ദുല്‍ഖറിനോട് അസൂയ! ഉണ്ണി മുകുന്ദാ വല്ലതും അറിയുന്നുണ്ടോ? ടൊവിനോ തോമസിന്‍റെ തുറന്നുപറച്ചില്‍! കാണൂ!

ദുല്‍ഖറിനെ കണ്ടു

യുവതാരങ്ങളില്‍ പ്രമുഖരായ ദുല്‍ഖറും ഉണ്ണി മുകുന്ദനും ടൊവിനോയുമൊക്കെ അടുത്ത സുഹൃത്തുക്കളാണ്. അന്യോന്യം പിന്തുണച്ചും സഹായിച്ചുമാണ് ഇവര്‍ മുന്നേറുന്നത്. സിനിമകള്‍ സ്വീകരിക്കുമ്പോഴും പകരക്കാരനായി അഭിനയിക്കേണ്ടി വരുമ്പോഴുമൊക്കെ താരങ്ങള്‍ തന്നെ ഇക്കാര്യത്തെക്കുറിച്ച് തുറന്നുപറഞ്ഞിട്ടുണ്ട്. മറ്റൊരു അഭിനേതാവുമായി തെറ്റിദ്ധരിക്കപ്പെട്ടിട്ടുണ്ടോയെന്നായിരുന്നു ടൊവിനോ തോമസിനോടും നീരജ് മാധവിനോടും ചോദിച്ചത്. അതിനിടിയിലാണ് ടൊവിനോ അക്കഥ പറഞ്ഞത്. മായാനദിയുടെ പ്രീമിയര്‍ ചെന്നൈയിലുണ്ടായിരുന്നു. അന്ന് എയര്‍പോര്‍ട്ടില്‍ വെച്ച് ദുല്‍ഖറിനെ കണ്ടിരുന്നു. അതേ ഫ്‌ളൈറ്റില്‍ ചെന്നൈയിലേക്ക് പോവുകയായിരുന്നു അദ്ദേഹം.

അസൂയ തോന്നി

തങ്ങള്‍ ഇരുവരും സംസാരിച്ചിരിക്കുന്നതിനിടയിലാണ് ആള്‍ക്കാരെയൊക്കെ തള്ളിമാറ്റി ഒരു ചേച്ചി വരുന്നത് കണ്ടത്. ദുല്‍ഖറിനെ കാണാനുള്ള വരവാണ് അതെന്ന് ഉറപ്പിച്ചിരിക്കുകയായിരുന്നു. ഇതുമായി ബന്ധപ്പെട്ട് അല്‍പ്പം അസൂയ തോന്നിയിരുന്നു. ആ വരവ് കണ്ടപ്പോള്‍ താന്‍ അധികം ശ്രദ്ധ നല്‍കിയിരുന്നില്ലെന്നും ടൊവിനോ പറയുന്നു. എന്നാല്‍ ദുല്‍കറിനെ മൈന്‍ഡ് ചെയ്യാതെ ചേച്ചി തന്റെ അരികിലേക്ക് വരികയായിരുന്നുവെന്ന് താരം പറയുന്നു. അതിന് ശേഷം സംഭവിച്ച കാര്യമാണ് ഞെട്ടിച്ചതെന്ന് ടൊവിനോ പറയുന്നു.

എന്റടുത്തേക്ക് വന്നു

തന്റെ അരികിലേക്ക് ചേച്ചി എത്തിയപ്പോള്‍ ഒന്നു ഞെട്ടിയിരുന്നുവെന്നും കുറച്ച് സന്തോഷം തോന്നിയിരുന്നുവെന്നും ടൊവിനോ പറയുന്നു. എന്നാല്‍ താന്‍ ആരാണെന്ന് ചേച്ചിക്ക് മനസ്സിലായില്ലെന്ന് പിന്നീടാണ് മനസ്സിലാക്കിയത്. തിരിച്ച് വിശദീകരണത്തിന് നില്‍ക്കാതെ ചിരിച്ച് നില്‍ക്കുകയായിരുന്നു താനെന്നും ടൊവിനോ പറയുന്നു. കൈയ്യൊക്കെ തന്ന് സന്തോഷത്തോടെയാണ് അവര്‍ തനിക്കരികില്‍ നിന്നും പോയത്.

വിളിച്ച പേര്

ഉണ്ണീ മുകുന്ദായെന്നും വിളിച്ച് ചേച്ചി തന്നെ കെട്ടിപ്പിടിക്കുകയായിരുന്നുവെന്നും ഞാന്‍ നിങ്ങളുടെ ആരാധികയാണെന്നും പറഞ്ഞിരുന്നു. ജീവിതത്തില്‍ ഇങ്ങനെ ചമ്മിയ സന്ദര്‍ഭം വേറെ ഇല്ലായിരുന്നു. ഇഷ്ടപ്പെട്ട താരത്തെ കണ്ടതിന്റെ സന്തോഷത്തില്‍ തിരിച്ച് പോവുകയായിരുന്നു ചേച്ചി. എന്നാല്‍ ആ താരമല്ല താനെന്ന് അവര്‍ തിരിച്ചറിഞ്ഞില്ലല്ലോയെന്നോര്‍ത്ത് ചിരിക്കുകയായിരുന്നു അപ്പോള്‍.

ദുല്‍ഖറിന്റെ മുഖത്തെ ചിരി

തന്റെ മുന്നില്‍ അരങ്ങേറിയ സംഭവങ്ങളെല്ലാം കണ്ട് ചിരിച്ച് നില്‍ക്കുകയായിരുന്നു ദുല്‍ഖര്‍ സല്‍മാന്‍. ഉണ്ണീ മുകുന്ദനോ നീയോ എന്നുള്ള ചോദ്യം ആ ചിരിയിലുണ്ടായിരുന്നു. അത് തിരുത്തി ടൊവിനോയെന്ന് പറഞ്ഞാല്‍ തന്നെ അറിയില്ലെന്ന് പറഞ്ഞാലോ എന്ന് കരുതിയാണ് അത് തിരുത്താതിരുന്നത്. അന്നത്തെ ദുല്‍ഖറിന്റെ ചിരി വാക്കുകള്‍ കൊണ്ട് വര്‍ണ്ണിക്കാനാവുന്നതല്ലെന്നും താരം പറയുന്നു.