സുരേഷ് ഗോപിയോടുള്ള പ്രണയം പറയാന്‍ പറ്റാതെ പോയി; എല്‍കെജി യിലെ പ്രണയത്തെ കുറിച്ചും മീനാക്ഷി പറയുന്നു

പ്രണയത്തെ കുറിച്ചായിരുന്നു വീണയും മീനാക്ഷിയും സംസാരിച്ചത്. 'എല്‍കെജിയില്‍ പഠിക്കുമ്പോള്‍ അഖില്‍ രവിയുമായുള്ള പ്രണയത്തിന് ശേഷം എനിക്ക് തല്ലൊഴിഞ്ഞിട്ടുള്ള പ്രണയം ഇല്ലായിരുന്നു എന്നാണ് മീനാക്ഷി പറയുന്നത്. അഖില്‍ രവിയൊന്നും പ്രണയമായിരുന്നില്ല. അന്നെനിക്ക് സുരേഷ് ഗോപി സാറിനോട് പ്രേമം തോന്നിയെങ്കിലും പറയാന്‍ പറ്റിയില്ല. അദ്ദേഹം മാസ് കഥാപാത്രങ്ങളാണല്ലോ ചെയ്യുന്നത്. അഖില്‍ എങ്ങനെയാണ് മാസ് ആണോന്ന് അവതാരകയുടെ ചോദ്യത്തിന് അയ്യോ, അതൊരു പാവം പയ്യനാണെന്ന് നടി പറയുന്നു.

അന്ന് എല്‍കെജി യില്‍ പഠിക്കുമ്പോള്‍ ഇതൊക്കെ ചിന്തിക്കാന്‍ സാധിക്കുമോന്നാണ് മീനാക്ഷി തിരിച്ച് ചോദിക്കുന്നത്. സുരേഷ് ഗോപിയെ പോലെ എന്ന് പറയാന്‍ കാരണം എന്റെ പൊട്ടബുദ്ധിയ്ക്ക് അവനെ കണ്ടപ്പോള്‍ ഒരേ മുഖഛായ തോന്നിയിരുന്നു. പരന്ന മുഖമായിരുന്നു. ഇപ്പോള്‍ ആരോ അവന്റെ ഫോട്ടോ അയച്ച് തന്നിട്ട്, ഇതാണോ നിന്റെ സുരേഷ് ഗോപി എന്ന് ചോദിക്കും. തല്ലരുതെന്ന് പറഞ്ഞാണ് അവരില്‍ നിന്നും രക്ഷപ്പെട്ടത്.

എല്‍കെജിയില്‍ പഠിക്കുമ്പോള്‍ മീനാക്ഷിയ്ക്ക് ആദ്യമായി പ്രണയം തോന്നിയ ആളായിരുന്നു അഖില്‍ രവി. അപ്പോള്‍ തന്നെ വീട്ടില്‍ പോയി പറഞ്ഞു. 'അമ്മേ എനിക്ക് അഖില്‍ രവിയെ വിവാഹം കഴിക്കണമെന്ന് പറഞ്ഞപ്പോള്‍ അമ്മ അത് സന്തോഷമായി നാട്ടുകാരോടൊക്കെ പറഞ്ഞു. അങ്ങനെ അഞ്ചാം ക്ലാസിലൊക്കെ പഠിക്കുന്നത് വരെ ബന്ധുക്കള്‍ ആ പേര് പറഞ്ഞ് തന്നെ കളിയാക്കുമായിരുന്നു. പക്ഷേ പുള്ളിക്കാരന്‍ എന്നും ഗോപി കുറി ഒക്കെ തൊട്ടാണ് വരാറുള്ളത്. അതാണ് തെങ്കാശിപ്പട്ടണത്തിലേ സുരേഷ് ഗോപിയെ പോലെ തോന്നിയതെന്ന് മീനു പറയുന്നു.

Recommended Video

Most exciting upcoming movies of action king Suresh Gopi | FilmiBeat Malayalam

മാലിക്കിന്റെ ലൊക്കേഷനില്‍ ഭയങ്കര ധൈര്യശാലിയായിട്ടാണ് പോയത്. പക്ഷേ അവിടെ ചെന്ന് ഫഹദിനെ കണ്ടപ്പോഴെക്കും എന്റെ കൈയില്‍ നിന്നും പോയി. സെറ്റ് ഒക്കെ ഗംഭീരമായിരുന്നു. ഞങ്ങളോട് പറഞ്ഞ കഥ അവിടെ റിയലായി നടക്കുന്നത് പോലെ തോന്നും. ഫഹദിന്റെ മോളായിട്ടാണ് ഞാന്‍ അഭിനയിക്കേണ്ടത്. പക്ഷേ ഞാന്‍ മീനാക്ഷിയും ഫഹദ് ഫാസിലും അഭിനയിക്കുന്നത് പോലയൊയിരുന്നു. ആദ്യത്തെ രണ്ട് ദിവസം എന്റെ കൈയില്‍ നിന്ന് പോയ അവസ്ഥയിലായിരുന്നെങ്കിലും പിന്നീട് റെഡിയാവുകയായിരുന്നു എന്ന് മീനാക്ഷി പറയുന്നു.