ഉപ്പും മുളകിലെ ആ വലിയ സര്‍പ്രൈസ് പുറത്തായി! ലച്ചുവിന്‍റെ കല്യാണം ക്ഷണിച്ച് ബാലുവും നീലുവും!

ആറാമത്തെ കുട്ടിയല്ല

ആയിരാമത്തെ എപ്പിസോഡില്‍ സര്‍പ്രൈസുകളുണ്ട്. നിങ്ങള്‍ വിചാരിക്കുന്നത് പോലെ ആറാമത്തെ കുട്ടിയല്ല. ലച്ചു മോളുടെ കല്യാണമാണ്. എല്ലാവരും വരണം. ഞങ്ങള്‍ രണ്ടാളും ചേര്‍ന്ന് നിങ്ങളെ ക്ഷണിക്കുകയാണ്. ഇങ്ങനെയായിരുന്നു ബാലുവും നീലുവും പറഞ്ഞത്. ഇരുവരും ചേര്‍ന്ന് ഇതാദ്യമായാണ് പൊതുവേദിയില്‍ വെച്ച് മകളുടെ കല്യാണത്തിനായി ആരാധകരെ ക്ഷണിച്ചത്. നേവിക്കാരനാണോ അതോ നീലുവിന്‍റെ സഹോദരിയുടെ മകനാണോ നീലുവിനെ വിവാഹം ചെയ്യുന്നതെന്നറിയാനായി കാത്തിരിക്കുകയാണ് ആരാധകര്‍.

ലച്ചു പറഞ്ഞത്

മുടിയന്‍ മൈക്കെടുത്തപ്പോള്‍ തന്നെ ഡാന്‍സ് ചെയ്യണമെന്നായിരുന്നു ആരാധകര്‍ പറഞ്ഞത്. ഇതിനിടയില്‍ മുടി വളര്‍ത്തിയ ഒരാളേയും മുടിയന്‍ പരിചയപ്പെട്ടിരുന്നു. വര്‍ഗസ്‌നേഹമെന്ന് പറഞ്ഞ് കളിയാക്കുകയായിരുന്നു ബാലു. വളര്‍ത്തുന്നവര്‍ക്കേ അതിന്റെ ബുദ്ധിമുട്ട് അറിയൂയെന്നായിരുന്നു മുടിയന്റെ കമന്‍റ്. എന്തായാലും കല്യാണം കഴിച്ചല്ലേ പറ്റൂ, ചേട്ടന്‍ കല്യാണം കഴിക്കില്ലേയെന്നായിരുന്നു ലച്ചുവിന്‍റെ ചോദ്യം. വന്‍കരഘോഷത്തോടെയായിരുന്നു ആരാധകര്‍ ഇവരെ പോത്സാഹിപ്പിച്ചത്.

സര്‍പ്രൈസ് പുറത്തായി

ആയിരാമത്തെ എപ്പിസോഡിനിടയിലെ സര്‍പ്രൈസ് പുറത്തുവിടല്ലേയെന്ന തരത്തിലുള്ള നിര്‍ദേശങ്ങള്‍ അണിയറപ്രവര്‍ത്തകരില്‍ നിന്നും ലഭിച്ചിരുന്നുവെന്നായിരുന്നു നേരത്തെ താരങ്ങള്‍ പറഞ്ഞത്. പരിപാടി വിജയകരമായി മുന്നേറുന്നതിനിടയിലെ സന്തോഷം പങ്കുവെച്ചായിരുന്നു ഇവരെത്തിയത്. പരിപാടിയുടെ വരാനിരിക്കുന്ന എപ്പിസോഡിലെ സര്‍പ്രൈസിനെക്കുറിച്ച് അറിഞ്ഞതിന്‍റെ സന്തോഷത്തിലാണ് ആരാധകര്‍.

വിവാഹത്തിനുള്ള ഒരുക്കങ്ങള്‍

ലച്ചു ചേച്ചിയെ കെട്ടിച്ചുവിടുകയാണ് തങ്ങളെന്നായിരുന്നു കേശു പറഞ്ഞത്. അച്ഛനും അമ്മയും പറഞ്ഞ കാര്യങ്ങള്‍ തന്നെയാണ് തനിക്കും പറയാനുള്ളതെന്നും കേശു പറഞ്ഞിരുന്നു. ബാലുവിന്റെ കുടുംബത്തിലെ ആദ്യത്തെ വിവാഹം കൂടിയാണ് നടക്കാന്‍ പോവുന്നത്. പടവലത്ത് ്‌നിന്നുള്ളവരും നെയ്യാറ്റിന്‍കരയിലുള്ളവരുമൊക്കെ ഈ സന്തോഷത്തിലാണ്. ഇതിനിടയിലാണ് ശങ്കരപ്പൂപ്പനെ ബോധവത്ക്കരിക്കാനായി പോലീസും സ്ഥലത്തെത്തിയത്. മദ്യപിച്ച് ബഹളമുണ്ടാക്കിയതിനെത്തുടര്‍ന്നായിരുന്നു പോലീസ് എത്തിയത്.