നടി നിഷ സാരംഗിന്റെ കൈയ്ക്ക് എന്ത് പറ്റി! മക്കളടക്കം കുടുംബത്തിനൊപ്പമുള്ള ചിത്രവുമായി നടി

പാറമട വീട്ടിലെ സംഭവവികാസങ്ങള്‍ അങ്ങനെയൊക്കെ ആണെങ്കിലും താരങ്ങളുടെ വീട്ടിലും മറ്റ് ചില വിശേഷങ്ങളുണ്ട്. കഴിഞ്ഞ ആഴ്ചയായിരുന്നു നീലു എന്ന നീലിമ ബാലചന്ദ്രനെ അവതരിപ്പിക്കുന്ന നിഷ സാരംഗിന്റെ പിറന്നാള്‍. അമ്പതാം പിറന്നാള്‍ ആഘോഷിക്കുന്ന നിഷയ്ക്ക് സമൂഹ മാധ്യമങ്ങള്‍ നിറയെ പ്രത്യേകിച്ച് ഉപ്പും മുളകിന്റെയും ഫാന്‍സ് പേജുകളിലു ആശംസാപ്രവാഹമായിരുന്നു. ആരാധകർക്കെല്ലാം നന്ദി പറഞ്ഞ് നടിയും രംഗത്ത് വന്നിരുന്നു.

ഇത് മാത്രമല്ല നടി നിഷ സാരംഗ് സോഷ്യല്‍ മീഡിയ പേജിലൂടെ പങ്കുവെക്കുന്ന പുതിയ ചിത്രങ്ങളും വലിയ ചര്‍ച്ചയാവാറുണ്ട്. പരമ്പരയുടേതായി പുതിയ ഗെറ്റപ്പില്‍ നില്‍ക്കുന്ന ചിത്രമായിരുന്നു കഴിഞ്ഞ ദിവസം നിഷ പോസ്റ്റ് ചെയ്തിരുന്നത്. ഒരു തമ്പുരാട്ടിയെ പോലെ അണിഞ്ഞൊരുങ്ങി സുന്ദരിയായി നില്‍ക്കുന്ന ചിത്രം നിമിഷനേരം കൊണ്ട് ജനശ്രദ്ധ നേടി. ഒപ്പം അതിന് പിന്നിലെ കഥയെന്താണെന്നുള്ളത് പുതിയ എപ്പിസോഡുകളില്‍ നിന്നും വ്യക്തമായിരുന്നു. ഇപ്പോഴും ഇതുവരെ കാണാത്തൊരു കഥയുമായിട്ടാണ് ഉപ്പും മുളകും ടീം മലയാളികളുടെ സ്വീകരണമുറിയിലേക്ക് എത്തുന്നത്.

ഇതിന് ശേഷം ഉപ്പും മുളകിലെയും ഒരു എപ്പിസോഡില്ർ ബാലുവിനൊപ്പം നില്‍ക്കുന്നൊരു ചിത്രവും നിഷ പോസ്റ്റ് ചെയ്തിരുന്നു. ഇപ്പോഴിതാ പരമ്പരയിൽ നിന്ന് മാറി തൻ്റെ വീട്ടിലെ വിശേഷങ്ങളുമായി എത്തിയിരിക്കുയാണ് നടി. ഏറെ കാലത്തിന് ശേഷം കുടുംബസമേതം എത്തിയിരിക്കുകയാണ് നിഷ സാരംഗ്. നടിയ്‌ക്കൊപ്പം മക്കള്‍ ഇരുവരും മൂത്ത മകളുടെ ഭര്‍ത്താവും പേരക്കുട്ടിയും മറ്റ് ബന്ധുമിത്രങ്ങളുമൊക്കെ ഉണ്ടായിരുന്നു. കുടുംബം എന്ന ക്യാപ്ഷനില്‍ പങ്കുവെച്ച ചിത്രം വൈറലാവുകയാണ്. എന്നാല്‍ നീലുവിന്റെ കൈയിലെ ബാന്‍ഡേജിനെ കുറിച്ചാണ് ആരാധകരുടെ ചോദ്യം.

കഴിഞ്ഞ ആഴ്ചകളില്‍ നടത്തിയ എപ്പിസോഡുകളിലും നീലുവിന്റെ കൈയില്‍ ഒരു ബാന്‍ഡേജ് കണ്ടിരുന്നു. ഇതോടെ കൈയ്ക്ക് എന്താണ് പറ്റിയതെന്ന് ചോദിക്കുകയാണ് ആരാധകര്‍. ഉപ്പും മുളകിലും അഭിനയിക്കാൻ വേണ്ടി കൈയിലൊരു കെട്ട് എന്നാണ് കരുതിയിരുന്നത്. ഇതിപ്പോ ശരിക്കും എന്താണ് പറ്റിയതെന്ന് ആരാധകരുടെ ചോദ്യം. വല്ലോ അപകടം പറ്റിയിരുന്നോ എന്നടക്കം ചോദ്യങ്ങൾ വന്നെങ്കിലും ഇതിനൊന്നും നടി മറുപടി കൊടുത്തിട്ടില്ല.