ഉപ്പും മുളകിലെ പാവാടക്കാരി സ്റ്റാര്‍ മാജിക്കിലേക്ക്! അതിഥിയെ സ്വീകരിച്ച് താരങ്ങള്‍! ചിത്രം വൈറല്‍

സ്റ്റാര്‍ മാജിക്കിനൊപ്പം

ഉപ്പും മുളകിലെ പാവാടക്കാരിയായ അശ്വതി നായരും സ്റ്റാര്‍ മാജിക്കിലേക്ക് എത്തിയിരുന്നുവെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്. സൂര്യ മ്യൂസിക്കിലെ അവതാരകയായ അശ്വതി അടുത്തിടെയായിരുന്നു ഉപ്പും മുളകിലേക്ക് എത്തിയത്. പൂജ ജയറാം എന്ന കഥാപാത്രത്തെയായിരുന്നു താരം അവതരിപ്പിച്ചത്. ഒറ്റനോട്ടത്തില്‍ ലച്ചുവിനെപ്പോലെ തോന്നിക്കുന്നുവെന്നായിരുന്നു ചിലരുടെ കമന്റുകള്‍. തുടക്കത്തില്‍ ലച്ചുവുമായി താരതമ്യപ്പെടുത്തലുകള്‍ നടന്നിരുന്നുവെങ്കിലും അത് മാറുകയായിരുന്നു പിന്നീട്.

Recommended Video

Biju Sopanam Exclusive Interview | FilmiBeat Malayalam

പൂജയുടെ വരവ്

മുടിയനെ വിവാഹം ചെയ്യണമെന്ന ആവശ്യവുമായാണ് പൂജ പാറമട വീട്ടിലേക്ക് എത്തിയത്. ഇവള്‍ക്ക് വട്ടുണ്ടോയെന്നായിരുന്നു എല്ലാവരും നീലുവും സംഘവും ചോദിച്ചത്. പഠനവും ജോലിയുമൊക്കെ സെറ്റായി കഴിഞ്ഞതിന് ശേഷം വിവാഹത്തെക്കുറിച്ച് ആലോചിക്കാമെന്ന് പറഞ്ഞതോടെയായിരുന്നു പൂജയ്ക്ക് സന്തോഷമായത്. വിവാഹം നടത്തുമെന്ന് ഉറപ്പ് ലഭിച്ചതോടെയായിരുന്നു പൂജയ്ക്ക് സന്തോഷമായത്. ഏത് സമയത്തും പാറമട വീട്ടിലേക്ക് താനെത്തുമെന്നും പൂജ പറഞ്ഞിരുന്നു. പൂജ വരുന്നത് പേടി സ്വപ്‌നമായി മാറിയിരിക്കുകയാണ് മുടിയനും നീലുവിനും.

ഉപ്പും മുളകും ടീം

സ്റ്റാര്‍ മാജിക്കിലേക്ക് പാറുക്കുട്ടിയും സംഘവും നേരത്തെ അതിഥികളായി എത്തിയിരുന്നു. പാറുക്കുട്ടിയുടെ ഓണ്‍സ്‌ക്രീന്‍-ഓഫ് സ്‌ക്രീന്‍ അമ്മമാരും ലച്ചുവും ശിവാനിയും ബാലുവുമെല്ലാം അന്ന് പരിപാടിയില്‍ പങ്കെടുത്തിരുന്നു. റിഷിയാണ് ആദ്യം തങ്ങളെ അച്ഛായെന്നും അമ്മേയെന്നും വിളിച്ചതെന്നായിരുന്നു ബിജു സോപാനവും നിഷ സാരംഗും പറഞ്ഞത്. ഇതിന് പിന്നാലെയായി മറ്റുള്ളവരും അത് പിന്തുടരുകയായിരുന്നു. ലച്ചുവിന് വിവാഹം ആലോചിച്ച് കൊല്ലം സുധി എത്തിയതും ഉപ്പും മുളകും ടീമിനായി ലക്ഷ്മിയൊരുക്കിയ ഗെയിമുകളുമെല്ലാം അന്ന് വൈറലായി മാറിയിരുന്നു.