ഉപ്പും മുളകിലെ ലച്ചുവിന്‍റെ പുതിയ മേക്കോവറും കിടിലന്‍! ലുലു ഫാഷന്‍ വീക്കില്‍ താരമായി ജൂഹി! കാണൂ!

ലച്ചുവിന്റെ പുതിയ ഫോട്ടോ ഷൂട്ട്

ഏത് ലുക്കിലും മനോഹരി, ഈ വിശേഷണം ലച്ചുവിനും ചേരും. മോഡേണ്‍ വേഷത്തിലും നാടന്‍ ലുക്കിലുമൊക്കെ ലച്ചുവെത്താറുണ്ട്. പരമ്പരയ്ക്ക് പുറമേ ഫാഷന്‍ ഷോയിലും പരസ്യങ്ങളിലുമൊക്കെ പങ്കെടുക്കാറുണ്ട് ലച്ചു. ലുലു ഫാഷന്‍ വീക്കിലെ ലച്ചുവിന്റെ ലുക്കിനെക്കുറിച്ചാണ് ആരാധകര്‍ ഇപ്പോള്‍ ചര്‍ച്ച ചെയ്യുന്നത്. സോഷ്യല്‍ മീഡിയയിലൂടെ ഇതിനോടകം തന്നെ ചിത്രങ്ങള്‍ വൈറലായി മാറിക്കഴിഞ്ഞിട്ടുണ്ട്. കറുത്ത നിറത്തിലുള്ള വസ്ത്രമണിഞ്ഞ് അതീവ സുന്ദരിയായി എത്തിയിരിക്കുകയാണ് ലച്ചു.

സോഷ്യല്‍ മീഡിയയിലെ താരം

ഫേസ്ബുക്കിലും ഇന്‍സ്റ്റഗ്രാമിലുമൊക്കെയായി സജീവമാണ് ലച്ചു. ചിത്രങ്ങളും വിശേഷങ്ങളുമൊക്കെ പങ്കുവെക്കാറുണ്ട് താരം. ലുലു ഫാഷന്‍ വീക്കിലെ ചിത്രങ്ങള്‍ പങ്കുവെച്ചാണ് കഴിഞ്ഞ ദിവസം ലച്ചുവെത്തിയത്. ഫോട്ടോ ഷൂട്ട് കിടുക്കിയെന്നും ബോളിവുഡിലെ താരസുന്ദരിമാരപ്പോലെയുണ്ടെന്നുമൊക്കെയാണ് ആരാധകര്‍ പറയുന്നത്. നാടന്‍ വേഷത്തില്‍ കാണാനാണ് കൂടുതല്‍ ഇഷ്ടമെന്ന് പറഞ്ഞവരും കുറവല്ല. നിരവധി പേരാണ് ചിത്രം ഷെയര്‍ ചെയ്തത്.

പാട്ടിലും മികവ്

അഭിനയത്തില്‍ മാത്രമല്ല ആലാപനത്തിലും താന്‍ കിടുക്കുമെന്ന് തെളിയിച്ചിട്ടുണ്ട് ലച്ചു. കുഞ്ഞനിയത്തിയായ പാറുക്കുട്ടിക്കായി പാടുന്ന ഗാനങ്ങളാണ് ഇപ്പോള്‍ തരംഗമാവുന്നത്. എന്നാല്‍ നേരത്തെ തന്നെ പാട്ട് പാടുന്ന വീഡിയോയുമായി ലച്ചുവെത്തിയിരുന്നു. ഇന്‍സ്റ്റഗ്രാമില്‍ പോസ്റ്റ് ചെയ്ത വീഡിയോ ക്ഷണനേരം കൊണ്ടായിരുന്നു വൈറലായി മാറിയത്.

