ഉപ്പും മുളകും താരം ശിവാനിയുടെ ഫോട്ടോഷൂട്ട് വീഡിയോ! ചിരി അടിപൊളിയാണെന്ന് ആരാധകര്‍

ലച്ചുവിന്റെ വരന്‍ സിദ്ധാര്‍ത്ഥായി പ്രേക്ഷകരുടെ പ്രിയ താരമായ ഡീഡി എന്ന ഡെയിന്‍ ഡേവിസാണ് എത്തിയത്. ഉപ്പും മുളകും പരമ്പരയിലൂടെ ശ്രദ്ധേയയായ താരമാണ് ശിവാനി. പരമ്പരയില്‍ ബാലുവിന്റെ ഇളയ മകളായിട്ടാണ് താരം എത്തിയത്. പരമ്പരയിലുടനീളം മികച്ച പ്രകടനമാണ് ശിവാനിയും കാഴ്ചവെച്ചിരുന്നത്. ഉപ്പും മുളകും പരമ്പരയിലൂടെയാണ് ശിവാനി എല്ലാവര്‍ക്കും പ്രിയങ്കരിയായി മാറിയത്.

ഉപ്പും മുളകിലെ മറ്റു താരങ്ങളെ പോലെ ശിവാനിയുടെ വിശേഷങ്ങള്‍ അറിയാനും എല്ലാവരും ആകാംക്ഷകളോടെ കാത്തിരിക്കാറുണ്ട്. ബാലുവിന്റെ മക്കളില്‍ നാലാമത്തെ ആളാണ് ശിവാനി. മുടിയന്‍, ലച്ചു, കേശു തുടങ്ങിയവരുടെ ഇളയതാണ് ശിവാനി. ശിവാനിക്ക് പിന്നാലെയാണ് പാറുക്കുട്ടിയും വന്നത്.

തന്റെ പുതിയ വിശേഷങ്ങളെല്ലാം സോഷ്യല്‍ മീഡിയയിലൂടെ പങ്കുവെക്കാറുളള താരമാണ് ശിവാനി. ശിവാനിയുടെതായി പുറത്തിറങ്ങിയ ഒരു ഫോട്ടോഷൂട്ട് വീഡിയോ സോഷ്യല്‍ മീഡിയയില്‍ തരംഗമായി മാറിയിരുന്നു, ന്യൂ ഇയര്‍ സമയത്തുളള താരത്തിന്റെ മുണ്ടും ചട്ടയുമണിഞ്ഞ ഫോട്ടോഷൂട്ട് മുന്‍പ് വൈറലായിരുന്നു. അന്ന് ആ സമയത്ത് എടുത്ത ഒരു വീഡിയോ ആണ് ഇപ്പോള്‍ പുറത്തിറങ്ങിയിരിക്കുന്നത്.

ഒരു അഡാറ് ഫോട്ടോഷൂട്ട് സമയത്ത് ഫോട്ടോഷൂട്ട് അംഗങ്ങളോടെയാപ്പം എന്നു പറഞ്ഞാണ് താരം വീഡിയോ പങ്കുവെച്ചിരിക്കുന്നത്. വീഡിയോയില്‍ സ്ലോമോഷനില്‍ ഫോട്ടോഷൂട്ട് അംഗങ്ങളോടൊപ്പം ശിവാനി നടന്നുവരുന്നതാണ് കാണിക്കുന്നത്. ചിരിച്ചുകൊണ്ടുളള ശിവാനിയുടെ വരവില്‍ ചുറ്റുമുളളതൊന്നും കാണാന്‍ കഴിയുന്നില്ലെന്നാണ് ആരാധകര്‍ കമന്റ് ചെയ്തിരിക്കുന്നത്. നിരവധി പേരാണ് ശിവാനിയുടെ വീഡിയോയ്ക്ക് താഴെ കമന്റുകളുമായി എത്തിയിരിക്കുന്നത്. അനീഷ് ഒറിയോണ്‍ ഫോട്ടോഗ്രാഫിയാണ് ശിവാനിയുടെ ചിത്രങ്ങള്‍ പകര്‍ത്തിയിരുന്നത്. സാന്റയോടൊപ്പം ചെലവിടുന്നതിന്റെയും ബൈബിള്‍ വായിക്കുന്നതിന്റെയും അടക്കം വ്യത്യസ്ത പോസുകളിലായിരുന്നു ശിവാനിയുടെ ഫോട്ടോഷൂട്ട്. മുന്‍പും നിരവധി ഫോട്ടോഷൂട്ട് ചിത്രങ്ങള്‍ ശിവാനിയുടെതായി സോഷ്യല്‍ മീഡിയയില്‍ പുറത്തിറങ്ങിയിരുന്നു.