തന്നെ കൃഷ്ണന്റെ കഥകളും ദേവീടെ കഥകളുമെല്ലാം അറിയാം. ഹിന്ദു സ്പിരിച്യുവാലിറ്റിയോട് ഒരു അട്ട്രാക്ഷൻ ചെറുപ്പം മുതൽ ഉണ്ട്."

18 വയസ്സ് തികഞ്ഞ സമയത്തായിരുന്നു ലക്ഷ്മിപ്രിയ വിവാഹം കഴിച്ചത്. പട്ടണക്കാട് പുരുഷോത്തമന് തന്നോട് വലിയ വാത്സല്യം ആയിരുന്നെന്ന് ലക്ഷ്മിപ്രിയ ഓർക്കുന്നു. അദ്ദേഹം എപ്പോഴും പറയുമായിരുന്നു എന്നെ ഉറപ്പായും കൊത്തികൊണ്ട് പോകുമെന്ന്. ലക്ഷ്മിപ്രിയ ഓർത്തു.

കൊല്ലത്തൊരു അമ്പലത്തിൽ വച്ചാണ് താനും ജയേഷുമായുള്ള വിവാഹം നടന്നതെന്ന് പറഞ്ഞ ലക്ഷ്മിപ്രിയ വിവാഹ ദിവസം അമ്പലത്തിൽ വച്ചാണ് തനിക്ക് ലക്ഷ്മിപ്രിയ എന്ന പേര് നൽകിയതെന്ന് വ്യക്തമാക്കി.

ബിഗ് ബോസ് സീസൺ ഫോറിൽ മികച്ചരീതിയിൽ കളിക്കുന്ന താരത്തിന് നിറയെ പ്രേക്ഷക പിന്തുണയാണ് ലഭിച്ചുകൊണ്ടിരിക്കുന്നത്. ഫൈനൽ ഫൈവിൽ എത്താൻ സാധ്യതയുള്ള ഒരു മത്സരാർഥികൂടിയാണ് ലക്ഷ്മിപ്രിയ.