പിന്തുണയിലും മുന്നില്‍

ഉപ്പും മുളകിലെ അഭിനയത്തിന് ശേഷം എവിടപ്പോയാലും തന്നെ തിരിച്ചറിഞ്ഞ് ആളുകളെത്താറുണ്ടെന്ന് നേരത്തെ ലച്ചു പറഞ്ഞിരുന്നു. ഈ പരമ്പര അവസാനിക്കുന്നതോടെ അഭിനയം നിര്‍ത്താനാണ് തന്റെ പ്ലാനെന്നും പഠനത്തില്‍ ശ്രദ്ധ കേന്ദ്രീകരിക്കണമെന്നുമായിരുന്നു അന്ന് താരം പറഞ്ഞത്. പൂര്‍വ്വാധികം ശക്തിയോടെ മുന്നേറുന്ന പരമ്പര 800 പിന്നിട്ടും കുതിക്കുകയാണ്. മറ്റൊരു പരമ്പരയ്ക്കും അവകാശപ്പെടാനില്ലാത്ത നേട്ടങ്ങളാണ് ഉപ്പും മുളകിനുമുള്ളത്.

അപകടം സംഭവിച്ചപ്പോള്‍

ഇടയ്ക്ക് ലച്ചു സഞ്ചരിച്ചിരുന്ന വാഹനം അപകടത്തില്‍പ്പെട്ടിരുന്നു. ലച്ചുവിന്റെ പരിക്കിനെക്കുറിച്ചുള്ള ചര്‍ച്ചകളായിരുന്നു ആ സമയത്ത് സോഷ്യല്‍ മീഡിയയില്‍ അരങ്ങേറിയത്. തങ്ങള്‍ സഞ്ചരിച്ചിരുന്ന ബൈക്കിലേക്ക് മറ്റൊരു വാഹനം ഇടിക്കുകയായിരുന്നുവെന്നും വലിയ പരിക്കുകളൊന്നുമില്ലെന്നും വ്യക്തമാക്കി ലച്ചുവെത്തിയതോടെയാണ് ആരാധകര്‍ക്ക് ആശ്വാസമായത്. വലിയ വണ്ടി വല്ലതുമായിരുന്നേല്‍ തങ്ങളുടെ കാര്യം തീര്‍ന്നേനെയെന്നും ലച്ചു പറഞ്ഞിരുന്നു.

മുടിയനും സജീവമാണ്

ലച്ചുവിനെപ്പോലെ തന്നെ മുടിയനെ അവതരിപ്പിക്കുന്ന റിഷി ശിവകുമാറും സോഷ്യല്‍ മീഡിയയില്‍ സജീവമാണ്. ഇരുവരും നടത്തിയ ഫോട്ടോ ഷൂട്ട് നേരത്തെ വൈറലായി മാറിയിരുന്നു. സോഷ്യല്‍ മീഡിയയില്‍ സജീവമായ ഇടപെടലുകളാണ് മുടിയനും നടത്താറുള്ളത്. കുഞ്ഞാവയായ പാറുക്കുട്ടിയുടെ വീഡിയോയും ചിത്രങ്ങളുമൊക്കെ പങ്കുവെച്ചാണ് മുടിയനെത്താറുള്ളത്.

വീട് പോലെത്തന്നെയാണ്

ഉപ്പും മുളകിന്റെ സംവിധായകന്റെ മകന്റെ സുഹൃത്തായിരുന്നു താനെന്നും പിറന്നാളാഘോഷത്തിനായി വീട്ടിലേക്ക് പോയപ്പോഴാണ് ഉപ്പും മുളകിലേക്കുള്ള അവസരം ലഭിച്ചത്. ക്യാമറയ്ക്ക് മുന്നില്‍ നിന്ന് അഭിനയിക്കുമ്പോള്‍ തുടക്കത്തില്‍ പേടി തോന്നിയിരുന്നുവെങ്കിലും പിന്നീട് സ്വഭാവികമായ രീതി കൈവരിക്കുകയായിരുന്നു. വീട്ടില്‍ എങ്ങനെയാണോ ഇടപഴകുന്നത് അത് പോലെത്തന്നെയാണ് തങ്ങള്‍ ലൊക്കേഷനിലുമെന്നും താരങ്ങള്‍ പറഞ്ഞിരുന്നു.

ചിത്രം കാണാം

ജൂഹി പങ്കുവെച്ച ചിത്രം കാണാം.

മറ്റൊരു ഫോട്ടോ

ലുലു ഫാന്‍ വീക്കിലെ മറ്റൊരു ചിത്രം, കാണൂ.