ചട്ടിയിൽ പേസ്റ്റി ചിക്കനുമായ ഉപ്പും മുളകിലെ നീലു! മുടിയന് ഇത് ഉണ്ടാക്കി കൊടുക്കാൻ ആരാധകർ

തനി നാടൻ സ്റ്റൈലിലാണ് നിഷ സാരംഗ് ചിക്കൻ കറി ഉണ്ടാക്കിയിരിക്കുന്നത്. വീട്ടിന് പുറത്ത് വിറക് അടുപ്പിൽ മൺചട്ടിയിലാണ് സ്പെഷൽ ചിക്കൻ കറി ഉണ്ടാക്കുന്നത്. പേസ്റ്റി ചിക്കൻ കറിയെന്നാണ് നിഷ ഈ വിഭവത്തിന് നൽകിയിരിക്കുന്ന പേര്. സ്വയംപരീക്ഷിച്ച് കണ്ടെത്തിയ വിഭവമാണിത് പ്രേക്ഷകർക്കായി പങ്കുവെയ്ക്കുന്നത്. കറിയുണ്ടാക്കുന്നതിനോടൊപ്പം തന്നെ ഉപ്പും മുളക് കുടുംബത്തിലെ പാചക വിശേഷങ്ങളും നടി പങ്കുവെയ്ക്കുന്നുണ്ട്.

ചിക്കൻ കറിയുടെ പേര് പോലെ തന്നെയാണ് ഡിഷ്. ചിക്കനും മസാലകളും മാത്രമാണ് ഡിഷിൽ നേരിട്ട് ചേർത്തിരിക്കുന്നത്. ബാക്കിയെല്ലാം അരച്ച് പേസ്റ്റ് രൂപത്തിലാണ് ചേർത്തിരിക്കുന്നത്. ഇഞ്ചി,വെളുത്തുള്ളി, പച്ചമുളക്, തക്കാളി ഉൾപ്പെടെ പേസ്റ്റാക്കിയാണ് ഡിഷിൽ ഉപയോഗിച്ചിരിക്കുന്നത്. അതുകൊണ്ടാണ് പേസ്റ്റി ചിക്കൻ എന്ന് പേര് നൽകിയിരിക്കുന്നതും. പേസ്റ്റ് രൂപത്തിലായത് കൊണ്ട് തന്നെ പച്ച് ടേസ്റ്റ് ഉണ്ടാകില്ലൊണ് നിഷ വീഡിയോയിൽ പറയുന്നു. വളരെ രസകരമായിട്ടാണ് നിഷ വീഡിയോ ചെയ്തിരിക്കുന്നത്.

നീലുവിന്റെ പാചക വീഡിയോ സോഷ്യൽ മീഡിയയിൽ വൈറലാണ്. മികച്ച അഭിപ്രായമാണ് വീഡിയോയ്ക്ക് ലഭിക്കുന്നത്. പ്രേക്ഷകർ ആകാംക്ഷയോടെയാണ് പുതിയ പാചക വീഡിയോയ്ക്കായി കാത്തിരുന്നത്.ചിക്കൻ കറിയെ കുറിച്ച് മാത്രമല്ല നേരത്തെ ഉണ്ടാക്കിയ ചെമ്മീൻ വടയെ കുറിച്ചുമുള്ള അഭിപ്രായവും പ്രേക്ഷകർ പങ്കുവെയ്ക്കുന്നുണ്ട്. നിഷയുടെ ലളിതമായ അവതരണത്തെ കുറിച്ച് മികച്ച അഭിപ്രായമാണ് പ്രേക്ഷകർ പറയുന്നത്.

Recommended Video

Biju Sopanam Exclusive Interview | FilmiBeat Malayalam

ഉപ്പും മുളകും ടീം അംഗങ്ങൾക്കും തന്റെ ഭക്ഷണം വളരെ ഇഷ്ടമാണെന്നും നിഷ പറയുന്നു. സെറ്റിൽ ഭക്ഷണം ഉണ്ടാക്കാറുണ്ടെന്നും താൻ ഉണ്ടാക്കിയ ബീഫ് കറി മുടിയന് ഏറ്റവും ഇഷ്ടമെന്നും നിഷ പറയുന്നു. എന്നാൽ ഈ ചിക്കൻ കറിയുണ്ടാക്കി മുടിയന് ആദ്യം കൊടുക്കണമെന്നും ഒരു ആരാധകൻ പറയുന്നു. വിഷ്ണുവിന് മാത്രമല്ല കേശുവിനും ശിവയ്ക്കുമെല്ലാം താൻ ഉണ്ടാക്കുന്ന ഭക്ഷണം ഇഷ്ടമാണെന്ന് നിഷ പറയുന്നു. പാചകത്തിനായി ഒരു യൂട്യൂബ് ചാനൽ തുടങ്ങാനും ആരാധകർ പറയുന്നു.